viNayak Shipugade - Invidious

viNayak Shipugade

#Student Of The Life 👑

📖🤵Assistant professor ( मराठी )
SET / NET /JRF qualified
JRF(junior research fellowship)
with 100 percentile 🎯

रंगुनी रंगात साऱ्या रंग माझा वेगळा !
गुंतुनी गुंत्यात साऱ्या पाय माझा मोकळा !

कोण जाणे कोठुनी ह्या सावल्या आल्या पुढे;
मी असा की लागती ह्या सावल्यांच्याही झळा !

राहती माझ्यासवे ही आसवे गीतांपरी;
हे कशाचे दुःख ज्याला लागला माझा लळा !

कोणत्या काळी कळेना मी जगाया लागलो
अन्‌ कुठे आयुष्य गेले कापुनी माझा गळा !

सांगती ’तातपर्य’ माझे सारख्या खोट्या दिशा :
"चालणारा पांगळा अन्‌ पाहणारा आंधळा !

माणसांच्या मध्यरात्री हिंडणारा सूर्य मी :
माझियासाठी न माझा पेटण्याचा सोहळा !

- कवी सुरेश भट

.........................🇮🇳🚩.............................

View channel on YouTube

Switch Invidious Instance

Videos

Shorts

Playlists

Posts

viNayak Shipugade

तुम्हा सर्वांचे विनायक शिपुगडे या यूट्यूब परिवारात मनःपूर्वक स्वागत 💐💐

तुमच्या सर्वांच्या साथीने आपण इथपर्यंतचा प्रवास यशस्वीपणे पूर्ण केला आहे... आपल्या सर्वांच्याच प्रतिसादामुळे आपण मराठी माणसाला त्याची ओळख असणारी त्याची सही मराठी मधून करण्यास प्रवृत्त केले आहे.... त्यामुळे "माझी भाषा 📖 माझी ओळख"
हे अभियान आता प्रत्येक मराठी माणसापर्यंत पोहोचत आहे.

येणाऱ्या काळात आपल्याला सर्वांना मिळून मराठी भाषा, मराठी संस्कृती ,महाराष्ट्र धर्म यांचा सुद्धा जागर करायचा आहे .. पण त्यासाठी तुम्हा सर्वांची साथ अशीच कायम राहुदे 🙏🏻❤️

गणपती बाप्पा मोरया ❤️🙏🏻

4 months ago | [YT] | 13

View 7 replies

viNayak Shipugade

माझी भाषा 📖 माझी ओळख

अभिमान अभिजात मराठीचा 🚩

आज बघता बघता सर्वांनीच हे कार्य स्वतःचे समजून भरभरून प्रतिसाद दिला यामुळे हे कार्य करण्याची ऊर्जा द्विगुणित झाली आहे.. आपण सारेच किती नशीबवान आहोत...विचार करा जी मायबोली मराठी ज्ञानोबा–तुकोबा,आपले शिव–शंभुराजे बोलत होते त्याच भाषेतून आपण सारे बोलतो 💯❤️

पण आजकाल इतर भाषांचे मराठी भाषेवर होत असलेले भाषिक आक्रमण आपण वेळीच रोखले नाही तर काही वर्षांनी फक्त नावालाच मराठी बाकी उरेल..शिवरायांनी त्यांच्या हयातीत मराठी भाषेला राज्यभाषेचा दर्जा तर दिला होताच त्याचबरोबर परकीय भाषेमुळे मराठी भाषेमध्ये झालेली भेसळ काढून टाकण्यासाठी 'मराठी राज्यव्यवहारकोश' तयार करून घेतला होता.

मग आपणही आताच्या आपल्या अभिजात मराठी भाषेसाठी, मराठी अस्मितेसाठी आपला खारीचा का असेना पण तेवढा तरी वाटा उचलणार आहोत की नाही ?
का करतील दुसरे ,बघतील तिसरे या अपेक्षांवर विसंबून राहणार आहोत ?

बाकीच्या भाषा या नक्कीच शिकल्या पाहिजे, वेळप्रसंगी बोलल्या पण पाहिजेत..पण या सर्वात मराठी अस्तित्व कुठे हरवुन जात नाही ना याची जाणीव असणेही तितकेच महत्वाचे आहे .💯

मला ही तुमच्या सोबत राहून मराठी भाषा,मराठी संस्कृती,आणि शिवरायांचा महाराष्ट्र धर्म यासाठी सदोदित कार्यरत राहायचं आहे.
आणि या माध्यमातूनच भारतमातेची सेवा करायची आहे...फक्त तुम्ही कधी साथ सोडू नका कारण हे कार्य आपल्या सर्वांचे आहे .

जय शिवराय 🚩

@viNayakShipugade #sketch #drawing #pencildrawing #art #marathi #artist

8 months ago | [YT] | 34

View 30 replies

viNayak Shipugade

शतशा: आभार ❤️🙏

एक वर्षापूर्वी सुरू झालेला हा प्रवास तुमच्या सर्वांच्या साथीने या सुंदर टप्यावर येऊन पोहचला आहे... इथून पुढेही तुमची साथ आणि तुमचा विश्वास माझ्याबरोबर कायम राहील एवढीच अपेक्षा व्यक्त करतो.

मराठी भाषा, मराठी संस्कृती, आणि हिंदवी स्वराज्याचे रक्षण करणारा छत्रपती शिवरायांनी शिकवलेला महाराष्ट्र धर्म याचा जागर इथून पुढे मोठ्या आत्मविश्वासाने चालू राहील याची नक्कीच ग्वाही देतो.... पुनश्च एकदा तुम्हा सर्वांना मनापासून धन्यवाद 🙏❤️

जय शिवराय 🚩

9 months ago | [YT] | 23

View 12 replies

viNayak Shipugade

माझी एक विनंती आहे, तुम्हा सर्वांशी थेट संपर्क साधण्यासाठी आपल्या
marathi_signaturestudio या इंस्टाग्राम पेजला सर्वांनी एकदा भेट द्यावी. व तिथे कमेंट किंवा तुमचा थेट संदेश (DM) पाठवावा.... नक्कीच तुम्हाला प्रतिसाद दिला जाईल.

तुम्ही देत असलेल्या प्रचंड प्रतिसादाबद्दल तुम्हा सर्वांचे हृदयपूर्वक आभार 🙏❤️

आपलाच,
विनायक शिपुगडे 🙏

9 months ago | [YT] | 14

View 30 replies

viNayak Shipugade

आपल्या marathi_signaturestudio या इंस्टाग्राम पेजला भेट दिली आहे का ?

आवडल्यास follow करायला विसरू नका 🙏😊

9 months ago | [YT] | 7

View 10 replies

viNayak Shipugade

मराठी भाषा गौरव दिवस (२७ फेब्रूवारी) जवळ येत आहे..कोण कोण मराठीमधून सही करायला शिकत आहे.

11 months ago | [YT] | 12

View 9 replies

viNayak Shipugade

जागर शिवचरित्राचा ❤️🚩

एक नवी सुरुवात...🎤

काल पहिल्यांदाच काऊरवाडी (पन्हाळा) येथे शिवजयंती निमित्त आयोजित कार्यक्रमात मला व्याख्यानासाठी निमंत्रित केलं होतं... मी काही स्वतःला व्याख्याता वगैरे अजिबात समजत नाही...कारण आज पर्यंत मी कधीच व्याख्यान वगैरे कधी द्यायला गेलो नाही..... आणि त्यामुळेच ज्यावेळी मी बोलायला उभा राहिलो त्यावेळी मला कुठेतरी भीती होती की आपल्याला जमेल की नाही... पण क्षणभर डोळे मिटले आणि महाराजांना आठवलं आणि मनाशीच म्हटलं....

महाराजांच्या आयुष्यात तर कित्येक संघर्षाचे दिवस होते इतकेच काय त्यांना प्रत्येक दिवशी मरणाशी झुंज द्यावी लागत होते. तरीही ते कधी डगमगले नाहीत आणि आत्मविश्वासाने त्यांनी याचा सामना केला म्हणूनच ते इतके मोठे अशक्य वाटणार स्वराज्याचे देखणं स्वप्न साकार करू शकले..... मग मला तर त्याच शिवाजी महाराजांच्या बद्दल चार शब्द बोलता येणार नाहीत का...?..... आज नाही तर कधीच नाही..... आणि मग कुणास ठाऊक पण आपोआपच आत्मविश्वास प्राप्त झाला... आणि मी बोलत गेलो... माझ्या बोलण्याचा विषय होता "छत्रपती शिवाजी महाराज आणि आजची युवा पिढी "......लोकांच्या मला मिळणाऱ्या प्रतिसादावरून मला इतकंच समजलं की मी बोलू शकतो...... आता अजून खूप काही शिकायचं आहे याची जाणीव मात्र मला नक्कीच आहे. 💯

व्याख्यान झाल्यानंतर आयोजकांनी माझ्या यूट्यूब आणि instagram पेज बद्दल सर्वांना सांगितलं... तसेच मी चालू केलेल्या माझी भाषा 📖 माझी ओळख या अभियाना बद्दल ही सर्वांना सांगितलं.. आणि खरं सांगतो कित्येक लहान मुले मुली युवक तसेच गावातील नागरिक या सर्वांनीच माझ्याकडून हट्टाने त्यांच्या मराठी सहीचा नमुना करून घेतला... मी पण मग त्यांना मराठीत सही का केली पाहिजे याचे महत्त्व पटवून दिले.. एका गोष्टीचा आनंद वाटतोय लोक तुमच्या चांगल्या कामाची नक्कीच दखल घेतात फक्त आपण कसली अपेक्षा न ठेवता आपलं कार्य करत राहिलं पाहिजे... आणि खरंतर शिवचरित्रातून मी पण हेच शिकलो.

आणखी एक माझ्याबरोबर काल त्याच कार्यक्रमात शौर्य अनिल पाटील या छोट्या बालकथा कथनकाराने आपल्या 'गड आला पण सिंह गेला' ही कथा आपल्या ओघवत्या आणि इतिहासाला डोळ्यासमोर जिवंतपणे उभ्या करणाऱ्या शैलीतून सादर करून सर्वांनाच इतिहासात पुन्हा एकदा मागे जायला भाग पाडले... आपणही त्याच्या शौर्य पाटील या यूट्यूब चैनल ला भेट देऊन त्याचीही कथा ऐकू शकता.

🚩जय जिजाऊ ❤️जय शिवराय 🚩

11 months ago | [YT] | 32

View 6 replies

viNayak Shipugade

माझी भाषा 📖 माझी ओळख.....अभियान 🚩

कविश्रेष्ठ कुसुमाग्रज यांनी एकदा म्हंटले होते की,

परभाषेतही व्हा पारंगत,
ज्ञानसाधना करा तरी.....
माय मराठी मरते इकडे,
परकीचे पद चेपू नका.
भाषा मरता देशही मरतो,
संस्कृतीचाही दिवा विझे
गुलाम भाषिक होऊनी,
आपल्या प्रगतीचे शिर तुम्ही कापू नका ||

आता इतकं सर्व सांगितल्यानंतर मी तुम्हाला आपल्या मायबोली मराठीचे आपल्या सर्व मराठी लोकांच्या आयुष्यातील महत्व वेगळे सांगण्याची गरज नाही ....पण फक्त महत्व माहीत असून चालणार नाही ...आता प्रत्येकाच्या पातळीवर जमेल तसे मराठी भाषेच्या वाढीसाठी,संवर्धनासाठी कृतिशील प्रयत्न होणे ही खरी गरज आहे ....मग अशावेळी आपण सामान्य मराठी लोक काय करू शकतो असा प्रश्न तुम्हाला पडणे साहजिक आहे.

थांबा...मी सांगतो काय करू शकतो आपण...बघा पटतयं का ?
इथून पुढे दरवर्षी १९ फेब्रूवारी ( शिवजयंती) ते २७ फेब्रुवारी (मराठी भाषा गौरव दिन) या नऊ दिवसांच्या कालावधीत जाणीवपूर्वक फक्त मराठी भाषा,मराठी संस्कृती याचाच आपण जागर करू शकतो.
( टिप - नक्की करायचं काय याचं उत्तर मी पुढे दिलेलं आहेच. )

आवडल्यास आपले नातेवाईक, मित्र - मैत्रिणी सर्वांना याची कल्पना द्या...आणि तुम्हीही तुमच्या पातळीवर यात सहभागी होऊन चिरकाल टिकणारे समाधान मिळवा.

प्रा. विनायक शिपुगडे

🚩|| जय शिवराय || जय मराठी || जय महाराष्ट्र || 🚩

‪@Themarathibana0112‬ ‪@राज्यमराठीविकाससंस्था‬ ‪@maratheshahipravinbhosale‬ ‪@atharvasudame1098‬ ‪@Themarathibana0112‬ ‪@abpmajhatv‬ ‪@Satish.Calligraphy‬ ‪@udaysamantofficial9666‬

11 months ago | [YT] | 20

View 0 replies

viNayak Shipugade

छ.शिवाजी महाराज व त्यांचे आजचे मावळे

(कृपया संपूर्ण लेख वाचावा वेळ वाया जाणार नाही असा विश्वास देतो)

     छत्रपती शिवाजी महाराज कि......
असे शब्द कानावर पडताच आमच्या तोंडातून कधी 'जय' शब्द बाहेर पडतो हे आमचं आम्हांलाच कळत नाही. गेली साडेतीनशे वर्षे या नावाने महाराष्ट्रालाच नव्हे संपूर्ण देशाला भुरळ घातली आहे़. कित्येकांच्या जगण्याचा प्रेरणास्त्रोत बनून राहिले आहेत शिवराय,आणि इथून पुढेही हा प्रेरणास्त्रोत चंद्र सूर्य असेपर्यंत या देशातील प्रत्येक घराघरात प्रत्येकाच्या मनामनात अबाधित राहील याबद्दल शंकाच नाही...💯
                     पण छत्रपती शिवाजी महाराज की म्हटल्यानंतर 'जय' म्हटलं म्हणजे संपली का आपली जबाबदारी ? खरेतर आम्ही जय म्हणायलाही पात्र आहोत की नाही हा प्रश्न प्रत्येकाच्या मनात आला पाहिजे. त्याचं कारणही तसंच आहे ,

                    ज्या छत्रपती शिवरायांनी परस्त्रीला मातेसमान मानले त्याच देशात आज दिवसाला 106 बलात्कार होतात.ज्या शिवरायांनी बलात्कार करणाऱ्या रांझ्याच्या पाटलाला त्याची जात-पात, पदाचा कसलाही विचार न करता त्याचे हात-पाय तोडले. पण आज मात्र आम्ही बलात्कार झाल्यानंतर बलात्कार करणारा व बलात्कार पीडित यांनाही जातीमध्ये विभागून टाकतो. बलात्कार पीडित जर स्व:जातीची असेल तरच आम्ही त्याविरुद्ध आवाज उठवतो.मग आमच्या लाजा,आमचं देशप्रेम, शिवप्रेम या वेळी गहाण ठेवतो काय?

                       ज्या राजाच्या दरबारात कधीच कोणती परस्त्री नाचली नाही नव्हे नाचवली गेली नाही व ज्या छत्रपती शिवरायांनी उभ्या आयुष्यात कधीच कोणते व्यसन केले नाही,त्याच शिवबाचे वारसा सांगणारे आजचे मावळे मात्र आपले चारित्र्य गहाण ठेवून,दारू,गांजा,चरस,सिगारेट,अफु, हुक्का, तंबाखू, पब कल्चर या नाना तरांच्या व्यसनांनी युक्त असे बिनधास्त जीवन जगत आहेत.

              ज्या शिवबाच्या स्वराज्यातील पहारेकऱ्याने सायंकाळच्या वेळी गडाचे दरवाजे बंद केल्यानंतर खुद्द शिवरायांनाही गडावर प्रवेश दिला नाही, त्याच स्वराज्यातील शिवरायांचे चित्र,नावाच्या पाट्या असलेल्या गाड्या मात्र बेभानपणे ट्रॅफिक नियम मोडून निघून जातात.

                     ही आजची तरुण पिढी नाना दिवस (डे) साजरे करते त्यातला सर्वात लाडका म्हणजे 'व्हॅलेंटाईन डे '. प्रेम व्यक्त करायला विरोध नाही,पण खरच सांगा आजचे प्रेम हे प्रेम राहिले आहे का ? १४ तारखेला प्रपोज-१५ तारखेला ब्रेकअप- १६ तारखेला दुसरी प्रेमाची कहाणी सुरू असले हे आजचे 'दळभद्रे प्रेम'....

प्रेम केलयं ना ...भगतसिंगांनीही प्रेम केले व त्या राष्ट्रप्रेमापोटी वयाच्या अवघ्या तेविसाव्या वर्षी हसत हसत फासावर गेले आहेत,

मायभूच्या मुक्तीसाठी सर्व सुखाचा त्याग करून सेल्लूलर जेलमध्ये काळ्या पाण्याची शिक्षा भोगणाऱ्या क्रांतीशिरोमनी वीर सावरकरांचे भारतमातेवरचे प्रेम, विवेकानंदांचे भारतीय संस्कृतीवरचे प्रेम,बाबा आमटेंच कृष्ठरोग्यांवरचे प्रेम, छत्रपती शिवरायांचे स्वराज्यावरील प्रेम जे आजही साडेतीनशे वर्षांनंतरही अबाधित आहे.महात्मा गांधीजींचे स्वच्छते प्रती असलेले प्रेम यालाही प्रेमच म्हणतात.

आणि म्हणूनच छत्रपती शिवाजी महाराजांचा वारसा सांगणाऱ्या व्यसनी,चारित्रहीन (माफ करा पण वास्तव आहे) मावळ्यांना मला एवढेच सांगावेसे वाटतयं की, अशा मावळ्यांना साक्षात शिवरायांनीही कधी मावळे म्हटले नसते.एवढेच नव्हे तर अशा मावळ्यांचा कडेलोट केला असता. पण या 19 फेब्रुवारी च्या शुभ मुहूर्तावर अशा व्यसनी,चारित्रहीन मावळ्यांसाठी हा सुवर्ण दिवस आहे या दिवशी आपण आयुष्यभर व्यसनमुक्त, चारित्र्यवान राहण्याची शपथ घेऊ शकता. आणि तरच आपणाला शिवबाचे मावळे म्हणून अभिमानाने मिरवण्याचा अधिकार आहे.

( या संकल्पनेलाच मूर्त स्वरूप देण्यासाठी २०१७ या वर्षी १९फेब्रुवारी या शुभदिनी आम्ही *शिवरायांचा व्यसनमुक्त मावळा अभियान* या नावीन्यपूर्ण अभियानाची सुरवात आमच्या वाळोली (ता.पन्हाळा,जि.कोल्हापूर)या गावामध्ये केली.याला आज सहा वर्ष पूर्ण झाली आहेत.
या अभियानाच्या माध्यमातून हा शिव-संदेश सर्वांपर्यंत पोहोचवण्यासाठी विविध शाळा हायस्कूल कॉलेजेसना भेटी दिल्या व सर्वांना व्यसनमुक्त चारित्र्यसंपन्न राहण्याची शपथ दिली गेली)

आणि हो मी नक्कीच म्हणू शकतो,

*गर्व आहे मला मी शिवबाचा व्यसनमुक्त मावळा असल्याचा*

.........जय शिवराय.........

                         - विनायक शिपुगडे

#shivjimaharaj #shivjaynti ‪@Themarathibana0112‬ ‪@atharvasudame1098‬ ‪@MarathiGaurav‬ ‪@shivaji_raje24‬

11 months ago | [YT] | 23

View 0 replies

viNayak Shipugade

आजचा आदर्श युवक.....?

स्वातंत्र्योत्तर काळात ज्यावेळी वीस-पंचवीस वयाचे तरुण - तरुणी देशाच्या स्वातंत्र्यासाठी अहोरात्र प्रयत्नाची पराकाष्ठा करत होते..वेळ पडल्यास हसत- हसत आपले बलिदान देत होते... वैचारिक, राजकीय, सांस्कृतिक दृष्ट्या प्रगल्भ असलेले हे तरुण तरुणी राष्ट्रहिताचाच विचार करत होते.

पण आज मात्र समाजात पाहिलं तर नक्कीच कुठेतरी अस वाटतंय की, आजच्या तरुणाईची ऊर्जा निरनिराळ्या व्यसनांमुळे वाया जात आहे त्यामधे ड्रग्स, दारू, सिगारेट, तंबाखू, पब कल्चर, ई. चा आवर्जून उल्लेख करावा लागेल.

अशा वाट चुकलेल्या तरुणाईसाठी स्वामी विवेकानंदांनी सांगीतलेली 'आदर्श युवक कसा असावा ' ही तत्वे पथदर्शक नक्कीच ठरू शकतात...पण त्याचे अनुकरण होणे खूप महत्त्वाचे आहे .

#12जाने #स्वामीविवेकानंद #swamivivekanand #youth #newindia

1 year ago (edited) | [YT] | 22

View 5 replies