RURAL MEDIA is dedicated to give their audience variety of informative content about Agriculture Trends, Rural Skills and traditions and their products.Culture, Success Stories, which are deviant and out of the ordinary.
RURAL MEDIA is your one stop destination to uncovering the answers to all.
And anyone can contribute to RURAL MEDIA. Shoot for us, report for us,
your material is welcome so long as it meets the standards of this Channel and falls within our mandate, the everyday lives of everyday people.
Subscribe to the New Emerging World Of Journalism today,
youtube.com/channel/UCB-qo7KffgImZXIBImIuWSQ?view_…
With love
ShyamMohan,Editor
#Ruralmedia
email : smrm5858@gmail.com
Rural Media
ఒకవైపు... వేల మెగావాట్ల విద్యుత్ను ఉత్పత్తి చేసే పవర్ స్టేషన్.
మరోవైపు... అదే వెలుగుకు కేవలం 9 కిలోమీటర్ల దూరంలో ఉన్న గిరిజన ఆవాసాల్లో మాత్రం... ఇప్పటికీ చీకటే.
పిల్లలు కిరోసిన్ దీపాల వెలుగులో చదువుకుంటున్నారు.
కుటుంబాలు చీకటితోనే రాత్రిని గడుపుతున్నాయి.
దాదాపు 2,500 మంది ప్రజల జీవితాల్లోకి విద్యుత్ వెలుగు ఇంకా చేరలేదు.
ఈ వైరుధ్యం ఎందుకు?
వెలుగు పుట్టే చోటే... చీకటి ఎందుకు మిగిలిపోయింది?
ఈ ప్రశ్నకు సమాధానం కోసం...
RuralMedia Team భద్రాద్రి కొత్తగూడెం జిల్లాలోని కరకగూడెం, పినపాక మండలాల్లోని రెండు గిరిజన ఆవాసాలకు వెళ్లింది. https://youtu.be/5is-wtImqXA
2 days ago | [YT] | 3
View 0 replies
Rural Media
‘బాబు వయస్సెంతమ్మా?’
‘ఏడు నెలలు…’
‘పేరు ఏమిటో అడగండి. వీరి పేర్లు గమ్మత్తుగా ఉంటాయి’ అని మా టీమ్ సభ్యుడు నవ్వుతూ అన్నాడు.
‘ఏం పేరు పెట్టావమ్మా?’
ఆమె ముఖంలో ఒక్కసారిగా చిరునవ్వు మెరిసింది.
‘చిరంజీవి… సార్!’ అని మురిసిపోతూ చెప్పింది.
విద్యుత్ లేదు. సరైన విద్యా సదుపాయాలు లేవు. అడవిలో ఎక్కడో విసిరేసినట్టుగా కనిపించే అశ్వరావుపాడు అనే మారుమూల గిరిజన ఆవాసంలోనూ ఒక సినిమా హీరో పేరు ఒక బిడ్డకు పెట్టేంతగా సినిమా ప్రభావం చేరుకుంది.
సినిమా మన ఊహలను, మన కలలను, మన పిల్లల భవిష్యత్తుపై మన ఆశలను ఎంతగా ప్రభావితం చేస్తుందో చెప్పే చిన్న ఉదాహరణ.
ఎవరికి తెలుసు…
ఈ ‘చిరంజీవి’ ఒకరోజు నిజంగానే తెరపై హీరో అవుతాడేమో!
లేదా… తన గిరిజన పల్లెను మార్చేసే నిజమైన హీరో అవుతాడేమో!
భవిష్యత్తు ఎవరికీ తెలియదు. కానీ ప్రతీ తల్లికి ఒక కల ఉంటుంది!
— Rural Media Field Story/Aswa Rao padu/BK District/TG
3 days ago | [YT] | 16
View 0 replies
Rural Media
నలుగురు చేసే కలుపు పనిని ఒక వీడర్ తీసేస్తుంది!
నిముషంలో మల్లెపూలమాల అల్లే మిషన్!
కరెంట్ లేని కుగ్రామాలో నీళ్లను ఎత్తిపోసే యంత్రం!
ఇదంతా పల్లెల్లో పుట్టిన సైన్స్. వీటిని తయారు చేస్తున్న యువకులను
ప్రపంచానికి పరిచయం చేస్తున్నది ఎవరో తెలుసా? https://youtu.be/NYswnEbXUsY
దాదాపు 500 పల్లెలకు పైగా తిరిగారు.వందల మైళ్లు పాదయాత్ర చేశారు.
ఎక్కడ ఏ కొత్త ఆవిష్కరణ కనిపించినా, ఆ డిజైనింగ్ నిపుణులను ప్రపంచానికి పరిచయం చేయడమే బ్రిగేడియర్ గణేశం లక్ష్యం. ఆయన యాత్రలో ఆరుదైన విశేషాలే ఈ . Video link
https://youtu.be/NYswnEbXUsY
3 days ago | [YT] | 2
View 0 replies
Rural Media
ఒకప్పుడు ఆయన కంప్యూటర్లో అక్షరాలు టైప్ చేసే సాధారణ డీటీపీ ఆపరేటర్... నేడు అదే అక్షరాలతో రైతుల జీవితంలో మార్పు కోసం 3 పత్రికలకు యజమానిగా ఎలా మారాడు ? నష్టాల్లో ఉన్న వ్యవసాయాన్ని లాభసాటిగా మార్చాలనే లక్ష్యంతో మీడియా రంగాన్ని ఎందుకు ఎంచుకున్నారు ? పత్రికలతో పాటు వందకు పైగా పుస్తకాలు ప్రచురించి పబ్లిషర్గా ఎలా మారారు? రసాయనాల నుండి నేలను కాపాడాలనే ఆయన సంకల్పం... ప్రకృతి పంటల ఉద్యమంగా ఎలా మారింది? సామాన్య రైతు కుటుంబం నుంచి వచ్చిన యడ్లపల్లి వేంకటేశ్వరరావు జీవన ప్రయాణం అత్యున్నత భారత పురస్కారం ‘పద్మశ్రీ’ వరకు ఎలా చేరుకుంది? https://youtu.be/HGL6FLoxYqg
6 days ago | [YT] | 8
View 0 replies
Rural Media
కింద చూస్తే నగరాలు వెలుగులతో మెరిసిపోతున్నాయి.
రోడ్లు... భవనాలు... వీధులు... వేలాది దీపాలు...
ఆకాశం నుంచి చూస్తే మనం ఎంత అభివృద్ధి చెందామో అనిపిస్తుంది.
కానీ... అదే కిటికీలోంచి బయటకు చూస్తున్న నా కళ్లకు
మరికొన్ని చీకటి గ్రామాలు గుర్తుకొస్తున్నాయి.
ఇప్పటికీ విద్యుత్తు వెలుగు అందని 21 గ్రామాల గురించి మాకు సమాచారం వచ్చింది.
వాటిలో కొన్ని గ్రామాలకు వెళ్లి చూశాం.
అక్కడ చీకటి ఒక్క విద్యుత్తుదే కాదు...
విద్యకు చీకటి... వైద్యానికి చీకటి...
తాగునీటికి చీకటి... కనీస అవసరాలకు చీకటి.
అయినా అక్కడ మనుషులు బతుకుతున్నారు.
తరాలు మారుతున్నాయి. పిల్లలు పెరుగుతున్నారు.
కానీ వారి జీవితాల్లోని చీకటి మాత్రం మారడం లేదు.
ఇప్పటికీ ఒక ప్రశ్న మమ్మల్ని వెంటాడుతోంది...
ఇంకెంతకాలం వారి కథలు చెప్పాలి? ఇంకెన్ని వీడియోలు తీయాలి?
ఇంకెన్నిసార్లు ప్రభుత్వాల తలుపు తట్టాలి? స్పందన కోసం ఇంకెన్నాళ్లు ఎదురుచూడాలి?
కేవలం వారి బాధను చూపించడమే మన పనా ?
మా వంతుగా... కనీసం ఒక్క గూటిలోనైనా ఒక దీపం వెలిగించలేమా?
అనే ప్రశ్నకు సమాధానం వెతుక్కుంటూ తిరుగుతున్నాం.
ఎందరినో కలుస్తున్నాం. ఎన్నో తలుపులు తడుతున్నాం.
ఎక్కడైనా ఒక మార్గం దొరుకుతుందేమోనని చూస్తున్నాం.
ఎందుకంటే...
ఆ చీకటి పల్లెల్లో ఒక్క ఇంట్లో అయినా వెలుగు వెలిగితే...
ఒక్క పిల్లవాడైనా రాత్రి చదువుకోగలిగితే...
అదే మా కథనానికి అసలైన అర్థం అనిపిస్తోంది.
గాలి మోటారులో ఎగురుతూ...
ఆకాశం నుంచి వెలుగులతో నిండిన నగరాలను చూస్తున్న ప్రతిసారీ...
మా కళ్లకు మాత్రం ఆ చీకటి పల్లెలే కనిపిస్తున్నాయి.
ఆకాశాన్ని చీల్చుకుంటూ ఎగరగలిగే అభివృద్ధిని మనం సాధించాం...
కానీ అదే అభివృద్ధి వెలుగు
నేలపై ఉన్న ప్రతి పేద గుడిసెను చేరే రోజు ఎప్పుడు?
1 week ago | [YT] | 24
View 5 replies
Rural Media
బూతులు తిట్టడమే జర్నలిజమా? https://youtu.be/AYdDEXiAhmw
సర్కారు పై ధ్వేషమే రిపోర్టింగా ?
పవర్ఫుల్గా చెప్పలేనపుడే
దూషణలను పబ్లిష్ చేస్తారా ?
పాపులర్ యూట్యూబర్ ఏమంటారు ? https://youtu.be/AYdDEXiAhmw
1 week ago | [YT] | 1
View 0 replies
Rural Media
ఒక చిన్న నీటి కుంట... ఒక రైతు కుటుంబానికి ఎంత ఆదాయం ఇవ్వగలదు? చేపలు పెంచొచ్చు... కూరగాయలు పండించొచ్చు... పంటలకు నీళ్లివ్వొచ్చు... అంటే... ఒకే నీటితో మూడు ప్రయోజనాలు. ఇదే... ఎకో ఫార్మ్పాండ్! అది కుటుంబానికి భరోసా. ఒక చిన్న భూమి కూడా అనేక ఆదాయ మార్గాలకు ఆధారంగా మారుతుంది. పార్వతీపురం మన్యం జిల్లా, సీతంపేట లోని గిరిజన రైతుల అనుభవం - https://youtu.be/JQbXi6uF-Uo
1 week ago | [YT] | 2
View 0 replies
Rural Media
రైతుల కోసం పత్రికలు ప్రచురించడం ఒక బాధ్యత అయితే... రైతు కష్టాన్ని స్వయంగా అనుభవించడం ఒక నిబద్ధత.
కర్షకుల కథలు రాయడమే కాదు... స్వయంగా సేద్యం చేస్తున్నారు, ‘రైతు నేస్తం’ ఎడిటర్ వెంకటేశ్వరరావు.
సెప్టెంబర్ వచ్చినా చినుకుల జాడ కనిపించని విషాదంలో కూడా ఆయన వెనక్కి తగ్గలేదు. చౌడు నేలలో సారం కాపాడుకుంటూ, అందుబాటులో ఉన్న నీటిని పొదుపుగా వాడుతూ సజ్జలు, కొర్రలు సాగు చేస్తున్నారు.
‘నీరు తక్కువైనా... నేలను అర్థం చేసుకొని వాతావరణానికి తగ్గట్టు సాగు పద్ధతులను మార్చుకుంటే... ప్రతికూల పరిస్థితుల్లోనూ రైతు తన పొలాన్ని బతికించుకోవచ్చు ’ అంటారాయన.
వ్యవసాయం అంటే కేవలం విత్తనం వేసి పంట కోసం ఎదురుచూడటం కాదు. నేలను గమనించడం... వానను అర్థం చేసుకోవడం... విత్తనాన్ని గౌరవించడం... ప్రకృతితో కలిసి నడవడం.
ఈ చౌడు నేలలో మొలిచే ప్రతి సజ్జ మొక్క... ఈ ఎండలో నిలబడే ప్రతి కొర్ర కంకి...
‘వ్యవసాయం ఇంకా బతికే ఉంది... రైతు ఆశ ఇంకా చావలేదు’ అని చెబుతున్నాయి.
రైతు కోసం రాసే కలం...
రైతు కోసం మాట్లాడే గొంతు...
రైతు కోసం నిలబడే మనసు...
ఇవన్నీ చివరికి మట్టిని తాకినప్పుడే సంపూర్ణమవుతాయి.
అందుకే ‘రైతు నేస్తం’ పత్రిక, రైతు జీవితాన్ని అర్థం చేసుకునే ఒక ఆలోచన. వ్యవసాయాన్ని ప్రేమించే ఒక ప్రయాణం.
1 week ago | [YT] | 25
View 0 replies
Rural Media
వర్షాధార ప్రాంతాల్లో రైతుకు నీరు అంటే కేవలం సాగునీరు కాదు... అది కుటుంబానికి భరోసా. వర్షపు నీటిని ఫార్మ్పాండ్లో నిల్వ చేసుకుని... అదే నీటితో చేపల పెంపకం, కూరగాయల సాగు, పంటలకు సాగునీరు అందిస్తే... ఒక చిన్న భూమి కూడా అనేక ఆదాయ మార్గాలకు ఆధారంగా మారుతుంది. పార్వతీపురం మన్యం జిల్లా, సీతంపేట లోని గిరిజన రైతుల అనుభవం - https://youtu.be/JQbXi6uF-Uo
1 week ago | [YT] | 5
View 0 replies
Rural Media
‘ కరెంట్ బల్బ్ ఎట్లా ఉంటుందో మా వాళ్లకు తెలీదు. పగలంతా పనికివెళ్లొచ్చి చీకటి పడేలోపు అంబలి తిని పడుకుంటాం. సెల్ ఫోన్ ఛార్జింగ్కి మా గూడెం దాటి రెండు కిలో మీటర్లు పోయి కరెంట్ ఉన్న చోట ఛార్జింగ్ పెట్టుకొని రావాలి.’ అంటారు దండుపల్లి వాసులు. ఇలాంటి పల్లెలు తెలంగాణలో వందల్లో ఉన్నాయి. మాకున్న సమాచారం తో భద్రాచలం,ములుగు ప్రాంతాల్లో 21 చీకటి ఆవాసాలు గుర్తించాం.వాటిల్లో కొన్ని చూశాం.
చాలా మందికి తెలీక పోవచ్చు. చీకటి అనేది అతిపెద్ద సామాజిక సమస్య.
.........................................................................................
ఫోటోలు 1, దండుపల్లి గ్రామం ( ములుగు ) 2, నీలాద్రిపేట ( భద్రాద్రికొత్తగూడెం )
2 weeks ago | [YT] | 36
View 2 replies
Load more