Rural Media

మీడియాలో ఆదివాసీ రైతుల జీవనం ఎలా చూపిస్తున్నారు ? కథనాల్లో ఏమి చూపించారు? ఏమి చూపించలేదు? ఎవరి గొంతు వినిపించారు ? ఎవరి గొంతు వినిపించలేదు? ’ ఇవీ ఆదివాసీ రైతులు మాకు వేసిన ప్రశ్నలు.
భారీ మీడియా సంస్థల నుంచి వెలువడే పత్రికలు ఆదివాసీ ప్రాంతాల్లో ఎందుకు కనిపించవు? అభివృద్ధి పేరుతో అడవులు, కొండలు ధ్వంసమవుతున్నప్పుడు మా స్వరం మీడియాలో ఎందుకు వినిపించరు ? మా పంటలకు తూనికలు, కొలతల్లో మోసం జరుగుతున్నా ఎందుకు ఎవరూ రాయరు? మా కొండల అందాలను చూపించే కథనాలు వస్తున్నాయి. కానీ విద్య, వైద్యం అందక లోయల అంచుల్లో మేము ఎదుర్కొంటున్న కష్టాలు ఎందుకు కనిపించవు? ఇలా ఎన్నో ప్రశ్నలతో వారు మమ్మల్ని నిలదీశారు.
‘ లిబ్‌టెక్ ఇండియా’ నిర్వహించిన సదస్సులో మీడియా ప్రతినిధులుగా మాతోపాటు బాలకృష్ణ ( The News Minute ) , అనుజ్ దాస్ (ఒడిశా), అంజలి (కంటెంట్ క్రియేటర్) పాల్గొన్నారు. మేము కూడా ఆదివాసీ ప్రాంతాల్లో మా అనుభవాలను కొన్నింటిని పంచుకున్నాం.
అయితే ఆ రోజు మాకు అర్ధం అయింది ఒక్కటే . ఆదివాసీ సమాజం గురించి మేము మాట్లాడటం కంటే, వారు తమ గురించి తాము చెబుతున్నప్పుడు వినడం ఎంతో ముఖ్యమని.
తమ జీవితాల్లోని వాస్తవాలను, తమ సమస్యలను, తమ ప్రశ్నలను వారు చెప్పిన తీరు మీడియాకు ఒక విలువైన పాఠం నేర్పింది. ఒక ప్రాంతాన్ని దూరం నుంచి చూసి కథనం రాయడం కంటే, అక్కడి ప్రజల జీవితాల్లోకి వెళ్లి, వారి మాట విని, వారి అనుభవాలను అర్థం చేసుకుని కథనం చెప్పాల్సిన బాధ్యత జర్నలిస్టుల పై ఉందని గుర్తుచేసింది.
ఆదివాసీప్రాంతాలను కేవలం ప్రకృతి అందాలుగా, పేదరికానికి ప్రతిరూపాలుగా చూపించడం కాదు. తమ జీవితాల గురించి మాట్లాడగలిగే స్వరం, తమ హక్కుల గురించి ప్రశ్నించగలిగే శక్తి, తమ భవిష్యత్తుపై నిర్ణయం చెప్పగలిగే హక్కు ఉన్న మనుషులుగా చూడాలి.
ఈ సదస్సులో మా మాటల కంటే, ఆదివాసీ రైతులు మాకు చెప్పిన మాటలే ఎక్కువగా మమ్మల్ని వెంటాడుతున్నాయి.
మీడియా ఆదివాసీల గురించి మాత్రమే కథనాలు చేయడం కాదు,
వారి హృదయాను విని, వారి నుంచి నేర్చుకుని కథనాలు చేయాలి.
అది మరింత సమగ్రమైన, మరింత నిజాయితీగల జర్నలిజం వైపు మనల్ని తీసుకెళ్లే ఒక ముఖ్యమైన అడుగు.

13 hours ago | [YT] | 5

Rural Media

15 hours ago | [YT] | 3

Rural Media

ఆరోగ్యానికి ఎక్కువ హాని చేయని Mahua wine ను ప్రభుత్వమే తయారు చేసి, అమ్ముతోంది.
గిరిజన ప్రాంతాల్లో ఇలాంటి యూనిట్లు పెట్టడం వల్ల ఆదాయం ఎలాపెరుగుతుందో ఆమె Ruralmedia కు ఇచ్చిన Special Interview లో చెప్పారు. https://youtu.be/SLi6bg0El_0

3 days ago | [YT] | 4

Rural Media

వ్యవసాయ రంగంలో బ్రేకింగ్‌ న్యూస్‌!
చిరుధాన్యాల సాగులో అరుదైన రికార్డ్‌ !
రాగుల సాగులో ఎకరానికి రెట్టింపు దిగుబడి.
నూతన విధానంతో 18 -19 క్వింటాళ్ల దిగుబడి.
సంప్రదాయ పద్ధతితో పోలిస్తే రెట్టింపు. https://youtu.be/7bUbDWYraVg

4 days ago | [YT] | 1

Rural Media

అంగలకుర్తి విద్యాసాగర్ అడవిని చూసిన అధికారి.
అక్కడి జీవితాలను అక్షరాలుగా మార్చిన రచయిత.
ఐఏఎస్ అధికారిగా భద్రాచలం మన్యంలో పనిచేసిన విద్యాసాగర్ గారు,
గిరిజన జీవనాన్ని దగ్గరగా చూశారు. వారి సమస్యలు, అమాయకత్వం, పోరాటం, అడవితో వారి అనుబంధం, అభివృద్ధి పేరుతో ఎదురైన సంక్లిష్టతలను తన అనుభవాల నుంచి కథలుగా మలిచారు. అయితే ‘ అవన్నీ నా ఫెయిల్యూర్ స్టోరీస్ ’ అంటారాయన. ఇంకా ఆ పుస్తకం వెనుక చాలా ఆసక్తి కరమైన సంగతులున్నాయి. అవేంటో ఆయనే చెబుతారు. https://youtu.be/-b1nki0DaQw

4 days ago | [YT] | 2

Rural Media

ఈ బిడ్డలు... “మాకు సరైన బడి లేదు... ఇది ఎప్పుడైనా పడిపోతుంది...” అని ఎవరిని అడగాలి? ఒక బాలిక... స్కూలుకు వెళ్లడానికి రోజూ ఎనిమిది కిలోమీటర్లు నడవాల్సి వస్తే... ఎవరిని అడగాలి? ఒక చిన్నారి... “మా స్కూల్లో టాయిలెట్ లేదు... మంచినీళ్లు లేవు...” అని చెప్పాల్సి వస్తే... ఆమె గొంతు ఎక్కడ వినిపించాలి? తెలంగాణలో వేలాది మంది పిల్లలు... ఈ ప్రశ్నలకు ఒకే సమాధానం చెప్పారు. https://youtu.be/t9qmQpRKKIA

5 days ago | [YT] | 3

Rural Media

స్కూల్ పిల్లలు ఎదుర్కొంటున్న సమస్యలపై రూరల్ మీడియా చేసిన ‘పోస్ట్‌కార్డు విప్లవం’ వీడియోకు స్పందన కనిపించడం మాకు ఎంతో ఆనందాన్ని, అంతకంటే ఎక్కువ బాధ్యతను గుర్తు చేస్తోంది. .
ఈ రోజు ఉదయం విద్యాశాఖ అధికారులు వాగులు దాటి జయశంకర్ భూపాలపల్లి జిల్లా దండుపల్లి పాఠశాలను స్వయంగా సందర్శించి పరిస్థితులను పరిశీలించారు. రాష్ట్రవ్యాప్తంగా ఇతర పాఠశాలల సమస్యలపైనా దృష్టి సారించినట్టు తెలిసింది.
ఇది రూరల్ మీడియా సాధించిన పెద్ద విజయం కాదు...
పిల్లల గొంతు ప్రభుత్వానికి చేరిన ఒక చిన్న అడుగు మాత్రమే.
మేము చేసిన పని కేవలం ఒక సమస్యను చూపించడం మాత్రమే.
ఆ సమస్యను పట్టించుకుని, పిల్లల స్వరాలకు విలువనిచ్చి స్పందించడం ప్రభుత్వ యంత్రాంగం తీసుకున్న ముఖ్యమైన అడుగు.
ఈ సమస్యలు వీలైనంత త్వరగా పరిష్కారమై, పిల్లలు గౌరవంగా, సురక్షితమైన వాతావరణంలో చదువుకునే పరిస్థితులు రావాలని మనస్ఫూర్తిగా కోరుకుంటున్నాం.
పిల్లల, వారి తల్లుల స్వరాలను విని, తక్షణం స్పందించిన తెలంగాణ ప్రభుత్వానికి కృతజ్ఞతలు.
- Team, RURALMEDIA

6 days ago | [YT] | 44

Rural Media

1 week ago | [YT] | 6

Rural Media

ఈ బిడ్డలు... “మాకు సరైన బడి లేదు... ఇది ఎప్పుడైనా పడిపోతుంది...” అని ఎవరిని అడగాలి? ఒక బాలిక... స్కూలుకు వెళ్లడానికి రోజూ ఎనిమిది కిలోమీటర్లు నడవాల్సి వస్తే... ఎవరిని అడగాలి? ఒక చిన్నారి... “మా స్కూల్లో టాయిలెట్ లేదు... మంచినీళ్లు లేవు...” అని చెప్పాల్సి వస్తే... ఆమె గొంతు ఎక్కడ వినిపించాలి? తెలంగాణలో వేలాది మంది పిల్లలు... ఈ ప్రశ్నలకు ఒకే సమాధానం చెప్పారు. https://youtu.be/t9qmQpRKKIA

1 week ago | [YT] | 1

Rural Media

telanganatoday.com/eight-decades-after-independenc…

1 week ago | [YT] | 0