Umaima Shafeeq Qureshi

السلام علیکم قارئین
کل دن کے وقت میرا اکاؤنٹ ہیک ہو گیا تھا لیکن میں نے اسے ریکور کر لیا تھا اور آپ سب کو آگاہ کرنے کے لیے ایک پوسٹ بھی شیئر کی تھی۔
بدقسمتی سے رات کو دوبارہ میرے اکاؤنٹ پر حملہ ہوا اور اس بار مسئلہ کچھ زیادہ سنگین تھا۔ میں ابھی مکمل طور پر اکاؤنٹ کو محفوظ اور ریکور کرنے پر کام کر رہی ہوں، اسی وجہ سے تھوڑی تکنیکی مشکلات کا سامنا ہے۔
اگر آپ کو میرے چینل پر کوئی غیر معمولی یا نامناسب سرگرمی نظر آئے تو براہِ کرم مجھے(انسٹاگرام یا ٹک ٹاک) پر فوراً اطلاع دیں۔
ان شاء اللہ بہت جلد نئی اقساط اپلوڈ کی جائیں گی۔آپ سب کی محبت،صبر اور تعاون کا بے حد شکریہ۔✨❤️

2 days ago (edited) | [YT] | 145

Umaima Shafeeq Qureshi

Write any cringe line or word from any novel.
Me:
Biwi ko bacha keh kr bulana😣

1 week ago | [YT] | 74

Umaima Shafeeq Qureshi

عرصہ دراز کسی نے مجھ سے پوچھا
”فجر کی نماز کے لیے کیسے اٹھتی ہو؟“
میں نے کہا:”الارم لگا کر۔“
اٹھی گردن کے ساتھ کہنے لگی کہ ”مجھے تو اللہ اُٹھاتا ہے۔مجھے الارم کی ضرورت نہیں۔“
میں مدھم مسکرائی پھر کچھ ٹھہر کر کہا ”مجھے بھی اللہ ہی اُٹھاتا ہے۔“
وہ حیران ہوئی پھر عجیب نگاہوں سے مجھے گھورا اور کہا۔ ”لیکن تم تو الارم لگا کر سوتی ہو۔“
میں نے کہا......
🖤🖤🖤🖤🖤🖤🖤🖤
السلام علیکم ورحمتہ اللہ وبرکاتہ!
کیسے ہیں آپ سب؟بہت دن ہوئے کچھ پوسٹ کیے۔آج ذہن میں ایک چھوٹی سی چیز ائی،سوچا آپ سب سے شیئر کروں۔میں نے اپنی زندگی میں بہت سے لوگ دیکھے ہیں جو الارم لگا کر سوتے ہیں مگر اس چیز کو قبول کرنے سے ڈرتے ہیں۔کہیں لوگ انہیں جانچنے نہ لگ جائے۔کچھ اس گلٹ میں بھی مبتلا ہوتے ہیں کہ وہ آذان کی آواز سن نہیں پاتے یا اس آواز پر اٹھ نہیں پاتے۔پھر ایسے میں وہ کسی ایسے شخص کو دیکھ لیں جو آذان کی آواز پر اٹھتا ہے،تو وہ گلٹ میں مبتلا ہو جاتے ہیں۔
بہت فلسفیانہ باتیں ہو گئیں،چلیں واپس کہانی کی سمت چلتے ہیں
🖤🖤🖤🖤🖤🖤🖤🖤
میں نے کہا ”لیکن اُٹھاتا تو اللہ ہی ہے۔“
اس نے کچھ تعجب سے میری جانب دیکھا پھر آنکھیں گھمائے کہا ”مجھے تمہاری بات سمجھ نہیں آئی۔میں تو رات میں اللہ سے کہہ کر سوتی ہوں کہ مجھے فجر کے لیے اٹھا دینا۔اور پہلی اذان پر میری آنکھ کھل جاتی ہے۔اللہ بہت پیار کرتا ہے مجھ سے۔“اس کی گردن فخر سے مزید بلند ہوئی۔
میں مسکرائی پھر ایک گہری سانس اندر کھینچی اور نہایت سکون سے کہا ”اللہ تو مجھ سے بھی بڑا پیار کرتا ہے لیکن وہ کیا ہے نا،دل میں نفس اور ساتھ شیطان لیے پھرتی ہوں۔اور وہ شیطان مجھے تپکیاں دے کر پھر سلا دیتا ہے اور میں گہری میٹھی نیند سو جاتی ہوں“
🖤🖤🖤🖤🖤🖤🖤🖤
واپس آتے ہیں میری فلسفیانہ گفتگو کی جانب۔
الارم ایک ٹول ہے جسے ہم انسانوں نے اپنی آسانی کے لیے بنایا ہے۔اور انسان کو یہ شعور کس نے دیا؟؟؟اللہ تعالیٰ نے۔
تو بالا واسطہ آپ کو صبح کون اٹھا رہا ہے؟
یہ بالکل اہم نہیں کہ آپ الارم کی آواز پر اٹھتے ہیں،یا آپ کی امی،باجی،ابو،بھائی،شوہر،بیوی...کوئی بھی آپ کو اُٹھاتا ہے۔اہم ہے تو مقصد.....اور مقصد کیا ہے؟؟ نماز پڑھنا۔
ایک انسان جس کی فجر کے لیے آنکھ نہیں کھلی،اسے ری گریٹ تو ہوتا ہے لیکن اس سے بھی زیادہ ری گریٹ پتا ہے کسے ہوتا ہے؟جو اٹھتا ہے مگر واپس سو جاتا ہے۔پھر جب دوبارہ آنکھ کھلتی ہے تو سورج سر پر چڑھا ہوتا ہے۔
وسیلہ چاہے جو بھی ہو،اصل توجہ مقصد پر رکھنی ہے۔
🖤🖤🖤🖤🖤🖤🖤
ایک آخری بات....
کیا آپ سب کو وہ مصنفہ یاد ہے؟؟ارے وہی جس کا یہ چینل ہے؟؟کیا نام تھا اس کا؟خیر چھوڑیں،جو بھی تھا۔فلحال کام کی بات کرتے ہیں۔اس نے آپ سے ایک بات کہی تھی۔یہی کہ جنوری کے اختتام پر ناول کا بھی اختتام ہو جائے گا؟ہوا کیا....؟؟؟
اب آپ سب کے لیے سبق یہ ہے کہ اس بندی پر کبھی اعتبار مت کرنا۔جب یہ کہے کہ لانگ ایپی سوڈ آئے گی تو سمجھ لو کہ شارٹ آئے گی۔جب کہے کہ روانہ قسط اپلوڈ گی،سمجھ جاؤ کہ ہفتے میں ایک بار آئے گی۔
ایسا وہ بیچاری جان بوجھ کر نہیں کرتی۔مسئلہ یہ ہے کہ جب وہ آپ لوگوں سے کوئی وعدہ کرتی ہے تو سارا جہاں مل کر اسے وعدہ پورا کرنے سے روک دیتا ہے۔(سچی🙈😕)
بیچاری قلم اٹھاتی ہے تو بلیک ہارٹ کچھ پڑھ کر پھونک دیتا ہے۔بیچاری اگلی قسط کا سوچتی ہے تو شیڈو سنائپر اس کی سوچ پر پہرا لگا دیتا ہے۔بیچاری ناول کے اختتام کا سوچتی ہے تو نائل آفندی آ کر روک دیتا ہے(بیچارے کی پنکھیوں کا کیا ہو گا؟؟)
بس اتنا کافی ہے۔لکھتے ہوئے آنکھیں بھر آئیں میری تو۔اتنی دکھ بھری داستان ہے مصنفہ کی۔
ایک آخری بات....جیسا کہ آپ لوگ جانتے ہیں کہ پورے ناول میں دو ایسی شخصیات ہیں جو اب تک مخفی ہیں۔ان میں سے ایک کو اس باب میں آپ لوگ جان جائیں گے۔(ہائے اللہ!سارا سسپینس کا بیڑا غرق کر دیا😲🤦)
خیر اب ہونی کو کون ٹال سکتا ہے۔جو بتانا تھا،بتا دیا۔
اللہ حافظ!
شب خیر ♥️✨

1 week ago | [YT] | 166

Umaima Shafeeq Qureshi

I am typing......Lekin subah tk hi upload ho sky gi episode
solyyyy😿😕

2 weeks ago | [YT] | 85

Umaima Shafeeq Qureshi

اگلی قسط ان شاء اللہ کل
بس کچھ مصروفیت کی وجہ سے چھٹی زیادہ لمبی ہو گی۔
(آپ اس چینل سے کچھ سیکھیں یا نہ سیکھیں،صبر کرنا تو سیکھ چکے ہوں گے😅👀)

2 weeks ago | [YT] | 109

Umaima Shafeeq Qureshi

I am on leave for the next two to three days😬🙆

2 weeks ago | [YT] | 78

Umaima Shafeeq Qureshi

Your expectations from last episode of this chapter?

3 weeks ago | [YT] | 69

Umaima Shafeeq Qureshi

I read somewhere 👇👇
"Trust the author of your story, if He writes struggles in one chapter, He writes miracles in the next."

1 month ago | [YT] | 168

Umaima Shafeeq Qureshi

Aisi kaunsi cheez hai jo ap abhi tak nahi seekh paaye…
lekin 2026 mein seekhny ka irada rakhty hain😅🔥
(Plz emotional or sad jawab nhi)
Me:I still can’t tie my shoelaces 👟😬

1 month ago (edited) | [YT] | 77

Umaima Shafeeq Qureshi

کیسے ہیں آپ سب؟بہت دن ہو گئے کچھ پوسٹ کیے ہوئے۔بس زندگی کی گاڑی ہی کچھ اس طرح چل رہی ہے۔کبھی سست کبھی تیز۔قسط لکھنا ہی بہت بڑا چیلنج ہے میرے لیے باقی سب تو دور کی بات ہے۔کتاب تک شائع نہیں کروا سکی میں۔جو قارئین کتاب کے چھپنے کا انتظار کر رہے ہیں،میں فلحال ان سے معذرت ہی کر سکتی ہوں مگر پوری کوشش کروں گی کہ ان شاءاللہ تعالیٰ جنوری میں یہ کار خیر بھی سر انجام دے دیا جائے۔
آج جس موضوع پر بات کرنے جا رہی ہوں،وہ بےحد اہم ہے۔میں کتنے عرصے سے اس پر بات کرنا چاہتی تھی مگر وقت کی قلت کے باعث ممکن نا ہو سکا۔
موضوع کا اندازہ تو تصویر دیکھ کر ہو ہی گیا ہو گا۔
ایک شکایت جو کبھی مجھے اپنے والدین سے تھی،وہ یہ کہ انہوں نے مجھے قرآن اس طرح نہیں پڑھایا جس طرح اسے پڑھنے کا حق تھا۔یہ شکایت پہلے تھی،اب نہیں ہے۔
کیوں؟کیونکہ میں اب شعور رکھتی ہوں۔مجھے علم ہے کہ کیا صحیح ہے اور کیا غلط۔(اس پوسٹ کو پڑھنے کے بعد آپ بھی یہ شکایت نہیں کر سکیں گے)
سب سے پہلے تو یہ جاننا ضروری ہے کہ آخر تجوید ہے کیا؟
تجوید سے مراد قرآنِ مجید کے حروف کو ان کے صحیح مخارج (نکلنے کی جگہ) اور تمام صفات کے ساتھ درست طریقے سے، خوبصورتی سے پڑھنا ہے تاکہ تلاوت میں کوئی غلطی نہ ہو اور ادائیگی رسول اللہ ﷺ کے طریقے کے مطابق ہو۔
یہ وہ چیز ہے جو ہم میں سے اکثریت کو نہیں پتا۔بچپن میں والدین بچوں کو قرآن مجید تو پڑھا دیتے ہیں مگر تلفظ سے نہیں۔ان کا بھی قصور نہیں ہے۔اکثریت اس بارے میں جانتی ہی نہیں۔
ہم اپنی مرضی سے کسی بھی لفظ کو موٹا،کسی کو باریک اور کسی کو بھی کھینچ دیتے ہیں۔اپنی مرضی سے کہیں بھی وقف کر دیتے ہیں۔آپ جانتے ہیں ایسا کرنے سے کیا ہوتا ہے؟الفاظ کا معنی تبدیل ہو جاتا ہے۔
مثال کے طور پر اردو میں مجھے کہنا ہے ”اٹھو، مت بیٹھو۔“یعنی میں کسی کو اٹھنے کا کہہ رہی ہوں مگر اس کے بجائے میں کہہ دوں کہ ”اٹھو مت،بیٹھو۔“
محض وقف کی وجہ سے معنی تبدیل ہو گیا۔قرآن کو عربوں کے لہجے میں پڑھنے کا کہا گیا ہے اور ہم اسے اردو کی طرح پڑھتے ہیں۔معنی کچھ کا کچھ ہو جاتا ہے۔پھر ہماری نمازیں...کتنے ہی لفظوں کے معنی تبدیل ہو جاتے ہوں گے؟یعنی اپنی زندگی کے اتنے سال ہم نے دنیاوی تعلیم حاصل کرنے پر وقف کر دیے مگر ہم نماز تک ٹھیک سے نہیں پڑھ سکتے۔
قرآن کیسے پڑھا جاتا ہے اور کیسے پڑھنا چاہیے میں نہیں جانتی۔لیکن اگر آپ مجھ سے پوچھیں تو اسے چار حصوں میں تقسیم کروں گی۔
1۔تجوید
2۔عربی گرامر
3۔تفسیر
4۔تدبر
سب سے پہلے قرآن کو اس طرح پڑھیں جس طرح پڑھنے کا حکم ہے۔
اب جیسے کچھ عرصہ پہلے ہمارے خاندان میں ایک ڈیتھ ہوئی۔خاص طرر پر ایک خاتون کو دعا کے لیے بلایا گیا کہ ان کی آواز بےحد خوبصورت ہے۔جب میں نے ان کی قرآت سنی تو میں محض افسوس کے سوا کچھ نا کر سکی۔
وہ اپنی مرضی کے مطابق الفاظ کو توڑ مڑوڑ رہی تھیں۔اب ایک ایسا شخص جسے تلفظ نہیں آتا وہ تو واہ واہ ہی کہے گا مگر جو جانتا ہے،وہ افسوس ہی کرے گا۔
بالکل اسی طرح قل خوانی میں تقریباً سو کے قریب خواتین تھیں۔اور ریس لگی ہوئی تھی کہ اتنے قرآن مجید آج مکمل کر کے دینے ہیں۔اکثر خواتین دس سے پندرہ منٹ میں سپارہ پڑھ لیتی تھیں اور میں وہاں بیٹھ کر یہ حساب لگا رہی تھی کہ ان میں سے کتنی خواتین کو تلفظ آتا ہو گا یا یہ پتا ہو گا کہ قرآن مجید ٹھہر ٹھہر کر پڑھتے ہیں۔(اللہ مجھے معاف کرے،میرے ذہن میں غلط وقت پر غلط چیزیں ہی آتی ہیں) دیکھیں مقصد کسی کو جانچنا نہیں ہے۔یہ زندگی کی ایک تلخ حقیقت ہے،آپ ہر کسی کی اصلاح نہیں کر سکتے،خاص طور پر اپنے بڑوں کی۔وہ آپ کی بات نہیں سنیں گے۔ہاں، کسی غیر کی سن لیں گے مگر آپ کی نہیں سنیں گے۔
آپ عمر کے کسی بھی حصے میں ہیں،قرآن پڑھنا،قران سیکھنا شروع کر دیں۔جو گزر گیا،آپ اسے واپس نہیں لا سکتے لہٰذا حال پر توجہ دیجیے۔
علم جتنا ہو جہاں سے ہو بس اسے کھینچ لیں۔اب ایک اہم بات کہ پیسے کہاں سے آئیں گے؟خاص طور پر طالب علم جو کہ اس دنیا کی غریب ترین مخلوق ہے۔(مجھ سمیت)
ذرا ایک لمحہ کو اکیلے بیٹھ کر سوچیں۔آپ کی تعلیم پر اب تک کتنے پیسے خرچ ہو چکے ہیں؟کتنے پیسے آپ نے کپڑوں،جوتوں اور luxuries پر خرچ کیے؟کتنے پیسوں سے کنٹین پر دوستوں کے ساتھ بیٹھ کر چیزیں کھائیں؟کتنے پیسے ہوٹلنگ میں اڑائے؟
اب جب قرآن کی بات آتی ہے تو ہمارے پاس یہ بہانہ ہوتا ہے کہ پیسے نہیں ہیں۔ہمیں کوئی پیسے نہیں دے گا۔
آپ اپنی پاکٹ منی سے پیسے جمع کر سکتی ہیں۔اپنے والدین کو سمجھا کر ان سے پیسے لے سکتی ہیں کہ آپ کسی فضول چیز میں پیسے صرف نہیں کر رہیں۔اب جیسے نیا سال شروع ہو رہا ہے۔آپ اپنا موٹیو سیٹ کر سکتی ہیں کہ اس سال مجھے اتنی کتابیں خریدنی ہیں،مجھے اتنے کورسز کرنے ہیں،مجھے یہ سیکھنا ہے۔
میں نے خود 2026 کا سال ترتیب دے دیا ہے کہ مجھے کب کتنی کتابیں خریدنی ہں،کون سے کورسز کرنے ہیں وغیرہ وغیرہ۔
آپ اس نیت سے پیسے جوڑنا شروع کر دیں کہ مجھے دینی علم حاصل کرنا ہے اور ان شاءاللہ تعالیٰ اللہ پاک آپ کے لیے راستے کھول دے گا۔
بہت زیادہ ہو گیا،واپس موضوع پر آتے ہیں۔
آج میں آپ کو تجوید سیکھنا recommend کر رہی ہوں۔پیج پر نمبر بھی درج ہے۔آپ رابطہ کر سکتے ہیں۔میں نے پہلے بھی کئی بار کورسز recommend کیے ہیں مگر اتنی لمبی تمہید نہیں باندھی۔پھر آج کیا خاص بات ہے؟
خاص بات یہ ہے کہ میں آپ کو ان سے رابطہ کرنے کے لیے کہہ رہی ہوں،جہاں سے میں نے خود سیکھا۔
آپ رابطہ کریں،میرا ریفرینس دیں،ان شاءاللہ تعالیٰ آپ کو ڈسکاؤنٹ بھی ملے گا۔اس کے علاؤہ کوئی بھی ایشو ہو،آپ ان سے ڈسکس کر سکتی ہیں۔(یہ اکیڈمی محض خواتین کے لیے ہے۔)
ایک اہم بات...یہ سوچ کر وقت ضائع نا کریں کہ مستقبل میں مجھے کوئی ایسا مل جائے گا جو فرقہ واریت اور مسلک سے دور ہو گا اور میں اس سے قرآن پڑھوں گی۔کل کسی نے نہیں دیکھا۔آپ نیت کریں اور آج سے ہی شروع کر دیں۔ضروری نہیں کہ ایک ہی سورس ہو،آپ کہیں سے بھی پڑھ سکتی ہیں۔مقصد صرف قرآن مجید پڑھنا ہے اور صحیح طریقہ سے پڑھنا ہے۔
ایک اہم درخواست جو میں آپ سب سے کرنا چاہوں گی۔جو آپ کے ساتھ ہوا،آئیندہ نسل کے ساتھ مت کیجیے گا۔ماؤوں سے میری درخواست ہے کہ اپنے بچوں کو تجوید کے ساتھ قرآن پاک پڑھائیں اور جتنی بھی لڑکیاں مجھے پڑھ رہی ہیں۔آپ بھی کوشش کیجیے کہ آپ کے چھوٹے بہن بھائی یا بھتیجے بھانجیاں.....وہ بچپن میں ہی تجوید سے قرآن مجید پڑھیں۔
دعاؤں میں یاد رکھیں گا۔
اللہ حافظ

Skip the Carousel

1 2

1 month ago (edited) | [YT] | 128