GK TV News Gujarati

*સાબરકાંઠામાં તલોદના અણિયોડ ખાતે રાજ્યપાલ શ્રી આચાર્ય દેવવ્રતજીએ ‘એક પેડ માઁ કે નામ’ અંતર્ગત વૃક્ષારોપણ કરી પર્યાવરણ જાગૃતિનો સંદેશ આપ્યો*
***
*ગામના મુખ્ય ચોક ખાતે રાજ્યપાલશ્રી આચાર્ય દેવવ્રતજીએ એ સ્વચ્છતા અભિયાનમાં સક્રિય રીતે જોડાઈ સફાઈ કર્મીઓનું બહુમાન કર્યું*
****

ગુજરાતના રાજ્યપાલ શ્રી આચાર્ય દેવવ્રતજીએ સાબરકાંઠા જિલ્લાના તલોદ તાલુકાના અણિયોડ ગામની બે દિવસીય મુલાકાતના પ્રથમ દિવસે ગ્રામીણ જનજીવન, સાદગી અને પર્યાવરણ ચેતનાનો પ્રેરણાદાયી સંદેશ આપ્યો હતો.

રાજ્યપાલ શ્રી આચાર્ય દેવવ્રતજી ગામના મુખ્ય ચોક ખાતે આવી વિશેષ સ્વચ્છતા અભિયાનમાં સક્રિયપણે જોડાયા હતા.

રાજ્યપાલશ્રીએ ગ્રામજનોને સ્વચ્છતાને જનઆંદોલન બનાવવા અંગે પ્રેરણાદાયી સંબોધન કરતા જણાવ્યું હતું કે, પ્રધાનમંત્રી શ્રી નરેન્દ્રભાઈ મોદીની પ્રેરણાથી સ્વચ્છતાનો સંદેશ ગામે ગામ પહોંચી રહ્યો છે. રાજ્યપાલશ્રીએ જણાવ્યું કે તંદુરસ્ત અને ગૌરવશાળી સમાજના નિર્માણ માટેની આ આપણી નૈતિક ફરજ છે. દરેક નાગરિક જ્યારે પોતાના ઘરની સાથે પોતાના ગામને પણ સ્વચ્છ રાખવાનો સંકલ્પ કરશે, ત્યારે જ મહાત્મા ગાંધીજીના સ્વચ્છ ભારતના સપનાને આપણે સાચા અર્થમાં સાકાર કરી શકીશું. સ્વચ્છતા કાર્યક્રમ અંતર્ગત રાજ્યપાલશ્રીએ સફાઈ કર્મીઓનું સન્માન કર્યું હતું.

આ મુલાકાત દરમિયાન રાજ્યપાલશ્રીએ પર્યાવરણની જાળવણી અને ગ્રીન કવર વધારવાના ઉદ્દેશ્ય સાથે પ્રધાનમંત્રી શ્રી નરેન્દ્રભાઇ મોદીના 'એક પેડ માઁ કે નામ' અભિયાન અંતર્ગત અણિયોડ ગામની પ્રાથમિક શાળા ખાતે ઉત્સાહભેર વૃક્ષારોપણ કર્યું હતું. રાજ્યપાલશ્રીની આ પર્યાવરણ ચેતનાથી પ્રેરાઈને ગામના આશરે ૩૦૦ જેટલા સ્થાનિક નાગરિકો પણ આ વૃક્ષારોપણ અભિયાનમાં ઉત્સાહભેર જોડાયા હતા.

આ વિવિધ કાર્યક્રમોમાં જિલ્લા પંચાયત પ્રમુખશ્રી રીનાબેન પટેલ, સાંસદશ્રી શોભનાબેન બારૈયા, ધારાસભ્યશ્રી ગજેન્દ્રસિંહ પરમાર, કલેક્ટર શ્રી લલિત નારાયણ સિંઘ સાંદુ, જિલ્લા વિકાસ અધિકારી શ્રી એચ. પી. પટેલ, જિલ્લા પોલીસવડાશ્રી ડૉ.પાર્થરાજસિંહ ગોહિલ, પૂર્વ સાંસદશ્રી દીપ સિંહ રાઠોડ, પૂર્વ ધારાસભ્ય શ્રી મહેન્દ્રસિંહ બારૈયા, ગામના સરપંચ શ્રી સહિત પદાધિકારીશ્રીઓ, અધિકારીશ્રીઓ તેમજ ગ્રામજનો ઉપસ્થિત રહ્યા હતા.
****

Skip the Carousel

1 2 3 4 5 6 7 8

8 hours ago | [YT] | 0

GK TV News Gujarati

> *હજાર પૂરા થયા! 🙏 તમારા બધાનો દિલથી આભાર!
સપોર્ટ આપ્યો એવો આપતા રહેજો

12 hours ago | [YT] | 0

GK TV News Gujarati

🏥 આયુષ્માન આરોગ્ય મંદિરનું લોકાર્પણ

આજરોજ હિંમતનગર તાલુકાના આગીયોલ ખાતે આયુષ્માન આરોગ્ય મંદિરનો શુભારંભ હિંમતનગરના ધારાસભ્યશ્રી વિનેન્દ્રસિંહ ઝાલા સાહેબના વરદ હસ્તે કરવામાં આવ્યો.

આ પ્રસંગે તાલુકા સંગઠન પ્રમુખશ્રી હિતેન્દ્રભાઈ પટેલ, તાલુકા પંચાયત પ્રમુખશ્રી નરેશભાઈ પરમાર, તાલુકા મહામંત્રીશ્રી ભમરસિંહ ચૌહાણ, ટી.એચ.ઓ. ડૉ. દશરથભાઈ પટેલ, ડૉ. કશ્યપભાઈ પટેલ, આગયોલ સરપંચશ્રી સુજાનભાઈ ગોસ્વામી, દેસાસણ સરપંચશ્રી ભાવિકભાઈ દેસાઈ, બેરણા સરપંચશ્રી, વામોજ સરપંચશ્રી, કરણપુર સરપંચશ્રી, સેવા સહકારી મંડળીના ચેરમેનશ્રી હિતુલભાઈ નાયી, ફરિનાબેન મેમણ સહિત આગેવાનો, પદાધિકારીઓ અને ગ્રામજનો ઉપસ્થિત રહ્યા.

આ આયુષ્માન આરોગ્ય મંદિરના પ્રારંભથી આગયોલ તથા આસપાસના ગ્રામજનોને સ્થાનિક સ્તરે ગુણવત્તાયુક્ત અને સુલભ આરોગ્ય સેવાઓનો વધુ સરળતાથી લાભ મળશે.

Skip the Carousel

1 2 3 4 5 6 7 8 9 10

1 day ago | [YT] | 2

GK TV News Gujarati

સાબરકાંઠામાં લાંચ લેતો હેડ કોન્સ્ટેબલ ઝડપાયો: રેતી ભરેલા ટ્રેક્ટરને ડિટેઇન ન કરવા ₹2 હજારની લાંચ માંગી, ₹1 હજાર લેતા ACBના હાથે રંગેહાથ પકડ્યા

સાબરકાંઠા...
હિંમતનગર ગ્રામ્ય પોલીસ સ્ટેશનનો હેડ કોન્સ્ટેબલ લાંચ લેતા ACBના હાથે રંગેહાથ ઝડપાયો છે. દિલીપભાઈ બાબુભાઈબોદર નામના હેડ કોન્સ્ટેબલે રેતી ભરેલા ટ્રેક્ટરને ડિટેઇન ન કરવા ફરિયાદી પાસે રૂપિયા 2 હજારની લાંચની માંગણી કરી હતી.
લાંચની માંગણીથી કંટાળેલા ફરિયાદીએ મહેસાણા ACBનો સંપર્ક કરી ફરિયાદ નોંધાવી હતી. ફરિયાદના આધારે ACBએ ટ્રેપ ગોઠવ્યો હતો. દરમિયાન આરટીઓ ગ્રામ્ય પોલીસ ચોકી પાસે ફરિયાદી પાસેથી રૂપિયા 1 હજારની લાંચ સ્વીકારતા હેડ કોન્સ્ટેબલ દિલીપ બાબુ બોદરને ACBની ટીમે રંગેહાથ ઝડપી લીધો હતો.
સમગ્ર મામલે ACB પોલીસે લાંચિયા હેડ કોન્સ્ટેબલ વિરુદ્ધ કાર્યવાહી હાથ ધરી વધુ તપાસ શરૂ કરી છે. પોલીસ કર્મચારી ACBના છટકામાં ઝડપાતા લાંચિયા કર્મીઓમાં ફફડાટ

#સાબરકાંઠા #હિંમતનગર #ACB #લાંચ #લાંચિયા_કોન્સ્ટેબલ #હેડકોન્સ્ટેબલ #ACBTrap #Himmatnagar #Sabarkantha #ગુજરાત_સમાચાર #બ્રેકિંગન્યૂઝ

3 days ago (edited) | [YT] | 2

GK TV News Gujarati

*સાબરકાંઠા જિલ્લા અદાલત ખાતે રિફરલ જજિસ માટે એક દિવસીય મધ્યસ્થી તાલીમ કાર્યક્રમનું સફળ આયોજન કરાયુ*
ગુજરાત રાજ્ય કાનૂની સેવા સત્તા મંડળ, અમદાવાદના આદેશ અને માર્ગદર્શન હેઠળ જિલ્લા કાનૂની સેવા સત્તા મંડળ, સાબરકાંઠા દ્વારા રિફરલ જજિસ (સંદર્ભ ન્યાયાધીશો) માટે ‘એક દિવસીય મધ્યસ્થી તાલીમ કાર્યક્રમ (તબક્કો-૧)’નું સફળતાપૂર્વક આયોજન કરવામાં આવ્યું હતું.
આ સમગ્ર તાલીમ કાર્યક્રમ સાબરકાંઠાના પ્રિન્સિપાલ ડિસ્ટ્રિક્ટ એન્ડ સેશન્સ જજ અને જિલ્લા કાનૂની સેવા સત્તા મંડળના અધ્યક્ષ શ્રી એમ. પી. પુરોહિતના માર્ગદર્શન હેઠળ સચિવ શ્રી સી. પી. ચારણ દ્વારા આયોજિત કરવામાં આવ્યો હતો. આ કાર્યક્રમમાં સાબરકાંઠા, મહેસાણા અને અરવલ્લી જિલ્લાના ન્યાયિક અધિકારીઓએ ઉત્સાહપૂર્વક ભાગ લીધો હતો.
આ તાલીમમાં શ્રી વી. કે. બંસલ (માસ્ટર ટ્રેનર, NALSA - રાષ્ટ્રીય કાનૂની સેવા સત્તા મંડળ, નવી દિલ્હી) મધ્યસ્થીના કાયદાકીય, વ્યવહારુ અને ન્યાયિક પાસાઓ અંગે વિસ્તૃત માર્ગદર્શન પૂરું પાડ્યું. મિસ દીપમાલા દેસાઈ અને મિસ મોહિની ભાવસાર (ટ્રેનર, ગુજરાત રાજ્ય કાનૂની સેવા સત્તા મંડળ, અમદાવાદ) મધ્યસ્થીની પ્રક્રિયા અને તેના અસરકારક અમલીકરણ વિશે ઊંડાણપૂર્વક જાણકારી આપી.
આ કાર્યક્રમના મુખ્ય વિષયો ૧) વૈકલ્પિક વિવાદ નિવારણ પદ્ધતિઓ: કોર્ટમાં પડતર કેસોને મધ્યસ્થી દ્વારા ઝડપી, ખર્ચઅસરકારક, ગોપનીય અને સૌહાર્દપૂર્ણ રીતે ઉકેલવા.૨) કેસોની ઓળખ અને સંદર્ભ: મધ્યસ્થી માટે યોગ્ય કેસોની ઓળખ કરવી અને તેને યોગ્ય પ્રક્રિયા દ્વારા મધ્યસ્થીમાં મોકલવા. ૩) કૌશલ્ય વિકાસ: પક્ષકારોની સંમતિ મેળવવી, અસરકારક સંવાદ સાધવો અને વિવાદોનું ઝડપી અને સુખદ નિવારણ લાવવું. ૪) સક્રિય ભાગીદારી: પરસ્પર ચર્ચા અને પ્રશ્નોત્તરી દ્વારા વ્યવહારુ અભિગમ કેળવવો. ૫) મધ્યસ્થીનું મહત્વ જિલ્લા કાનૂની સેવા સત્તા મંડળ, સાબરકાંઠા દ્વારા જણાવવામાં આવ્યું હતું કે, "મધ્યસ્થી એ માત્ર વિવાદ ઉકેલવાનું સાધન નથી, પરંતુ પક્ષકારો વચ્ચેના સંબંધો જાળવીને 'ન્યાયથી આગળ સમાધાન' તરફ લઈ જતી એક અસરકારક પ્રક્રિયા છે."
ભવિષ્યમાં પણ વૈકલ્પિક વિવાદ નિવારણ પદ્ધતિઓ અંગે આવા જાગૃતિ અને તાલીમ કાર્યક્રમો યોજીને ન્યાય પ્રણાલીને વધુ ઝડપી, સુલભ અને પક્ષકારકેન્દ્રિત બનાવવાના પ્રયાસો ચાલુ રાખવામાં આવશે.

Skip the Carousel

1 2 3 4 5 6

3 days ago | [YT] | 3

GK TV News Gujarati

*હેડલાઇન: સાબરકાંઠામાં "Operation Mule Hunt" હેઠળ કરોડોના સાયબર ફ્રોડનો પર્દાફાશ, 10 આરોપી સામે ગુનો દાખલ*

*હિંમતનગર:*

સાબરકાંઠા જિલ્લામાં કરોડો રૂપિયાના ઓનલાઈન સાયબર ફ્રોડ આચરતી સાયબર સિન્ડિકેટના 12 જેટલા "મ્યુલ એકાઉન્ટ" (Mule Accounts) ઝડપાયા છે.

ભારત સરકારના Indian Cyber Crime Coordination Centre (I4C) ના SAMANVAYA પોર્ટલ અને NCRP પોર્ટલ પર ઉપલબ્ધ ડેટાના ટેકનિકલ વિશ્લેષણ બાદ સાયબર ક્રાઇમ પોલીસ સ્ટેશન, હિંમતનગર દ્વારા આ કાર્યવાહી કરવામાં આવી છે.

હિંમતનગર અને ઇડર તાલુકાના આસપાસના ગામોમાં સાબરકાંઠા બેંક, ઇન્ડિયન બેંક, બેંક ઓફ બરોડા, બંધન બેંક અને SBI જેવી બેંકોમાં ખોલવામાં આવેલા 12 બેંક એકાઉન્ટમાં શંકાસ્પદ વ્યવહારો મળી આવ્યા હતા. આ એકાઉન્ટ વિરુદ્ધ 1930 હેલ્પલાઇન અને NCRP પોર્ટલ પર કુલ 17 ફરિયાદો નોંધાયેલી છે.

*મુખ્ય આંકડા:*
- કુલ મ્યુલ ખાતા: 12
- કુલ ફ્રોડની રકમ: રૂ. 14.24,49,668 /-
- મ્યુલ ખાતાઓમાં થયેલ ટ્રાન્ઝેક્શન: રૂ. 20,31,588 /-

*ગુનાની પદ્ધતિ:*
મુખ્ય આરોપીઓ અલગ-અલગ રાજ્યોના નાગરિકો સાથે છેતરપિંડી કરી નાણાં મ્યુલ ખાતાધારકો અને તેમના પરિવારના ખાતામાં ટ્રાન્સફર કરાવતા હતા. મ્યુલ ખાતાધારકોને ખાતામાં આવતી રકમના 3 થી 4% કમિશનની લાલચ આપવામાં આવતી હતી. ત્યારબાદ તેઓ ફ્રોડની રકમ ATM અથવા ચેકથી ઉપાડી મુખ્ય આરોપીઓને પહોંચાડતા હતા.

તપાસમાં એવું પણ સામે આવ્યું છે કે આરોપીઓ વોટ્સએપમાં સ્ટોક ઇન્વેસ્ટમેન્ટના ગ્રુપમાંથી નંબર મેળવી, લોકોને ફોન કરી શેરમાર્કેટની ટીપ્સ અને ઊંચા વળતરની લાલચ આપી રોકાણ કરાવી છેતરપિંડી કરતા હતા.

*પકડાયેલા આરોપીઓના નામ:*

*મ્યુલ ખાતાધારકો:*
1. અશોકભાઈ સોમસિંહ મકવાણા, રહે. ખાસ્કી, તા. ઇડર
2. કાર્તિકજી દશરથજી પરમાર, રહે. મહાદેવપુરા, ખેડાવાડા, તા. હિંમતનગર
3. સંજયભાઈ નટવરભાઈ પટેલ, રહે. ફીંચોડ, તા. ઇડર
4. પ્રવિણભાઈ કાંતીભાઈ ઠાકરડા, રહે. બાદરપુરા, તા. ઇડર

*મુખ્ય આરોપીઓ (કમિશન આપી ફ્રોડ કરાવનાર):*
5. મહેશજી વિષ્ણુજી ઠાકોર, રહે. સુલતાનપુર, તા. વડનગર, જી. મહેસાણા
6. રસીકજી વિષ્ણુજી ઠાકોર, રહે. સુલતાનપુર, તા. વડનગર
7. મહેશજી જહાજી ઠાકોર, રહે. સુલતાનપુર, તા. વડનગર
8. નરેશજી પ્રવિણજી ઠાકોર, રહે. વડબાર, તા. વડનગર
9. જીગરજી વિષ્ણુજી ઠાકોર, રહે. સુલતાનપુર, તા. વડનગર
10. આનંદજી રાયમલજી ઠાકોર, રહે. વડબાર, તા. વડનગર

આ ટોળકીએ અન્ય જિલ્લાઓમાં પણ મ્યુલ એકાઉન્ટ ખોલાવ્યા હોવાનું સામે આવ્યું છે, જે અંગે વધુ તપાસ ચાલુ છે.

Skip the Carousel

1 2 3

5 days ago | [YT] | 4

GK TV News Gujarati

વિધાર્થીઓ યુવાનો માટે
રાધીવાડ ગામે જ્ઞાન કેન્દ્ર
*********************
વાંચન, રોજગારી સરકારી યોજના, સ્પર્ધાત્મક પરીક્ષાઓ ઓ માર્ગદર્શન માટે આયોજન
**********************

ખેડબ્રહ્મા તાલુકા ના રાધીવાડ ગામ ખાતે વિધાર્થીઓ ના માટે એક અનોખું જ્ઞાન કેન્દ્ર નો પ્રારંભ થઈ રહ્યો છે
થોડો સમય પૂર્વે રાધીવાડ ગામના કેટલાક યુવક યુવતી ઓ રાજ્ય સરકાર ની કેટલીક સ્પર્ધાત્મક પરીક્ષા ઓ માં ખૂબ મહેનત કરવા છતાં થોડાક માર્કસ માટે પસંદગી માં વંચિત રહેતા ગામ ના યુવાનો ને વધુ સારું માર્ગ દર્શન મળે અને સફળતા મેળવે તે માટે મનોમંથન કર્યું હતું
ત્યારે આ જ્ઞાન કેન્દ્ર માટે મૂળ
રાધીવાડ ના નિવાસી હાલ લંડન ઈંગ્લેન્ડ. ખાતે રહેતા સ્વ. હરિભગવાન જોષી ના પુત્રો સર્વ શ્રી યોગેશભાઈ જોષી , મુંજાલ જોષી અને હેમંત જોષી તરફથી પોતાનું મકાન વિધાર્થીઓ , યુવાનો ના ઉત્કર્ષ હેતુ ઉપયોગ થાય તે માટે આતુર હતા ગામ ના યુવાનો એ તેઓનો સંપર્ક કરતા તેઓએ તુર્તતજ હા પાડીને જરૂરી સહાય ની લાગણી દર્શાવી હતી યુવાનો ને સારું વાંચન મળે નિષ્ણાંતો દ્વારા માર્ગ દર્શન મળે, અને સફળતા મેળવે તેવા ઉમદા હેતુ સાથે જ્ઞાન કેન્દ્ર સાકાર થાય તે માટે સહમતિ આપી હતી,
આ કેન્દ્ર ને આગળ ટીમ રાધીવાડ ના સર્વ શ્રી નિખિલેશ ઉપાધ્યાય ગુજરાત સરકાર ના પૂર્વ નાયબ માહિતી નિયામક શ્રી, નરેન્દ્ સિંહચૌહાણ સી.આર.સી, જયપાલ સિંહ ,પરમ સિંહ , રવિ પંચાલ, દિવ્યરાજ સિંહ સહિત શિક્ષકો
અને યુવાનો વિધાર્થીઓ ની એક ટીમદ્વારા કાર્ય હાથ ધરવામાં આવ્યું છે

આ કેન્દ્ર માં વિધાર્થીઓ માટે વાંચન ખંડ , રાજ્ય સરકાર દ્વારા લેવાતી સ્પર્ધાત્મક પરીક્ષા માટે યુવક યુવતી માટે નિષ્ણાંતો બોલાવી વિશેષ ક્લાસ દ્વારા માર્ગ દર્શન અપાશે
આ ઉપરાંત રાજ્ય સરકાર ની જન સમુદાય ના કલ્યાણ માટેની યોજનાની જાણકારી ગ્રામજનો મળે, વિવિધ પોર્ટલ ની સેવા ની સમજ , મારી યોજના પોર્ટલ અન્ય પોર્ટલ ઉપર થી લાભ લઈ શકાય તેનું માર્ગદર્શન અપાશે
યુવાનો માટે રોજગારી માટે પણ માર્ગ દર્શન અપાશે
વાંચન માટે પુસ્તકો, અખબારો અને વિવિધ મેગેઝિન ની વ્યવસ્થા કરવામાં આવશે
આ જ્ઞાન કેન્દ્ર ઉભું કરવા માટે ગામ ના યુવાનો વિધાર્થીઓ દ્વારા પૂરો સહયોગ મળી રહ્યો છે

5 days ago | [YT] | 1

GK TV News Gujarati

હિંમતનગરમાં ફૂડ સેફ્ટી વિભાગની કાર્યવાહી
હિંમતનગર શહેરમાં પ્રજાજનોને શુદ્ધ, ગુણવત્તાયુક્ત અને આરોગ્યપ્રદ ખોરાક મળી રહે તે હેતુથી ફૂડ સેફ્ટી વિભાગ દ્વારા હોટેલ, રેસ્ટોરેન્ટ અને ફરસાણની દુકાનોમાં સઘન ચેકિંગ ઝુંબેશ હાથ ધરવામાં આવી હતી.
આ કાર્યવાહી દરમિયાન ફૂડ સેફ્ટી ઓફિસર અને ‘ફૂડ સેફ્ટી ઓન વ્હીલ્સ’ની મોબાઈલ ટીમ દ્વારા સંયુક્ત રીતે કુલ 39 વેપારી પેઢીઓની આકસ્મિક તપાસ કરવામાં આવી હતી. તપાસ દરમિયાન શંકાસ્પદ જણાયેલા 4 ખાદ્ય પદાર્થોના નમૂના લેવામાં આવ્યા હતા, જેને વધુ લેબોરેટરી પરીક્ષણ માટે મોકલવામાં આવ્યા છે.
‘ફૂડ સેફ્ટી ઓન વ્હીલ્સ’ની મોબાઈલ લેબ દ્વારા 32 જેટલી ખાદ્ય સામગ્રીનું સ્થળ પર જ ગુણવત્તા પરીક્ષણ કરવામાં આવ્યું હતું. તપાસ દરમિયાન આરોગ્ય માટે હાનિકારક જણાયેલા કુલ 52.6 કિલોગ્રામ અખાદ્ય ખાદ્ય પદાર્થોનો સ્થળ પર જ નાશ કરવામાં આવ્યો હતો, જેની અંદાજિત કિંમત રૂપિયા 6,650 જેટલી હોવાનું સામે આવ્યું છે.
આ ઉપરાંત નિયમોનું સંપૂર્ણ પાલન ન કરતી તથા સફાઈ અને ગુણવત્તામાં ખામી ધરાવતી બે પેઢીઓને ક્ષતિઓ તાત્કાલિક દૂર કરવા માટે ઈમ્પ્રુવમેન્ટ નોટિસ આપવામાં આવી છે.
ફૂડ સેફ્ટી વિભાગે સ્પષ્ટ ચેતવણી આપી છે કે ખાદ્ય પદાર્થોમાં ભેળસેળ કરનારા તેમજ સ્વચ્છતાના નિયમોનું ઉલ્લંઘન કરનારા વેપારીઓ સામે આગામી દિવસોમાં પણ કડક કાર્યવાહી કરવામાં આવશે.

#હિંમતનગર #ફૂડસેફ્ટી #FoodSafety #સઘનચેકિંગ #હોટેલ #રેસ્ટોરેન્ટ #ફરસાણ #અખાદ્યખોરાક #ભેળસેળ #આરોગ્ય #સાબરકાંઠા #ફૂડસેફ્ટીઓનવ્હીલ્સ #FoodSafetyOnWheels #ગુજરાત

Skip the Carousel

1 2 3 4 5 6 7 8 9 10

1 week ago | [YT] | 2

GK TV News Gujarati

સાબરડેરી ખાતે સાબરડેરીની ૬૨ મી વાર્ષિક સાધારણ સભા યોજાઈ
સાબરકાંઠા તથા અરવલ્‍લી જિલ્‍લાના લાખો ૫શુપાલક ૫રિવારો માટે આર્થિક જીવાદોરી સમાન અને સામાજીક વિકાસની ધરોહર સાબરડેરીની ૬૨ મી સાધારણ સભા આજ રોજ તારીખઃ૨૭-૦૮-ર૦ર૬ ના રોજ ગુજરાત કો-ઓ૫રેટીવ મીલ્‍ક માર્કેટીંગ ફેડરેશનના પૂર્વ ચેરમેન તથા સાબરડેરીના ચેરમેનશ્રી શામળભાઈ બી.૫ટેલના અઘ્‍યક્ષ સ્‍થાને યોજાઈ હતી જેમાં સાબરડેરીના વાઈસ ચેરમેન શ્રી ઋતુરાજભાઈ ૫ટેલ,પૂર્વ સાંસદશ્રી દિ૫સિંહજી રાઠોડ,અરવલ્લી ભાજપા સંગઠન પ્રમુખશ્રી ભીખાજી ઠાકોર, પૂર્વ મંત્રીશ્રી અને ધારાસભ્ય શ્રી ભીખુંસિંહ પરમાર,સાબરકાંઠા ભાજપા પૂર્વ પ્રમુખ શ્રી પી.સી.પટેલ, નિયામક મંડળના તમામ સદસ્‍યો,સાબરડેરીના ભૂતપૂર્વ નિયામક મંડળના સભ્‍યશ્રીઓ,સહકારી આગેવાનો તેમજ મોટી સંખ્યામાં સાબરડેરીની સભાસદ દૂધ મંડળીઓના પ્રતિનિધિશ્રીઓની હાજરીમાં યોજાઈ ગઈ.
દૂધ સંઘના મેનેજીંગ ડીરેકટરશ્રી સુભાષભાઈ ૫ટેલે ઉ૫સ્‍થિત દૂધ મંડળીઓના પ્રતિનિધિશ્રીઓનું શાબ્‍દીક સ્‍વાગત કરી દૂધ સંઘે વર્ષ દરમ્‍યાન કરેલ પ્રગતિ અને સિઘ્‍ધિઓની છણાવટ કરી વિગતવાર માહીતી રજુ કરી હતી સાથે સાથે વર્ષ દરમ્યાન કરેલ ગુજરાત તથા અન્ય રાજ્યોમાં કરેલ વિસ્ત્રુતિકરણ આયોજન જેવા કે નવા પ્લાન્ટ,ગ્રીન એનર્જી,પશુપાલનમાં આધુનિક ટેક્નોલૉજીના ઉપયોગ વગેરે બાબતે સભાને અવગત કરવામાં આવેલ અને તેઓ દ્વારા સાધારણ સભાની કામગીરીનું સંચાલન કરવામાં આવ્‍યું હતુ.
સાધારણ સભાના અઘ્‍યક્ષ સ્‍થાનેથી શામળભાઈ ૫ટેલે વડા પ્રધાનશ્રી નરેન્‍દ્રભાઈ મોદી સાહેબ,ગૃહ અને સહકારિતા મંત્રીશ્રી અમીતભાઈ શાહ સાહેબ,મુખ્‍ય મંત્રીશ્રી ભુપેન્‍દ્રભાઈ ૫ટેલ,પ્રદેશ ભાજપા અઘ્‍યક્ષશ્રી જગદીશભાઈ વિશ્વકર્મા અને સહકાર મંત્રીશ્રી જીતુભાઈ વાઘાણીનો સહકાર અને પ્રેરણા આપવા બદલ આભાર માની દુધ ઉત્પાદકોની આર્થિક ઉન્‍નતિ માટે કટીબઘ્‍ધતા દર્શાવી વડા પ્રધાનશ્રીના ખેડૂતોની આવક બમણી કરવાના સંકલ્‍૫ની સિઘ્‍ધિ અને અમીતભાઈ શાહ સાહેબના સહકારથી સમૃઘ્‍ધિના મંત્રને સાર્થક કરવા હેતુ સંઘ પ્રતિબઘ્‍ધ છે એવું જણાવી સાબરડેરી લાખો પશુપાલક પરિવારોના પરિશ્રમ, વિશ્વાસ અને સ્વપ્નોનું જીવંત પ્રતિબિંબ છે.સાબરડેરીની મૂળભૂત વિચારધારા “સંસ્થા મજબૂત બનશે તો દૂધ ઉત્પાદક મજબૂત બનશે અને દૂધ ઉત્પાદક મજબૂત બનશે તો ગામડું અને સમગ્ર પ્રદેશ સમૃદ્ધ બનશે.આ માટે સંઘના વહીવટમાં પારદર્શિતા, કરકસર, કાર્યક્ષમતા અને દૂધ ઉત્પાદકોના આર્થિક હિતને સર્વોચ્ચ પ્રાથમિકતા આપવામાં આવે છે,વધુમાં તેઓ એ જણાવેલ કે સંઘની પ્રગતિ માત્ર આંકડાની વૃદ્ધિ નથી પણ લાખો દૂધ ઉત્પાદકોના વિશ્વાસ,દૂધ મંડળીઓની કાર્યક્ષમતા અને સાબરડેરીના સમગ્ર પરિવારની મહેનતની સફળતા છે.
અઘ્‍યક્ષ સ્‍થાનેથી દુધના વ્‍યવસાયનું ભવિષ્‍ય ઉજળું હોવાનું જણાવી સમગ્ર વર્ષ દરમ્‍યાન દૂધ સંઘના કામકાજમાં દૂધ મંડળીના પ્રતિનિધિઓએ આપેલ સાથ અને સહકાર બદલ આભારની લાગણી વ્‍યકત કરી હતી.
વધુમાં તેઓએ જણાવેલ કે, ગત વર્ષે ૩૦ જૂન પહેલાં સામાન્ય સભાની મંજૂરીની અપેક્ષાએ રિટેન્શન મની ચૂકવવાની જાહેરાત કરવામાં આવી હતી તે મુજબ વર્ષ ૨૦૨૫-૨૬ માટે દૂધ ઉત્પાદકોની અપેક્ષા અને હિતને ધ્યાનમાં રાખીને રૂ. ૫૬૦ કરોડની ઐતિહાસિક રકમ,સરેરાશ રૂ.૧,૦૦૭ પ્રતિ કિલો ફેટ પ્રમાણે, તા. ૨૯ જૂને જ દૂધ ઉત્પાદકોને ચૂકવવામાં આવી છે અને ભવિષ્‍યમાં ૫ણ દૂધના પોષણક્ષમ ભાવ આ૫વા તેમણે કટીબઘ્‍ધતા દર્શાવી હતી. સભાસદોના દૂધ સહકારી પ્રવૃત્તિ પ્રત્યેના અતૂટ વિશ્વાસના પરિણામે સાબરડેરી સતત વિકાસની નવી ઊંચાઈઓ સર કરી રહી ત્યારે વર્ષ ૨૦૦૮-૦૯ માં સંઘે ૧૦૦૦ કરોડનું ટર્નઓવર પાર કર્યું હતું જે આજે રૂ.૧૦,૧૩૩ કરોડ સુધી પહોંચ્યું છે બંને સીમાચિન્હ તેઓના નેતૃત્વમાં થવા અંગે વિશેષ ગૌરવ હોવાનું જણાવ્યુ હતું
સભામાં વર્ષ ર૦ર૫-ર૬ માં સૌથી વધુ દુધ સંપાદન કરનાર શ્રેષ્ઠ૧૦ દુધ મંડળીઓનું મોમેન્‍ટો અને પ્રશસ્‍તિ૫ત્ર આપી સન્‍માન કરવામાં આવ્‍યુ હતું જેમાં પ્રથમ ત્રણ ક્રમે ગાબટ,નાદરી અને રણેચી દુધ મંડળીઓ હતી તે જ રીતે વર્ષ ર૦ર૫-ર૬ માં સૌથી વધુ દુધ ભરાવનાર શ્રેષ્ઠ ૧૦ દુધ ઉત્પાદકો જેમાં અરવલ્લી જિલ્લાના ૮ અને સાબરકાંઠાના ૨ પ્રગતિશીલ દુધ ઉત્પાદકોનું સન્‍માન કરવામાં આવ્‍યુ હતું.સાથે સાથે અમૂલ દૂધની બનાવટો ના વેચાણમાં શ્રેષ્ઠ પ્રદર્શન કરનાર ૩ દૂધ મંડળીઓ લિંભોઇ,ટાકા ટુકા અને ચિત્રોડા દુધ મંડળીઓનું સન્‍માન કરવામાં આવ્‍યુ હતું અને દૂધ મંડળીઓમાં સતત ૨૧ વર્ષ કે વધુ સમયથી સેવારત ૭૦ થી વધુ ચેરમેનશ્રીઓનું સન્માન કરવામાં આવ્યું હતું.
સાધારણ સભા પ્રસંગે સાબરડેરીના વાઈસ ચેરમેનશ્રી ઋતુરાજભાઈ ૫ટેલે સાધારણ સભાના સમા૫ન પ્રસંગે આભાર વિધિ કરેલ હતી. મોટી સંખ્યામાં ઉપસ્થિત દૂધ મંડળીઓના ચેરમેનશ્રીઓ અને સેક્રેટરીશ્રીઓની હાજરીમાં સભા શાંતિપૂર્ણ માહોલમાં સફળતાથી પૂર્ણ થઈ હતી.

Skip the Carousel

1 2 3 4 5 6 7 8 9 10

1 week ago | [YT] | 4

GK TV News Gujarati

🪢 સાબરકાંઠા-અરવલ્લીની માતૃશક્તિનો સ્નેહ: આદરણીય વડાપ્રધાનશ્રીને રક્ષાબંધનની ભેટ 🪢

​📍 સ્થળ: પ્રદેશ કાર્યાલય ‘શ્રી કમલમ્’

​વિશ્વના સૌથી લોકપ્રિય નેતા અને આપણા યશસ્વી વડાપ્રધાન શ્રી નરેન્દ્રભાઈ મોદી સાહેબને પવિત્ર રક્ષાબંધન પર્વ નિમિત્તે સાબરકાંઠા-અરવલ્લી લોકસભા પરિવારની બહેનો દ્વારા પ્રેમ અને લાગણીથી ગુંથાયેલી રાખડીઓ મોકલવામાં આવી.

​સાબરકાંઠા-અરવલ્લી લોકસભા વિસ્તારની ડ્રોન દીદી, લખપતિ દીદી, સખી મંડળની બહેનો તેમજ વિવિધ સામાજિક સંસ્થાઓ સાથે જોડાયેલી બહેનોએ આદરણીય વડાપ્રધાનશ્રીના સુખ, સ્વાસ્થ્ય અને દીર્ઘાયુ માટે વિશેષ પ્રાર્થના કરી હતી.

​આ સ્નેહસભર પ્રસંગે પ્રદેશ મહિલા મોરચાના પ્રમુખ શ્રીમતી અંજુબેન વેકરીયા, સાબરકાંઠા-અરવલ્લી લોકસભાના લોકપ્રિય સાંસદ શ્રીમતી શોભનાબેન મહેન્દ્રસિંહ બારૈયા અને પ્રદેશ મહિલા મોરચા મહામંત્રી જહાન્વીબેન વ્યાસ, ભાવનાબેન હીરપરા , પુષ્પાબેન ઠાકોરની પ્રેરક ઉપસ્થિતિ રહી હતી.

સાથે જ સાબરકાંઠા જિલ્લા મહામંત્રી રેખાબા ઝાલા, સોનલબેન સોલંકી, જાનકીબા રહેવર, નિર્મલાબેન પંચાલ, માયાબેન ભોઈ, અનસૂયાબેન ગામેતી, હંસાબા ચૌહાણ,જીજ્ઞાબેન સોની, શ્રદ્ધાબેન પટેલ, અલ્કાબેન પટેલ, પન્નાબેન સોલંકી, ભાવનાબા ઝાલા, કલ્પનાબેન દીપા બેન કુવાડીયા,સહિત મહિલા મોરચાની બહેનો ઉપસ્થિત રહી રાષ્ટ્રનાયક પ્રત્યે અતૂટ વિશ્વાસ અને વિકસિત ભારતના નિર્માણનો સંકલ્પ દોહરાવ્યો હતો.

​નારી શક્તિનો આ સ્નેહ અને અતૂટ વિશ્વાસ ખરા અર્થમાં વિકસિત ભારતનું અનોખું બંધન છે. 🇮🇳

Skip the Carousel

1 2 3 4 5 6 7 8 9

1 week ago | [YT] | 5