Welcome to Sri Lanka Heavenly Paradise,
Explore lush, rolling tea plantations, pristine beaches kissed by the Indian Ocean, and serene wildlife sanctuaries teeming with elephants, leopards, and countless other species. Step back in time at centuries-old temples and monuments, marveling at the incredible architecture and artistry.
Whether you're a seasoned traveler or a curious explorer, this channel promises to ignite your wanderlust and inspire you to experience the unparalleled beauty and charm of Sri Lanka. Subscribe now and let us be your guide to this enchanting island nation, where every moment is a dream come true.
#HeavenlyParadise #Travel #Exploresrilanka #Culture #Natural #Adventure #Wanderlust #TravelInspiration #SriLankaTravelDiary #HeavenlyIsland #SriLankaTravelVisuals #Earthlypradise #NaturalParadise #FreeRoam #SrilankaDronVisuals #TravelDronshoot #BirdEyeSrilanka #FlyDron
Sri Lanka Heavenly Paradise
කොච්චර ජනප්රිය වුනත් මුල අමතකට නොකළ ඒ අවංකකමට එකෙන්ම රෙස්පෙක්ට්
#IsurangaJayakumara #Teacher #Gratitude #DramaAndTheatre #SriLanka #Acting #Inspiration #HemaTeacher #Life
1 week ago | [YT] | 10
View 0 replies
Sri Lanka Heavenly Paradise
📌 පිරිමින්ට වඩා කාන්තාවන්ට ඉක්මනින් මුත්රා ආසාදන (UTI) හැදෙන්නේ ඇයි?
මුත්රා දැවිල්ල එහෙමත් නැත්නම් Urinary Tract Infection (UTI) කියන්නේ කාන්තාවන් අතර ඉතාමත් සුළභ සෞඛ්ය ගැටලුවක්. සංඛ්යාලේඛන වලට අනුව සෑම කාන්තාවන් දෙදෙනෙකුගෙන් එක් අයෙකුටම තම ජීවිත කාලය තුළ අවම වශයෙන් එක් වතාවක්වත් මුත්රා ආසාදනයක් වැළඳෙනවා.
ඇයි පිරිමින්ට වඩා කාන්තාවන් මේකට ගොදුරු වෙන්නේ? සහ ලිංගික ජීවිතය මෙයට බලපාන්නේ කොහොමද?
ප්රධානම හේතුව ශරීරයේ පිහිටීමයි.(Anatomy) කාන්තාවන්ගේ මුත්රා මාර්ගය (Urethra) පිරිමින්ට වඩා කෙටියි (සෙ.මී. 4ක් පමණ). පිරිමින්ගේ මෙය සෙ.මී. 20ක් පමණ දිගයි. මේ නිසා බැක්ටීරියාවලට මුත්රාශය දක්වා ගමන් කරන්න තියෙන්නේ ඉතා කුඩා දුරක්. ඒ වගේම කාන්තාවන්ගේ මුත්රා මාර්ගය, යෝනි මාර්ගයට සහ ගුද මාර්ගයට ඉතා සමීපව පිහිටා තිබීම නිසා බැක්ටීරියා සංක්රමණය වීම ඉතා පහසුයි.
ලිංගික ක්රියාකාරකම් සහ "Honeymoon Cystitis" බොහෝ කාන්තාවන් අතර සුලබ ආසාදන තත්වයක්. ලිංගිකව එක්වීමේදී සිදුවන තෙරපීම සහ චලනයන් නිසා ලිංගික ප්රදේශයේ ඇති බැක්ටීරියා මුත්රා මාර්ගය තුළට තල්ලු වෙනවා. විවාහ වූ අලුත හෝ ලිංගිකව ක්රියාකාරී වන මුල් කාලයේදී මෙය බහුලව සිදුවන නිසා වෛද්ය විද්යාවේදී මෙය Honeymoon Cystitis ලෙස හඳුන්වනවා.
ඇතැම් උපත් පාලන කොපු (Condoms) හෝ උපත් පාලන පෙති වර්ග භාවිතය නිසා යෝනි මාර්ගයේ ස්වභාවිකව පවතින "හිතකර බැක්ටීරියා" (Lactobacilli) විනාශ වෙන්න පුළුවන්. එවිට අහිතකර බැක්ටීරියා වේගයෙන් වර්ධනය වී ආසාදන ඇති කරනවා.
කාන්තාවන් වයසට යද්දී ශරීරයේ ඊස්ට්රජන් (Estrogen)හෝර්මෝනය අඩුවනවා. මෙහි ප්රතිඵලයක් ලෙස මුත්රා මාර්ගයේ පටක සිහින් වී, බැක්ටීරියා වලට එරෙහිව සටන් කිරීමේ හැකියාව අඩු වෙනවා.
ශරීරයේ සීනි මට්ටම වැඩි වූ විට බැක්ටීරියා වලට අවශ්ය ආහාර ලැබෙන නිසා ඔවුන් වේගයෙන් වර්ධනය වෙනවා. දියවැඩියාව ඇති කාන්තාවන්ට නිතර නිතර මුත්රා ආසාදන වැළඳෙන්නේ මේ නිසයි.
🛡️ ආරක්ෂා වෙන්නේ කොහොමද? (වැදගත්ම කොටස)
සංසර්ගයෙන් පසු මුත්රා පිට කිරීම.ලිංගිකව එක්වී විනාඩි 15-30ක් ඇතුළත මුත්රා පිට කිරීම අනිවාර්යයෙන් කරන්න. එමගින් ඇතුල් වූ බැක්ටීරියා සෝදා හැරේ.
නිවැරදිව පිරිසිදු වීම .වැසිකිළි භාවිතයෙන් පසු හැමවිටම ඉදිරිපස සිට පසුපසට(Front to Back) පිරිසිදු කරන්න.
පසුපස සිට ඉදිරියට පිරිසිදු කිරීමෙන් ගුද මාර්ගයේ බැක්ටීරියා මුත්රා මාර්ගයට ඇතුල් වේ.
දිනකට ලීටර් 2-3ක් ජලය පානය කරන්න. මුත්රා තද කරගෙන සිටීමෙන් වළකින්න.
කපු රෙද්දෙන් නිම කළ යටඇඳුම් (Cotton underwear) භාවිතා කරන්න. තද යටඇඳුම් නිසා ලිංගික ප්රදේශයේ තෙතමනය රැඳී බැක්ටීරියා වර්ධනය වේ.
⚠️ අනතුරු ඇඟවීමක්!
මුත්රා සමඟ ලේ පිටවීම, දැඩි උණ, කොන්දේ හෝ පැත්තක වේදනාව ඇති වේ නම් වහාම වෛද්යවරයෙකු හමුවන්න. එය ආසාදනය වකුගඩු දක්වා පැතිරී ඇති බවට ලක්ෂණයක් විය හැකියි.
#HealthAwareness #WomensHealth #UTI #StaySafe #HealthyLiving #MedicalAdvice #SriLanka #SinhalaHealthTips #UrinaryHealth #HoneymoonCystitis #Healthcare
1 week ago | [YT] | 4
View 0 replies
Sri Lanka Heavenly Paradise
🔴අද මම කියන්න යන්නේ චීන සමාගමක් ඇසුරුම්කරණ නිර්මාණයේ (Packaging Design) වෙනසක් සිදුකර ව්යාපාරික සාර්ථකත්වයක් ලබාගත් අවස්ථාවකි.
සාමාන්යයෙන් අපි දකින ෂැම්පූ බෝතල් ඒකාකාරී හැඩයකින් යුක්ත වේ. ඔවුන් සිදු කලේ මෙම ඒකාකාරී හැඩ වෙනස් කර ස්වභාවික අමුද්රව්ය වල හැඩයක් ලබා දීමයි. (පිපිංඤා, කැරට්, උන බම්බු වැනි හැඩ)
ඉන්පසු සිතාගත නොහැකි ලෙස ඉතා විශාල අලෙවියක් ලබා ගැනීමට ඔවුන් සමත් වී තිබෙනවා. ඒ වගේම නිර්මාණශීලී ඇසුරුම්කරණය පිළිබඳ ලෝකයේ විවිධ සම්මාන සඳහාද නිර්දේශ වෙලා තියනවා.
පාරිභෝගිකයන් සාමාන්යයෙන් වෙනස් සහ නිර්මාණශීලී දේ අත්හදා බැලීමට කැමැත්තක් දක්වයි. මේ වගේ "Smart Packaging" මගින් නිෂ්පාදනයක් අනෙක් තරඟකාරී නිෂ්පාදන අතර කැපී පෙනීමට (Stand out) සමත් වේ.
ඉතින් ඔයත් කුඩා ව්යාපාරයක් කරන කෙනෙක් නම් මේ දේ අත්හදා බලන්න පුළුවන් ☺️
#ArtemisII #srilanka #giveaway #ArtemisMission
1 week ago | [YT] | 11
View 0 replies
Sri Lanka Heavenly Paradise
අප්රේල් සූර්ය අවුරුද්දේ ගෝලීය සහ ඓතිහාසික සබැඳියාව
අප්රේල් මාසයේ උදාවන සූර්ය අවුරුද්ද යනු ශ්රී ලාංකිකයන් වන අපට පමණක් සීමා වූවක් නොව, එය ආසියාතික රටවල් රැසක විහිදී ගිය මහා සංස්කෘතික මංගල්යයකි. වියට්නාමය හැර ආසියාවේ බොහෝ ථේරවාදී බෞද්ධ රටවල් මෙම කාලසීමාවේදී සිය අලුත් අවුරුද්ද සමරනු ලබයි. ඒ අනුව තායිලන්තය, මියන්මාරය, කාම්බෝජය සහ ලාඕසය වැනි රටවල් අප්රේල් මාසයේදී විවිධ උත්සව පවත්වන අතර, වියට්නාමය පමණක් චීන සම්ප්රදායට අනුව පෙබරවාරි මාසයේදී සිය අවුරුද්ද සමරනු ලබයි.
බෞද්ධ රටවලට අමතරව, ඉන්දියාවේ සහ නේපාලයේ විවිධ ප්රාන්තවල ද මෙම කාල සීමාව තුළ අලුත් අවුරුදු සැමරුම් දැකිය හැකිය. විශේෂයෙන්ම නේපාලය, ඉන්දියාවේ බිහාර් ප්රාන්තය මෙන්ම විජය කුමාරයා පැමිණි බව පැවසෙන ඔරිස්සා ප්රාන්තයේ ද මෙම උත්සවය උත්කර්ෂවත්ව පවත්වනු ලබයි. මීට අමතරව දකුණු ඉන්දියාවේ ද්රාවිඩ ප්රාන්ත දෙකක ද සූර්ය සංක්රමණය මුල් කරගත් අලුත් අවුරුදු චාරිත්ර අනුගමනය කිරීම සුවිශේෂී වේ.
අලුත් අවුරුද්ද යනු හුදෙක් ආගමික උත්සවයක් නොව, එය තාරකා විද්යාත්මක පදනමක් සහිත සංස්කෘතික උත්සවයකි. ඇතැම් පිරිස් මෙය එක් ආගමකට පමණක් අයත් දෙයක් ලෙස පවසමින් මිථ්යා මත පතුරුවා හරිනු ලැබුවද, සත්ය වශයෙන්ම එය කලාපීය සංස්කෘතික උරුමයකි. ලංකාවේදී මෙයට බෞද්ධ වතාවත් එකතු වී අධ්යාත්මික මුහුණුවරක් ලැබී ඇති අතර, තායිලන්තය වැනි රටවල එය වඩාත් විනෝදජනක සැනකෙළියක ස්වරූපයක් ගනී.
ඓතිහාසිකව බලන කල, මෙම අප්රේල් සූර්ය අවුරුද්දේ මුල් ක්රි.පූ. 2000 දක්වා ඈතට දිව යයි. පුරාණ බැබිලෝනියානු ශිෂ්ටාචාරයේ භාවිත වූ සූර්ය දින දර්ශනය සමඟ මෙහි පැහැදිලි සබඳතාවක් පවතින බව පෙනී යයි. ඒ අනුව, මෙම උත්සවය යනු ලොව පැරණිම තාරකා විද්යාත්මක දත්ත පදනම් කරගනිමින් නිර්මාණය වූ, ජාතීන් රැසක් එකට යා කරන උතුම් සංස්කෘතික මංගල්යයකි
LDT Creation
1 week ago | [YT] | 4
View 1 reply
Sri Lanka Heavenly Paradise
👩👧✨ තවදුරටත් ඩුබායිවල ගෘහණියන් නැහැ.. ඩුබායිහි ඔටුන්න හිමි කුමාරයා ෂෙයික් හම්දාන්ගේ ලෝකයම පුදුම කරපු තීරණය අපි හැමෝම දන්නවා, සාමාන්යයෙන් ෆෝම් එකක් පුරවනකොට හරි, කවුරුහරි විස්තර අහනකොට හරි ර රැකියාවක් නොකරන අම්මා කෙනෙක් ගැන කියන්න වෙන්නේ Housewife නැත්නම් ගෘහණිය කියලා. ඒ වචනය ඇහෙනකොට අපේ ඔළුවට එන්නේ ගෙදර දොරේ වැඩ කරන, උයන පිහියන, රෙදි සෝදන චරිතයක් විතරයි. නමුත් මේ සාම්ප්රදායික හැඳින්වීම අතුගාලා දාලා, ලෝකයම පුදුම කරවන තීරණයක් ඩුබායි රාජ්යයෙන් අරන් තියෙනවා. ඩුබායිහි ඔටුන්න හිමි කුමාරයා, එහෙමත් නැත්නම් අපි හැමෝම ආදරේ කරන ෂෙයික් හම්දාන් (Sheikh Hamdan), ගෘහණිය කියන වචනය වෙනුවට අලුත් ගෞරවනීය නාමයක් හඳුන්වා දීලා තියෙනවා. ඒ තමයි Generation Shaper නැත්නම් "මතු පරපුර හැඩගස්වන්නිය". 📍 ගෘහණිය කියන වචනයෙන් අදහස් වෙන්නේ එක තැනක් (ගෙදර) ගැන විතරයි. ඒත් අම්මා කෙනෙක් කියන්නේ ගෙදරකට විතරක් සීමා වෙච්ච කෙනෙක් නෙවෙයි. ඇය තමයි රටක, ලෝකයක අනාගතය තීරණය කරන අමුද්රව්ය එහෙමත් නැත්නම් දරුවන්ව නිර්මාණය කරන ශිල්පිනිය. ඩුබායි කුමාරයා කියන විදියට, අම්මා කෙනෙක් කරන්නේ උයන එකයි ගේ අස් කරන එකයි විතරක් නෙවෙයි දරුවෙකුගේ ගතිගුණ හැඩගස්වන එක. සමාජයට වටිනා මනුස්සයෙක් දායාද කරන එක. අනාගත නායකයින්ට පණ දෙන එක. ඉතින් මේ වගේ බරපතල මෙහෙවරක් කරන කෙනෙක්ට ගෘහණිය කියන වචනය ගැලපෙන්නේ නැහැ නේද? 🏠 අපි පොඩ්ඩක් හිතමු, අපි අද ඉන්න තැනට එන්න පාර හැදුවේ කවුද..? අපේ අම්මා. ඇය රස්සාවකට ගියත් නැතත්, ඇය දවස පුරාම කරන්නේ ලෝකයේ අමාරුම කළමනාකරණ රාජකාරිය. උදේ නැගිට්ට වෙලාවේ ඉඳන් රෑ නිදාගන්නකම් ඇය ගන්න වෙහෙස, ඇය කරන කැපකිරීම් කිසිම වැටුපකින් මනින්න බැහැ. ඩුබායි කුමාරයා මේ සංකල්පය ගේන්නේ නිකන්ම නම වෙනස් කරන්න නෙවෙයි, මිනිස්සුන්ගේ ඔළුවේ තියෙන ආකල්ප වෙනස් කරන්න. මගේ අම්මා Housewife කෙනෙක් කියලා කියනකොට දැනෙන පොඩි අඩුව, මගේ අම්මා Generation Shaper කෙනෙක් කියලා කියනකොට මහා අභිමානයක් බවට පත් වෙනවා. 🌏 මේක වචනයක් මාරු කිරීමක් නෙවෙයි. මේකෙන් සමාජයට දෙන පණිවිඩය තමයි කාන්තාවකගේ නිවසේ භූමිකාව කියන්නේ අවතක්සේරු කළ යුතු දෙයක් නෙවෙයි කියන එක. ගොඩක් අය හිතන්නේ අම්මා කෙනෙක් ගෙදර ඉන්නවා කියන්නේ ඇය නිකන් ඉන්නවා කියලා. නමුත් මේ තීරණයත් එක්ක ලෝකයම පිළිගන්නවා අම්මා කෙනෙක් කියන්නේ Nation Builder හෙවත් ජාතියක් ගොඩනගන කෙනෙක් කියලා. ඩුබායි වගේ තාක්ෂණයෙන් සහ ආර්ථිකයෙන් ඉහළම තැනක තියෙන රටක් මෙවැනි මානුෂීය සහ ගෞරවනීය තීරණයක් ගැනීම, මුළු ලෝකයටම ආදර්ශයක්. ❤️ ලංකාවේ අපිටත් මේක ගොඩක් සමීපයි. අපේ අම්මලා තමන්ගේ මුළු ජීවිතයම කැප කරන්නේ දරුවෝ වෙනුවෙන්. තමන්ගේ හීන පසෙක තියලා, දරුවන්ගේ හීන හැබෑ කරන්න වෙහෙසෙන අම්මා කෙනෙක් නිකන්ම ගෘහණියක් වෙන්නේ කොහොමද? ඇය තමයි අපේ ජීවිතේ මුල්ම ගුරුවරිය, මුල්ම උපදේශිකාව සහ ශක්තිමත්ම හෙවනැල්ල. ඉතින් අද ඉඳන් ඔයාගේ අම්මා ගැන ලෝකයට කියද්දී, එයා ගෘහණියක් කියලා හඳුන්වනවා වෙනුවට, එයා තමයි මගේ ලෝකය සහ මගේ පරපුර හැඩගස්වන කෙනා කියලා ආඩම්බරයෙන් කියන්න. ✨ ඩුබායි කුමාරයාගේ මේ පියවර මව්වරුන්ගේ භූමිකාවට අලුත් අර්ථයක් දීලා තියෙනවා. මේක නිකන්ම නම වෙනස් කිරීමක් නෙවෙයි, කාන්තාවකට සහ මව් පදවියට දිය හැකි ඉහළම ගෞරවයක්.
#GenerationShaper #DubaiCrown Prince #SheikhHamdan #faith #prayer
1 week ago | [YT] | 11
View 0 replies
Sri Lanka Heavenly Paradise
🔴 | ශ්රි ලංකාවේ යොවුන් ක්රිඩකයින් වන විරාන් සහ දිමන්ත එක්ව වයස 19 පහල එක්දින ක්රිකට් ඉතිහාසයේ ඕනෑම කඩුල්ලක් සදහා වන ඉහළම ලකුණු සබදතාව (highest partnership) ගොඩනැගිමට සමත් වී ඇත.
ඒ 2026 වයස 19 පහල එක්දින ලෝක කුසලාන තරගාවලියේ ජපන් කණ්ඩායමට එරෙහිවය.
🇱🇰 - V. Chamuditha & D. Mahavitharana - 328***
🏴 - DW Lawrence & JTA Burnham - 303
🇳🇿 - BS Wilson & BJ Watling - 273
🇮🇳 - M Singh & M Agrawal - 270
🇦🇺 - J. Sangha & N. McSweeney - 250
#LionsCric | #SriLanka | #u19worldcup2026 #cricketrecord #record #cricket #U19cricket
1 month ago | [YT] | 9
View 0 replies
Sri Lanka Heavenly Paradise
🔴 හැම මාධ්යවේදීයෙකුම ඔවුන්ගෙන් අසනු ලැබුවේ එක පොදු ප්රශ්නයකි.
"ඔබට හිතෙන විදිහට කවුද ක්රිකට් සභාපති තනතුරට සුදුසු?"
🗣️ මුත්තයියා මුරලිදරන්-: "රොෂාන් මහනාම"
🗣️ චමින්ද වාස්-: "රොෂාන් මහනාම අව්යාජ මනුස්සයෙක්. මේ ක්රිකට් එක හදනවා"
🗣️ හෂාන් තිලකරත්න-: "මට අනිත් අය ගැන සහතික දෙන්න බැ මම දන්නේ එක්කෙනයි ඒ රොෂාන් මහානාම"
🗣️ මහේල ජයවර්ධන-: "මම කැමතියි රොෂාන් මහනාම සභාපති වෙනවා නම්"
🗣️ කුමාර් සංගක්කාර-: "දැනට සුදුසුම පුද්ගලයා ක්රිකට් වලට සම්බන්ධයක් නෑ. නමුත් ඔහු ආරාධනාවක් කළොතින් පිළිගනීවි ඒ රොෂාන් මහනාම"
🗣️ කුමාර් ධර්මසේන-: "මං හිතන්නේ සුදුසුම පුද්ගලයා මහානාම කතා දෙකක් නෑ"
🗣️ අරවින්ද ද සිල්වා-: "මගේ කැමැත්ත රොෂාන් මහනාම"
🗣️ රසල්ඩ් ආර්නල්ඩ්-: "ඉන්නේ එක්කෙනයි ඒ රොෂාන් මහානාම"
🗣️ මාවන් අතපත්තු-: "වෙන කවුද රොෂාන් මහානාම"
🗣️ අසංක ගුරුසිංහ-: "මං හිතන්නේ රොෂාන් මහානාම එය හොඳින් කළමනාකරණය කරාවී"
🗣️ උපුල් චන්දන-: "මං හිතන්නේ මහානාම" ඉතින් තවත් කතා කුමකටද?
මේ අන් කිසිවකු නොව, ක්රිකට් ක්රීඩාවේ සැබෑ ජීවගුණය සහ විනය රැකගත් ඒ අසහාය ක්රීඩක රොෂාන් මහනාමයි. ශ්රී ලාංකීය ක්රිකට් ක්රීඩාව යළිත් ගෞරවනීය මාවතකට ඔසවා තැබීමට නම්, මෙවන් යුග පුරුෂයෙකු කඩිනමින් ක්රිකට් සභාපති ධුරයට පත් කර ගැනීම කාලීන අවශ්යතාවකි! ඔයාලා මොනාද හිතන්නේ
1 month ago | [YT] | 9
View 1 reply
Sri Lanka Heavenly Paradise
"යථාර්ථය තේරුම් ගන්න අපි ලෝක මට්ටමෙන් අතිශය දුර්වලයි"
- මුත්තයියා මුරලිදරන්
🚨 විස්සයි විස්ස ලෝක කුසලානයේ සුපිරි අට දෙනාගේ වටයේ තීරණාත්මක නවසීලන්ත තරඟයෙනුත් ලකුණු 61ක අවමන් සහගත පරාජයක් විඳදරා ගැනීමට ශ්රී ලංකා කණ්ඩායමට මීට ස්වල්ප මොහොතකට පෙර සිදුවුණා.
විස්සයි විස්ස ලෝක කුසලානයේ ශ්රී ලංකා කණ්ඩායම ජයග්රාහී ආරම්භයක් ලබාගත්තද, එම ජයග්රාහී රිද්මය දිගටම පවත්වා ගැනීමට කණ්ඩායම අසමත් වීම ක්රිකට් ලෝලීන්ගේ දැඩි කලකිරීමට හේතු වී තිබේ.
විශේෂයෙන්ම සමාජ මාධ්ය ජාලා ඔස්සේ ප්රේක්ෂකයින් සිය කෝපය සහ විවේචන දැඩි ලෙස මුදාහරිමින් සිටිනු දක්නට ලැබේ. මෙවැනි උණුසුම් වටපිටාවක, හිටපු පළමු පෙළ ක්රීඩක ඩිලාන් සේනානායක මහතා විසින් මෙහෙයවන "Chill with Dilan" වැඩසටහනට ලොව බිහිවූ විශිෂ්ටතම දඟ පන්දු යවන්නා වන මුත්තයියා මුරලිදරන් මහතා වීඩියෝ තාක්ෂණය ඔස්සේ සම්බන්ධ කරගනිමින්,
අද දින ශ්රී ලංකා කණ්ඩායමේ පසුබෑම පිළිබඳව ඔහුගේ අදහස් විමසා සිටියේය. "මට මතක හැටියට 2019 වසරේ තමයි මම මුලින්ම ටීවී Program එකක ශ්රී ලංකා ක්රිකට් වල කඩාවැටීම කතා කරන්න ගත්තෙ. ඒ කතා කරපු කාලේ සහ ඉන්පසුවත් මට ගොඩක් විවේචන ආවා. ඒ විවේචන අතරේ හොඳට වඩා නරක වැඩී, මට සහ මගේ පවුලේ අයට අපහාස කරමින් බැනපු අයද සිටියා. මම නමුත් ඒවා එතරම් Care කරේ නෑ මොකද මම ඒ කීව සියල්ල අද යථාර්ථයක් වෙලා තියෙනවා,
ඩිලාන් අපේ ප්රේක්ෂකයොත් මේකට යම් මට්ටමකින් වගකිව යුතුයි. මොකද ඔවුන්ටත් තරඟයක් දෙකක් ජයග්රහණය කරාට පස්සේ යථාර්ථය අමතකයි. ඔවුන් සිතන්නෙ දැන් ක්රිකට් හැදිලා කියලා, ඒත් ඇත්තටම ඒක එහෙම නෑ. අපි ලෝක මට්ටමේ ක්රිකට් ක්රීඩා කරන කණ්ඩායම් අතරින් අතිශය දුර්වල කණ්ඩායමක්. මේක මේ ප්ලේයර්ස්ලා මාරු කරලා, කෝචින් Staff එක මාරු කරලා හදන්න බෑ.
ක්රිකට් පරිපාලනය දූෂිතයි!
මුලින්ම වෙනස් වෙන්න ඕනි පරිපාලනය. මං මුල ඉදලම කියන්නෙ මෙන්න මේ කාරණාව, එක දවසක්වත් හාර්ඩ් බෝල් නොගහපු පුද්ගලයෙක් ක්රිකට් සභාපති වෙලා අද රට සහ ක්රීඩාව මුදලට පාවා දෙනවා. අපේ රටේ කොච්චර හිටපු දක්ෂ ප්ලේයර්ස්ලා ඉන්නවාද?
රොෂාන් මහනාම,සිදත් වෙත්තමුණි,කුමාර් සංගක්කාර,මහේල ජයවර්ධන මේ වගේ විශිෂ්ට ක්රීඩකයන් යටතේ පරිපාලනය වෙන්න ඕනි තැනක් තමයි SLC එක කියන්නෙ ඩිලාන්.
මේක ගැන කතා කරන්න කරන්න හිත රිදෙන එක විතරයි වෙන්නේ. ඇත්තටම ඔවුන්ගේ ඕනෑ එපා කම් නිසා තැලෙන්නේ මේ ප්ලේයර්ස්ලා, මම ලංකාව ක්රීඩා කරන තරඟයක් සම්පූර්ණයෙන් නරඹලා නෑ
අවුරුදු 10කින් විතර, අද තරඟයත් දැන් මේ වීඩියෝ කෝල් එක ගන්න කලින් Scores මම ඉන්ටර්නෙට් එකෙන් බලලා ආවේ. මට ඇත්තටම කණගාටුයි මෙහෙම පරදින්න ඕන රටක් නෙමේ අපි. අන්තිමටම කියන්න තියෙන්නේ ඩිලාන් මම ලංකාවේ ක්රිකට් සමඟ තියන මගේ Bond එක අතඇරලා ගොඩක් කල්"
-මුත්තයියා මුරලිදරන්- -ඉන්දියාවේ අහමදාබාද් හී සිට- #trending #t20worldcup #SLvsNZ #srilankacricket #muththaiya_muralidaran
1 month ago | [YT] | 10
View 0 replies
Sri Lanka Heavenly Paradise
9 months ago | [YT] | 8
View 0 replies
Sri Lanka Heavenly Paradise
අනුදි වෙනුවෙන් ලංකාවේ අපිට මොකක්ද කරන්න පුළුවන්.......
නිල් මානෙල් මලක් වගේ හැඩවෙලා පළවෙනි පින්තූරේ ඉන්න ලස්සන ගෑනු ළමයා තමයි 2025 Miss World තරඟාවලිය වෙනුවෙන් ලංකාව නියෝජනය කරන අනුදි ගුණසේකර. එතකොට දෙවෙනි පින්තූරේ තියෙන්නේ අපේ රට නියෝජනය කරන අනුදිට අපේ ආදරේ, සහයෝගය පෙන්වන්න තියන හොඳ ම විදිහ, Miss World ඇප් එක.
ගූගල් ප්ලේ ස්ටෝර් එකෙන් වගේ ම ඇපල් ඇප් ස්ටෝර් එකෙනුත් මේ ඇප් එක නොමිලේ ම ඩවුන්ලෝඩ් කරගන්න ඔයාලට පුළුවන්. 20 MB වගේ යන්නේ. ඇප් එක දාගත්තම එයාල ඔයාලට කියනව අකවුන්ට් එකක් ක්රියේට් කරගන්න කියල. ඔයාලගේ gmail acc එකෙන් ම ලේසියෙන් රෙජිස්ටර් වෙන්න පුළුවන්. ඊට පස්සේ අදාළ රට (ලංකාව!) සිලික්ට් කරා ම අනුදිගේ පෝස්ට්ස් ඔයාට පේන්න ගන්නව. ඒවට ලයික් කරන්න වගේ ම ලස්සන කමෙන්ට් එකක් දාන්නත් ඔයාට පුළුවන්. ඒ විතරක් නෙමෙයි අනුදි වෙනුවෙන් පෝස්ට් එකක් ක්රියේට් කරල දාන්නත් මේ ඇප් එකෙන් ඉඩකඩ තියනව.
ඔයාල දෙන මේ සහයෝගෙන් අනුදි දිරිගැන්වෙනව විතරක් නෙමෙයි එයාගේ global visibility එකත් වැඩිවෙනවා. ඒ වගේ ම The Miss World Multimedia Award සහ The People's Choice Award දෙක අනුදිට දිනාගන්නත් අවස්ථාවක් තියනව අපේ Like, Comments සහ Sharesවලින්. ඒ නිසා දැන් ම ඇප් එක ඩවුන්ලෝඩ් කරගෙන අපේ නිල් මානෙල් ගෑනු ළමයට රටේ ආදරේ පෙන්නමු 💙
Android (Google Play Store):
https://play.google.com/store/apps/details?id=io.deweb.messageboard.missworld
iOS (Apple App Store):
https://apps.apple.com/lk/app/miss-world-mw/id6499343140
#missworld2025 #srilanka #anudigunasekara
11 months ago | [YT] | 7
View 0 replies
Load more