Pro Fit Official - Invidious

Jab koi insan bimar hota hai to to wo bimari ki wajah ko samajhne ke bajaye uski nazar hamesha dwa pe hoti hai jiska natija ye hota hai ki wo insan bimaari or dawa ke loop me phans jata hai 🔁 , ek traf se bimari chalti rehti hai or dusri traf se wo dwaiyan khate rehta hai , Yahi galati log zindagi ke har mamle me krte hai jiska ek suboot abhi pahalgam Attack me bhi dekhne ko mil rha hai
Masoomo par attack hua or logon ka sara dhayan bas ispe hai ki hume badla chahie lekin kya revenge lena hi kafi hoga ?, har bar hamare apne mare jate hain or hum khokhle revenge se khush hojate hain , is trah to hum Attack or revenge ke loop🔁me fans jaenge, attack hote rahenge or revenge ke nam ka lollipop hume milta rahega , lekin jo bunyadi sawaal hai us ka jawab kon dega ?, jis jagah Attack hua waha tk ek aam admi ko pahunchne me bhi 10 jagah check post pe roka jata hai use check kiya jata hai lekin ek atankwadi dusre desh se sarhad par kr ke hathyar ke sath bade aasani se hamare desh me ghus aata hai or fir Attack kr ke gayab bhi hojata hai jaise asman se tapka ho ,akhir sarkar is bat ka jawaab kyun nhi deti ki akhi aisa kaise hojata hai jab sara control aapke hath me hai to koi kaise desh ke ande ghus kr itne bade hamle ko anjam de deta hai?, jaha 2000 tourists maujood ho waha suraksha ke lie ek bhi sarkari jawan maujood na hona kis ki galati hai? jab pehle se khabar thi ki is jagah ke aapas attack hone ki sambhavna hai to suraksha ka sahi intezam kyun nhi kiya gaya, aise attack election ke kareeb aate hi kyun hone lagte hain, jaisa ki hum pehle bhi pulwama attack ke rup me dekh chuke hai, parliament ka mastermind afzal guru attack se pehle hi pakda jata hai lekin chahe pahalgam ho ya pulwama jab hamla aam logon par hota hai to ye attacker pakde kyun nhi jate ?, Akhir aise attack se fayda kiska hota hai?

agar pulwama attack ke time bhi Revenge lene ki bat krne se pehle log sarkar se bunyadi sawal ka javab mangne pe jyada jor dete to shayad aaj pahalgam me surakshabal jyada behtar tarike se taynat ki gayi hoti, atankwadi fir shasarhad ke ander na ghus pate or jo masoom jane gayi wo bachai ja sakti thi
Lekin hum log ko to bas dil ki bhdas nikalni hoti hai , asli gunahgar be khauf ghoom rhe hain or desh ke kone kone me log un musalmano ko pareshan kr rhe hain jiski koi galati hi nhi, jo khud bhi masoom per hue is hamle se utne hi dukhi hain jitne ke dusre dharm ke log lekin fir bhi unhe tang alag se kiya ja rha hai ,

sarkar bhi to yahi chahti hai ki logo ka sara focus badla lene par lag jaye kyunki isse unke lie apna maksood pura krna jyada aasan hojata hai , pehle logon me gusse ko bhadkao fir badla lene ke nam pe unka dil jito , issse vote bhi milenge kursi bhi bachegi or suraksha me hui laparavahi or kamiyon ka jawab bhi nhi dena padega,,,,, hum tamam desh wasiyo ko samajhna hoga ki masoomo ki jan ka badla hume jarur lena chahie lekin usse bhi jyada jaruri hai sarkaar ki un kamiyon ke bare me sawal krna jisse attacker itni aasani se hamare desh ke andar akhir kaise ghus ate hain?, age se aisa na ho uske lie sarkar kya prabandh kr rhi hai us bare me sawal krna , agar humne aisa na kiya to hum bs Attach or revenge ke loop🔁 me hi fas kar reh jaenge, Attack hote rahenge or har bar revenge ke nam ki lollipop hume milti rahegi, par desh ki surakshabal me koi sudhar nhi kiya jayega😑
Jai hind 🇮🇳