JP 💖 KPM

ആഴത്തിൽ ചിന്തിക്കുക 🤔🧐😱

1 year ago | [YT] | 2

JP 💖 KPM

കന്നഡ എഴുത്തുകാരി വത്സല ശ്രീഷയുടെ അച്ഛൻ എന്ന ചെറുകഥ യുടെ മലയാള പരിഭാഷ. ഇതു വായിച്ചപ്പോൾ മനസ്സ് തേങ്ങി.

≠≠=============================

അച്ഛന് പ്രായമായി തുടങ്ങിയിരുന്നു....

നടക്കുമ്പോൾ മതിലിലും, ഭിത്തിയിലും ഒക്കെ പിടിച്ചു നടക്കും...

തൽഫലമായി, അച്ഛൻ തൊടുന്നിടത്തെല്ലാം ചുവരുകൾ നിറം മങ്ങുകയും ചുവരുകളിൽ അച്ഛന്റെ വിരലടയാളം പതിയുകയും ചെയ്തു.

എന്റെ ഭാര്യ ഇത് കണ്ടുപിടിച്ചു... വൃത്തി പോയിയെന്ന് അവൾക്ക് മാത്രം തോന്നിയ ചുവരുകളെ കുറിച്ച് പലപ്പോഴും പരാതിപ്പെടുമായിരുന്നു...

ഒരു ദിവസം അച്ഛന് തലവേദന വന്നു. അത് അസഹ്യമായപ്പോൾ അദ്ദേഹം തലയിൽ കുറച്ച് എണ്ണ വച്ച് സ്വയം മസ്സാജ് ചെയ്തു... അതോടെ എണ്ണമയമുള്ള കൈ തൊട്ട് നടക്കുപ്പോൾ ചുവരുകളിൽ എണ്ണപ്പാടുകൾ പ്രത്യക്ഷമായി.. !

ഇതുകണ്ട് ഭാര്യ എന്നോട് നിലവിളിച്ചുപറഞ്ഞു, നടക്കുമ്പോൾ അച്ഛനോട് ചുവരുകളിൽ തൊടരുതെന്ന് പറയാൻ.. തുടർന്ന് ഞാൻ അച്ഛനോട് കയർക്കുകയും മോശമായി സംസാരിക്കുകയും ചെയ്യേണ്ടിവന്നു... അച്ഛൻ വേദനയോടെ എന്നെ നോക്കി.

എന്റെ പെരുമാറ്റത്തിൽ എനിക്ക് ലജ്ജ തോന്നി.. പക്ഷേ അച്ഛൻ ഒന്നും പറഞ്ഞില്ല.

പുറത്ത് നടക്കുന്നതിനിടയിൽ അച്ഛൻ മതിലിൽ പിടിച്ച് നിന്ന് കിതക്കുമായിരുന്നു. പിന്നെ ഒരു ദിവസം പിടിവിട്ട് താഴെ വീണു. കിടപ്പിലായ അദ്ദേഹം താമസിയാതെ ഞങ്ങളെ വിട്ടുപോയി.

പിന്നീട് പലപ്പോഴും എനിക്ക് കുറ്റബോധം തോന്നിതുടങ്ങി... അച്ഛന്റെ ഭാവങ്ങൾ ഒരിക്കലും എനിക്ക് മറക്കാൻ കഴിഞ്ഞില്ല... താമസിയാതെ അദ്ദേഹത്തിന്റെ വിയോഗം എനിക്ക് കൂടുതൽ വേദനയുണ്ടാക്കി.

കുറച്ച് കാലത്തിന് ശേഷം, വീട് പെയിന്റ് ചെയ്യണമെന്ന് ഞങ്ങൾ ആഗ്രഹിച്ചു. പെയിന്റ് ചെയ്യുന്നവർ വന്നപ്പോൾ, മുത്തച്ഛനെ കൂടുതൽ സ്നേഹിച്ചിരുന്ന എന്റെ മകൻ, അച്ഛന്റെ വിരലടയാളം വൃത്തിയാക്കാനും ആ ഭാഗങ്ങൾ മായ്ക്കാനും പെയിന്റ് ചെയ്യുന്നവരെ അനുവദിച്ചില്ല.

പെയിന്റ്ജോലിക്കാർ വളരെ നല്ലവരും ഐഡിയ ഉള്ളവരുമായിരുന്നു. അച്ഛന്റെ വിരലടയാളങ്ങൾ നിലനിർത്തികൊണ്ട് ഈ അടയാളങ്ങൾക്ക് ചുറ്റും മനോഹരമായ ഒരു വൃത്തം വരച്ച് തനതായ ഒരു ഡിസൈൻ അവർ സൃഷ്ടിച്ചു...

പിന്നീട്, അച്ഛന്റെ കൈമുദ്ര പതിഞ്ഞ ചുമരിലെ ആ ചിത്രകല ഞങ്ങളുടെ വീടിന്റെ ഹൈലൈറ്റായി മാറുകയും ചെയ്തു. ഞങ്ങളുടെ വീട് സന്ദർശിക്കുന്ന ഓരോ വ്യക്തിയും ഞങ്ങളുടെ അതുല്യമായ ആ രൂപകൽപ്പനയെ അഭിനന്ദിച്ചു.

കാലം ചെല്ലുന്തോറും എനിക്കും വയസ്സായി. ഇപ്പോൾ എനിക്ക് നടക്കാൻ മതിലിന്റെ താങ്ങ് ആവശ്യമായിരിക്കുന്നു. ഒരു ദിവസം നടക്കുമ്പോൾ അച്ഛനോടുള്ള എന്റെ ആ കയർത്ത വാക്കുകൾ പെട്ടെന്ന് എന്റെ ഓർമ്മയിലേക്ക് വന്നു...! ഉടനെ, മതിലിൽ പിടിക്കാതെ ഞാൻ നടക്കാൻ ശ്രമിച്ചു.

എന്റെ മകൻ ഇത് കാണുന്നുണ്ടായിരുന്നു.. അവൻ ഉടനെ എന്റെ അടുത്ത് വന്ന് നടക്കുമ്പോൾ മതിലുകളിൽ പിടിച്ചു നടക്കുവാൻ എന്നോട് ആവശ്യപ്പെട്ടു... ഞാൻ അവന്റെ കണ്ണുകളിലേക്ക് നോക്കി ഒരുനിമിഷം നിന്നു, നിശബ്ദമായി.. കണ്ണുകൾ നീരണിയുന്നത് അവൻ കാണാതിരിക്കാൻ ഞാൻ താഴേക്ക് നോട്ടം മാറ്റി...!

മതിലിന്റെ താങ്ങില്ലാതെ ഞാൻ ലേശം നടന്നു നോക്കി.. ഞാൻ വീഴുമോ എന്ന ആശങ്ക ഉണ്ടായപ്പോൾ, മകന്റെ കൈ എന്നെ ചേർത്തുപിടിക്കുന്നത് എനിക്ക് എന്റെ പുറത്ത് അനുഭവപ്പെട്ടു...

ഇതെല്ലാം കണ്ടുനിന്നിരുന്ന എന്റെ ചെറുമകൾ ഉടൻ തന്നെ മുന്നോട്ട് വന്ന്, അവളുടെ തോളിൽ കൈ വെച്ചു നടക്കാൻ സ്നേഹപൂർവ്വം എന്നോട് ആവശ്യപ്പെട്ടു... ഞാൻ ഏതാണ്ട് നിശ്ശബ്ദമായി ഉള്ളിൽ കരയാൻ തുടങ്ങി.

എന്റെ പിതാവിന് വേണ്ടി ഞാനും ഇതൊക്കെ ചെയ്തിരുന്നെങ്കിൽ, അദ്ദേഹം കുറേ നാൾ കൂടി ഞങ്ങളോടൊപ്പം ജീവിക്കുമായിരുന്നു എന്ന് എനിക്ക് തോന്നി...

കൊച്ചുമകൾ എന്നെ അകത്തേക്ക് കൂട്ടിക്കൊണ്ടുപോയി സോഫയിൽ ഇരുത്തി. എന്നിട്ട് എനിക്ക് കാണിച്ചു തരാൻ അവളുടെ ഡ്രോയിംഗ് ബുക്ക് എടുത്തു... ടീച്ചർ അവളുടെ ഡ്രോയിംഗിനെ അഭിനന്ദിക്കുകയും മികച്ച അഭിപ്രായങ്ങൾ നൽകുകയും ചെയ്തിരിക്കുന്നത് ഞാനതിൽ കണ്ടു..

ഞങ്ങളുടെ വീടിന്റെ ചുവരുകളിലെ അച്ഛന്റെ കൈമുദ്രയായിരുന്നു അവൾ ബുക്കിൽ വരച്ച രേഖാചിത്രം. അതിന് കീഴെ അവളുടെ അടികുറിപ്പ് ഇങ്ങനെ....

"എല്ലാ കുട്ടികളും മുതിർന്നവരെ ഒരേ രീതിയിൽ സ്നേഹിക്കട്ടെ..."

ഞാൻ തിരികെ എന്റെ മുറിയിൽ വന്ന് കരയാൻ തുടങ്ങി, ഇന്നില്ലാത്ത എന്റെ അച്ഛനോട് ഞാൻ ക്ഷമ ചോദിച്ചു. കാലത്തിനനുസരിച്ച് നാമും വൃദ്ധരാകുന്നു. നമുക്ക് നമ്മുടെ മുതിർന്നവരെ പരിപാലിക്കാം, നമ്മുടെ കുട്ടികളെയും അത് പഠിപ്പിക്കാം....

1 year ago | [YT] | 1

JP 💖 KPM

കവി ഒരു ഭ്രാന്തനോ /ഭ്രാന്തിയോ ആണെങ്കിൽ
അവന്റെ / അവളുടെ കാലിലെ ചങ്ങലകളെ
നിങ്ങൾ കവിതകളെന്ന് വിളിക്കരുത്.😭

അതെരിഞ്ഞുടഞ്ഞുപോയ അവന്റെ അബോധ
മനസ്സിന്റെ തീക്കണ്ണികളാണ്.!🔥🔥🔥

1 year ago | [YT] | 1

JP 💖 KPM

*ഒരു ​​മദ്യപാനിക്ക് മുമ്പിൽ 10 മിനിറ്റ് ഇരിക്കുക - ജീവിതം വളരെ എളുപ്പമാണെന്ന് നിങ്ങൾക്ക് അനുഭവപ്പെടും.*

*ഒരു സന്യാസിക്ക് മുന്നിൽ 10 മിനിറ്റ് ഇരിക്കുക - നിങ്ങൾക്ക് എല്ലാം ദാനധർമ്മമായി നൽകാൻ തോന്നും.*

*ഒരു ​​നേതാവിന്റെ മുമ്പിൽ 10 മിനിറ്റ് ഇരിക്കുക - നിങ്ങളുടെ എല്ലാ പഠനങ്ങളും ഉപയോഗശൂന്യമാണെന്ന് നിങ്ങൾക്ക് തോന്നും.*

*ലൈഫ് ഇൻഷുറൻസ് ഏജന്റിന്റെ മുന്നിൽ 10 മിനിറ്റ് ഇരിക്കുക - മരിക്കുന്നതാണ് നല്ലതെന്ന് നിങ്ങൾക്ക് തോന്നും.*

*വ്യാപാരികൾക്ക് മുമ്പില്‍ 10 മിനിറ്റ് ഇരിക്കുക - നിങ്ങളുടെ വരുമാനം വളരെ തുച്ഛമാണെന്ന് നിങ്ങൾക്ക് അനുഭവപ്പെടും.*

*ശാസ്ത്രജ്ഞരുടെ മുന്നിൽ 10 മിനിറ്റ് ഇരിക്കുക - നിങ്ങളുടെ സ്വന്തം അജ്ഞതയുടെ തീവ്രത നിങ്ങൾക്ക് അനുഭവപ്പെടും.*

*നല്ല അദ്ധ്യാപകർക്ക് മുന്നിൽ 10 മിനിറ്റ് ഇരിക്കുക - നിങ്ങൾക്ക് വീണ്ടും വിദ്യാർത്ഥിയാകാൻ ആഗ്രഹം തോന്നും.*

*ഒരു ​​കർഷകന്റെയോ തൊഴിലാളിയുടെയോ മുമ്പിൽ 10 മിനിറ്റ് ഇരിക്കുക - നിങ്ങൾ വേണ്ടത്ര കഠിനാധ്വാനം ചെയ്യുന്നില്ലെന്ന് നിങ്ങൾക്ക് അനുഭവപ്പെടും.*

*ഒരു ​​സൈനികന്റെ മുമ്പിൽ 10 മിനിറ്റ് ഇരിക്കുക - നിങ്ങളുടെ സ്വന്തം സേവനങ്ങളും ത്യാഗങ്ങളും നിസ്സാരമാണെന്ന് നിങ്ങൾക്ക് അനുഭവപ്പെടും.*

*ഒരു ​​നല്ല സുഹൃത്തിന്റെ മുന്നിൽ 10 മിനിറ്റ് ഇരിക്കുക - നിങ്ങളുടെ ജീവിതം സ്വർഗ്ഗമാണെന്ന് നിങ്ങൾക്ക് അനുഭവപ്പെടും!*

ഒടുവിൽ :

*ഭാര്യയുടെ മുന്നിൽ 10 മിനിറ്റ് ഇരിക്കൂ - ഭൂമിയിലെ ഏറ്റവും ഉപയോഗശൂന്യനായ വ്യക്തി നിങ്ങളാണെന്ന് നിങ്ങൾക്ക് തോന്നും*

😄😄😄

1 year ago | [YT] | 2

JP 💖 KPM

🖤💝ഇരുളിൽ തനിച്ചാക്കി..,
പോകുന്ന നിഴലിനെക്കാൾ...💖

💝ചിന്തകളിൽ ഭ്രാന്ത് പൂക്കുമ്പോൾ..,
കൂട്ടിനു വരുന്ന അക്ഷരങ്ങളോടാണ്..,
എന്റെ പ്രണയം...💖🖤

1 year ago | [YT] | 3

JP 💖 KPM

നല്ലവൻ/നല്ലവൾ
എന്ന പേര് സമ്പാദിക്കരുത്!!!😭

പിന്നീട്
ജീവിതകാലം മുഴുവനും
നല്ലവനായി അഭിനയിക്കേണ്ടി
വരും!!!🤔
മോശപ്പെട്ടവൻ, അല്ലേൽ ഭ്രാന്തൻ എന്ന പേരിൽ തന്നെ
ജീവിക്ക്!!!🧐

😍 നല്ലവനായി..🙄😏👍

1 year ago | [YT] | 4

JP 💖 KPM

ഭ്രാന്ത്‌ 🖤

പ്രണയവും💖 ഒരുതരം
ഭ്രാന്താണ്.

ഭ്രാന്ത് മനുഷ്യനെ
ചങ്ങലക്കിടും.

പ്രണയം😍 മനസ്സിനെയും....😡

1 year ago | [YT] | 2

JP 💖 KPM

നിങ്ങൾക്ക് എന്നെപ്പറ്റി എന്തെകിലും വിചാരം ഉണ്ടോ...?🙄
ഉച്ചക്ക് ഊണും കഴിഞ്ഞു ഹാളിൽ മൊബൈൽ നോക്കികിടക്കുമ്പോൾ അവളുടെ ശബ്ദം കേട്ടു തലയുർത്തി നോക്കി.....
"എന്താ ഇപ്പൊ അങ്ങനെ തോന്നാൻ..."

"നിങ്ങൾക്ക് എന്നോട് ഒരു സ്നേഹവും ഇല്ല.."
"നിങ്ങൾ ആളാകെ മാറിയിരിക്കുന്നു പണ്ടത്തെപ്പോലെ ഇപ്പൊ എന്നെ സ്നേഹിക്കുന്നില്ല.. "
ശടാ... എന്താപ്പോ പ്രശ്നം.... അത് പറ...
നാളെ എന്താന്ന് അറിയോ...
നാളെ.... നാളെ monday... അല്ലെ..
"അത് എനിക്കറിയാം അതല്ല ചോദിച്ചത് നാളത്തെ ദിവസത്തിന്റെ പ്രത്യേകത അറിയോ നിങ്ങൾക്ക്?"
"നാളെ നാളെ എന്താ ബന്താണോ .?"

"കുന്തം... ഇത് തന്നെ ഞാൻ പറഞ്ഞത് നിങ്ങൾക്ക് സ്നേഹം ഇല്ലാന്ന്..."
"നീ കാര്യം പറയ്... എന്താ..."

"നാളെ wedding aniversary ആണ് നമ്മളുടെ... അറിയോ...."
"ആ അതാണോ... അതിനിപ്പെന്താ...."
"ഒന്നും ഇല്ല അല്ലെ ... അല്ലെങ്കിലും ഈ ഭർത്താക്കന്മാരൊക്കെ ഇങ്ങനെയാ... എനിക്ക് എന്തെങ്കിലും ഗിഫിറ്റ് തന്നോ.. ചോദിച്ചോ എന്തെങ്കിലും വേണോ എന്ന്...
ഇല്ലോല്ലോ...?"
എടീ കല്യാണം കഴിഞ്ഞു 15 കൊല്ലം കഴിഞ്ഞു ഇനി ഇപ്പൊ... ഇതൊക്കെ ആര് നോക്കാൻ "
"നിങ്ങൾക്ക് എല്ലാതും നിസ്സാരം. മറക്കും . പെണ്ണുങ്ങൾ എല്ലാം ഓർത്തു വെക്കും...അറിയോ..."
ശരിയാണ് അവൾ പറഞ്ഞത്...എല്ലാ കാര്യങ്ങളും അവൾ ഓർത്തു വെക്കും... ഇതിൽ നിന്നു രക്ഷപെടാൻ എന്താ വഴി....
"അതെ നാളെയല്ലേ wedding ആനിവേഴ്സറി ഒക്കെ നിനക്കൊരു സർപ്രൈസ് തരാം.. നാളെയാകട്ടെ... "
ഇതുകേട്ടതും അവളുടെ മുഖം തുടുത്തു..
മുഖത്തു ചെറിയൊരു പുഞ്ചിരി വന്നു.
" എന്താ സർപ്രൈസ് "
"സർപ്രൈസ് നാളെ ഇപ്പോഴല്ല ok "
ഉം.. ശരി...
ഓഹ് ഒരുവിധം രക്ഷപെട്ടു .. എന്താണ് ഇതിൽ നിന്നും രക്ഷപെടാൻ ഒരു വഴി. മലർന്നും കമഴുന്നും കിടന്നു ആലോചിച്ചു..
അവസാനം ഒരു തീരുമാനത്തിൽ എത്തി....
ആദ്യം ഒരു നല്ല സാരി വാങ്ങാം പിന്നെ നാളെ അവൾ എണീക്കുന്നതിനെ മുമ്പേ തന്നെ രാവിലെത്തെയും ഉച്ചക്കും ഉള്ള food ഉണ്ടാക്കി ഞെട്ടിക്കാം... പ്രവാസി ആയതുകൊണ്ടു കിച്ചൻ പരിപാടി അറിഞ്ഞത് നന്നായി... അങ്ങനെ.. വൈകുന്നേരം പുറത്തു പോയി അവളറിയാതെ ഒരു സാരി വാങ്ങി വെച്ചു നാളെ കൊടുക്കാൻ.... 😀

അങ്ങനെ പുലർച്ചെ 4മണിക്ക് എന്നീട്ടു അവൾ അറിയാതെ പൂച്ചനടത്തം നടത്തി... അടക്കളയിൽ എത്തി..... പച്ചക്കറി നോക്കിയപ്പോൾ അതിൽ കറിവേപ്പില ഇല്ല
എന്തു ചെയ്യും.... വീടിന്റെ പടിഞ്ഞാറു ഭാഗത്തു മതിലിന്റെ അരികിൽ മരം ഉണ്ടല്ലോ.. ആ അതിൽ നിന്നു പറിക്കാം.. മെല്ലെ പതുക്കെ...പിന്നിലെ ഡോർ തുറന്നു മതിലിന്റെ അരികിൽ എത്തി... കുറച്ചു ഉയരം ഉണ്ട്.... മതിലിൽ കാലു വെച്ചു പൊട്ടിക്കാൻ നോക്കുമ്പോൾ പിന്നിൽ നിന്നും....അലർച്ഛ്

"അപ്പൊ ഇതാണ് നിങ്ങളുടെ പരിപാടി അല്ലെ എന്നെ ഒറക്കി കിടത്തി മതില് ചാട്ടം അല്ലെ.
എത്ര കാലായി തുടങ്ങീട്ട്.... സത്യം പറഞ്ഞോണം.. ഇതാണ് നിങ്ങളുടെ സർപ്രൈസ് അല്ലെ...ആരാ നിങ്ങൾക്ക് അവള്.. വെറുതെ അല്ല എന്നോട് സ്നേഹം ഇല്ലാത്തത്ത്...."

എടീ ഒന്ന് പതുക്കെ പറ നീ വിചാരിക്കുന്നപോലെ അല്ല നിനക്ക് സർപ്രൈസ് തെരാൻ വേണ്ടി....ഞാൻ....
മുഴുമിപ്പിക്കാൻസമ്മതിച്ചില്ല..അപ്പോയെക്കും
മുഖത്തിന് നേരെ എന്തോ വരുന്നതുമാത്രേ കണ്ടുള്ളു.... 🙄
പിന്നൊന്നും ഓർമയില്ല..🙄🙄🙄

1 year ago | [YT] | 4

JP 💖 KPM

*ഒരു ബോർഡ് ശ്രദ്ദിച്ചോ നമ്മെ കരയിപ്പിക്കുന്ന ബോർഡ്*

പഴവർഗ്ഗങ്ങൾ അടുക്കിവെച്ച ആ ഉന്തുവണ്ടിയിൽ‌ എല്ലാ പഴങ്ങളുടേയും വില എഴുതി വെച്ചിരുന്നു.
കൂടാതെ ഒരു കാർബോർഡിൽ വൃത്തിയായി‌ ഇങ്ങിനെ എഴുതിയിരുന്നു “പ്രായമുള്ള എന്റെ ഉമ്മ വീട്ടിൽ തനിച്ചാണ്,
ഉമ്മയെ പരിചരിക്കാൻ എനിക് ഇടക്കിടക്ക് വീട്ടിലേക്ക് പോകേണ്ടി വരുന്നു.
നിങ്ങൾക്ക് തിരക്കുണ്ടെങ്കിൽ
ആവശ്യമുള്ളത് തൂക്കിയെടുത്ത് തുക സൈഡിലുള്ള ചെറിയ പെട്ടിയിൽ ഇട്ടേക്കുക,
നിങ്ങളുടെ കൈയിൽ പണമില്ലെങ്കിൽ
എന്റെ വക ആവശ്യമുള്ളത് എടുത്ത് കൊള്ളുക"

അവൻ അങ്ങോട്ടുമിങ്ങോട്ടും നോക്കി
തുലാസിൽ ഓറഞ്ചും നേന്ത്രപ്പഴവും
തൂക്കിയെടുത്തു.
കാശിടാൻ പറഞ്ഞ പെട്ടി തുറന്ന്
നോക്കി.
അതിൽ നൂറിന്റേയും, അമ്പതിന്റേയും
മറ്റു നോട്ടുകളും വേറെയുമുണ്ടായിരുന്നു.
അവൻ തൂക്കിയെടുത്ത സാധനങ്ങളുടെ
വില നോക്കി കണക്ക് കൂട്ടി കാശ് പെട്ടിയിലിട്ടു.

ഫ്ലാറ്റിലെത്തിയ അവൻ
അനുജനോട്,
“ഞാൻ ഇപ്പോൾ വരാം"
എന്ന് പറഞ്ഞിറങ്ങി.
തിരിച്ചു വന്നപ്പോൾ അനുജൻ ചോദിച്ചു,
“എവിടെപ്പോയതാ ...”
“ഒരാൾക്ക് ഒരു സാധനം കൊടുക്കാൻ പോയതാണ്..”
പിന്നെ അവൻ പറഞ്ഞു,
“നമുക്ക് കുറച്ച് കഴിഞ്ഞ് ഒരിടം വരെ പോകണം,
ഞാൻ നിനക്ക് ഒരാളെ കാണിച്ചു തരാം”.

സന്ധ്യയായപ്പോൾ അനുജനേയും കൂട്ടി മാർക്കറ്റിൽ ചെന്നു.
ആ ഉന്തുവണ്ടിയുടെ കുറച്ചു ദൂരെ കാത്തിരുന്നു.
കുറച്ചു നേരം കഴിഞ്ഞപ്പോൾ
അവിടെ മദ്ധ്യവയസ്കനായ ഒരാൾ വന്നു.
താടി പകുതിയോളം നരച്ചിട്ടുണ്ട്
തുണിയും നീളം കുപ്പായവുമാണ് വേഷം.

അദ്ധേഹം വണ്ടി തള്ളി‌‌ പോകാനുള്ള ഒരുക്കത്തിലായിരുന്നു.
അവർ വേഗം നടന്നു അദ്ധേഹത്തിനരികിൽ എത്തി
അവരെ കണ്ടപ്പോൾ
പുഞ്ചിരിച്ച് കൊണ്ട് അദ്ധേഹം പറഞ്ഞു
“സർ,
എല്ലാം തീർന്നു‌‌ പോയല്ലൊ”.

പുഞ്ചിരിച്ച് കൊണ്ട് അവൻ പറഞ്ഞു
”സാരമില്ല”
“ഇക്കയുടെ പേരെന്താ?”
അദ്ധേഹം പറഞ്ഞു, “ഹുസൈൻ”
“ഇക്കയുടെ ഈ വണ്ടിയും ഈ
ബോർഡുമെല്ലാം?”
“എന്താ ഇക്കയുടെ കഥ?"

വണ്ടി തള്ളി നടക്കുന്നതിനിടയിൽ
അദ്ധേഹം പറഞ്ഞു..
“സർ,
കഴിഞ്ഞ ആറു വർഷമായി ഉമ്മ കിടപ്പിലാണ്"
“ഒന്നിനും കഴിയില്ല"
“ഇപ്പോൾ മാനസീകമായും ഉമ്മാക്ക്
ചില്ലറ പ്രയാസങ്ങളുണ്ട്"
“ഞാൻ ഉമ്മയുടെ ഒരേയൊരു മകനാ"
“എനിക്ക് മക്കളൊന്നുമില്ല"
“ഭാര്യ നേരത്തേ മരിച്ചു പോയി"
“ഉമ്മയ്ക്ക് വയ്യാണ്ടായപ്പോൾ എല്ലാവരും പറഞ്ഞതാ മറ്റൊരു കല്ല്യാണം കഴിക്കാൻ"
“ഞാൻ വേറെ കല്ല്യാണം കഴിച്ചില്ല,
എനിക്ക് പേടിയാ എന്റെ ഉമ്മയെ അവർ ശ്രദ്ധിച്ചില്ലെങ്കിലോ?”
“ഇപ്പോൾ ഞാനാണ് ഉമ്മയുടെ കാര്യങ്ങളെല്ലാം നോക്കുന്നത്”.

“പിന്നെ ഈ വണ്ടിയുടേയും ബോർഡിന്റേയും കഥ”
“ഉമ്മ കിടപ്പിലായി കുറച്ചു നാളുകൾക്ക് ശേഷം ഞാൻ ഒരു ദിവസം ഉമ്മയുടെ കാലുകൾ തടവി
കൊടുക്കുകയായിരുന്നു."
ഉമ്മയോട് പറഞ്ഞു,
“ഉമ്മാ..
എന്തെങ്കിലും പണിക്ക് പോകണമെന്നുണ്ട്,
കൈയിൽ ഒന്നുമില്ലുമ്മാ..,
ഉമ്മയാണെങ്കിൽ എന്നെ എവിടെയും പോകാൻ സമ്മതിക്കുന്നില്ലല്ലൊ..
ഞാൻ അടുത്തില്ലെങ്കിൽ ഉമ്മയ്ക്ക് പേടിയാകുന്നു എന്നല്ലേ ഉമ്മ പറയുന്നത്?"
“ഞാൻ എന്താണുമ്മ ചെയ്യേണ്ടത്?"
“ഉമ്മ തന്നെ പറ"
“വെറുതെയിരുന്നാൽ നമ്മുടെ ചിലവിനും,
ഉമ്മയുടെ മരുന്നിനുമെല്ലാം എവിടുന്നാണുമ്മാ കാശ് കിട്ടുക?".

ഒരു ഭാഗം തളർന്നു പോയ മുഖം കൊണ്ട് ഉമ്മ പുഞ്ചിരിക്കാൻ ശ്രമിച്ചു.
ചെറുതായി ഉയർത്താൻ കഴിയുമായിരുന്ന ഒരു കൈ വിറച്ചു കൊണ്ട് മുകളിലോട്ടുയർത്തി
കണ്ണുകൾ നിറഞ്ഞു
ഉമ്മ എന്തോ പ്രാർത്ഥിക്കുന്നത് പോലെ തോന്നി
മറ്റുള്ളവർക്ക് മനസ്സിലാക്കാൻ സാധിക്കില്ലെങ്കിലും എനിക്ക് മനസ്സിലാകുമായിരുന്നു ഉമ്മയുടെ സംസാരം.

പ്രാർഥനയ്ക്ക് ശേഷം ഉമ്മ പറഞ്ഞു.
“നീ ഒരു ഉന്തുവണ്ടിയിൽ
പഴങ്ങളും മറ്റും കൊണ്ട് പോയി
വില എഴുതി അവിടെ ഒരു ബോർഡും എഴുതി രാവിലെ കവലയിൽ കൊണ്ട് പോയി വെച്ചേക്ക്
രാത്രി പോയി എടുത്ത് കൊണ്ടു വന്നോളൂ..
*അല്ലാഹു* നമ്മെ വിഷമിപ്പിക്കില്ല"

ഞാൻ പറഞ്ഞു,
“ഉമ്മ എന്താണ് ഈ പറയുന്നത് അങ്ങിനെ അവിടെ വെച്ചാൽ സാധനവും ഉണ്ടാകില്ല കാശും ഉണ്ടാകില്ല”
“അങ്ങനെ ആരാ ഉമ്മാ സാധനങ്ങൾ തൂക്കിയെടുക്കാനും പൈസ കണക്കാക്കി
പെട്ടിയിലിടാനൊക്കെ തയ്യാറാവുക?"

ഉമ്മ പറഞ്ഞു,
“നീ ഞാൻ പറഞ്ഞത് അനുസരിച്ചാൽ മതി..
നിനക്ക് ഒരു നഷ്ടവും ഉണ്ടാകില്ല"

“സാർ ഉമ്മ ആ പറഞ്ഞിട്ട് ആറു വർഷത്തോളമായി..
ഉമ്മ പറഞ്ഞതനുസരിച്ച് വണ്ടിയിൽ
സാധനങ്ങൾ നിറച്ച് അതിരാവിലെ
കവലയിൽ കൊണ്ട് വെക്കുന്നു.
രാത്രിയിൽ തിരിച്ച് കൊണ്ട് വരുന്നു.
ഇതേ കച്ചവടം ചെയ്യുന്ന ഒരു കൂട്ടുകാരൻ
എല്ലാ ദിവസവും എനിക്കാവശ്യമുള്ള സാധനങ്ങൾ മാർക്കറ്റിൽ നിന്നും വാങ്ങി വീട്ടിൽ കൊണ്ട് വന്ന് തരുന്നു”

“എപ്പോഴും കണക്ക് കൂട്ടി നോക്കുമ്പോൾ
കാശ് കൂടുതലാണ് എനിക്ക് ലഭിക്കുന്നത്."
ആളുകൾ സാധനത്തിന്റെ വിലയേക്കാൾ കൂടുതൽ ആ പെട്ടിയിലിടുന്നു.
പലപ്പോഴും ചെറിയ തുണ്ടു കടലാസുകളും ഉണ്ടാവാറുണ്ട്
പെട്ടിയിൽ “പ്രാർത്ഥിക്കണം,
ഉമ്മയോട് പ്രാർത്ഥിക്കാൻ പറയണം
എന്നിങ്ങനെ എഴുതിയ തുണ്ടു കടലാസുകൾ"

കുറച്ചു ദിവസം മുമ്പ് ആരോ ഭക്ഷണം ആ പെട്ടിക്കരികിൽ വെച്ചിട്ട് പോയിരുന്നു
അതിനു മുകളിൽ എഴുതി വെച്ചിരുന്നു
“പ്രിയപ്പെട്ട ഉമ്മയ്ക്കും മകനും വേണ്ടി"
എന്ന്.

മറ്റൊരു ദിവസം ഒരു മോബൈൽ നമ്പർ എഴുതിയ കടലാസായിരുന്നു
അതിലെഴുതിയിരുന്നു,
“അങ്കിൾ,
ഉമ്മയെ ഹോസ്പിറ്റലിലോ മറ്റോ കൊണ്ട് പോകണമെങ്കിൽ ഈ നമ്പറിൽ വിളിച്ചോളു ഞാൻ വന്ന് കൊണ്ട് പോകാം”

മറ്റൊരു ദിവസം ഒരു മെഡിക്കൽ സ്റ്റോറുകാരൻ നമ്പർ എഴുതി വെച്ചിരുന്നു.
“ഉമ്മയ്ക്ക് മരുന്നുകൾ വല്ലതും ആവശ്യമുണ്ടെങ്കിൽ വിളിക്കണം,
കാശൊന്നും വേണ്ട,ഞാൻ എത്തിച്ചോളാം"

മറ്റൊരു ദിവസം ഉമ്മയ്ക്കാണെന്ന് പറഞ്ഞ് നല്ല ഒരു പർദ്ദ ആരോ വെച്ച് പോയിരുന്നു.
അങ്ങനെ ഇടക്കിടക്കുള്ള ദിവസങ്ങളിൽ എന്തെങ്കിലുമായിട്ടുണ്ടാകും.

പറഞ്ഞു നിർത്തി
ഒരു പ്ലാസ്റ്റിക് കവർ തുറന്നു
അദ്ധേഹം പറഞ്ഞു
“ഇത് നോക്കിയേ സർ"
ഇന്ന് ആരോ കൊണ്ട് വെച്ചതാ
മുന്തിയ തരം ഈത്തപ്പഴം..
റമദാൻ മാസമല്ലെ
നോമ്പ് തുറക്കുമ്പോൾ
ഇത് കൊണ്ട് തുറന്നോട്ടേന്ന് കരുതി
ആരോ കൊണ്ട് വെച്ച് പോയതാ.."
അത് പറഞ്ഞു അദ്ധേഹം പുഞ്ചിരിക്കുന്നത് കണ്ടപ്പോൾ
അവന് ഏറെ സന്തോഷം തോന്നി.

അദ്ധേഹത്തോട് യാത്ര പറഞ്ഞ്
തിരിച്ചു നടക്കുന്നതിനിടയിൽ
അനുജൻ ചോദിച്ചു
“ഇക്കാ..
ആ ഈത്തപ്പഴം, ഇക്കാ?"
അതെ എന്നർത്ഥത്തിൽ
അവൻ അനുജനെ നോക്കി തലായാട്ടി പുഞ്ചിരിച്ചു.
“അതിന്റെ പ്രതിഫലം
മരിച്ചു പോയ നമ്മുടെ ഉമ്മയ്ക്ക് ലഭിക്കുമായിരിക്കും അല്ലെ ഇക്കാ"
അത് പറയുമ്പോൾ അവന്റെ‌ കണ്ണുകൾ
നിറഞ്ഞിരുന്നു

1 year ago | [YT] | 5

JP 💖 KPM

അച്ഛൻ കുടി നിർത്തിയപ്പോൾ

ആദ്യമറിഞ്ഞത്

അടുക്കളയിലെ പാത്രങ്ങളാണ്.

ഈയിടെയവ തറയിലടിച്ച്

കലപില കൂടാറില്ല

മൺചട്ടികൾ ചുവരിൽ തലയടിച്ച്

ചിതറി മരിക്കാറില്ല

കുടി നിർത്തി

ആറുമാസത്തിനുള്ളിൽ

അമ്മയുടെ കറുത്ത താലിച്ചരട്

തിളങ്ങുന്ന മഞ്ഞയായി മാറി

അമ്മ ചിരിക്കില്ലെന്ന്

ആരാണ് നുണ പറഞ്ഞത്?

കോളേജ്കാലത്തെ

അമ്മയുടെ

ഗ്രൂപ്പ് ഫോട്ടോയിലെ മനോഹരമായ ചിരി

ഞാനിപ്പോ സ്ഥിരമായി കാണാറുണ്ടല്ലോ!

എല്ലാ മഴക്കാലത്തും

നനഞ്ഞൊലിച്ചിരുന്ന മേൽക്കൂര

ഇപ്പോൾ ചോർന്നൊലിക്കാറില്ല

പലചരക്കു കടക്കാരൻ

ശശിച്ചേട്ടൻ

കറുത്ത മുഖവുമായി

അച്ഛനെ തിരക്കിവരാറില്ല

പാൽക്കാരന്റെ മുഖത്തുമുണ്ട്

ഒരു വെളുത്ത പാൽപ്പുഞ്ചിരി

സന്ധ്യകളിൽ

കറുത്തിരുണ്ട എന്റെ വീട്ടിൽ

ആരോ വെള്ളച്ചായം പൂശിയിരിക്കുന്നു

ദുരന്തകാവ്യങ്ങൾ മുഴങ്ങിയിരുന്ന

അടുക്കളയിൽ നിന്ന്

അമ്മ

എൺപതുകളിലെ

പ്രണയഗാനങ്ങൾ മൂളുന്നുണ്ട്

മീശ കറുപ്പിച്ചും

മുടി ഡൈ ചെയ്തും

പത്തുവയസ്സു കുറച്ച അച്ഛനെ

വട്ടമിട്ടു കളിയാക്കലാണ്

എന്റെയും പെങ്ങളുടെയും

ഇപ്പോഴത്തെ ഇഷ്ടവിനോദം

മേക്കപ്പ് വെറുപ്പായിരുന്ന അമ്മ

ഈയിടെ

ഒളിച്ചിരുന്ന് മുഖത്ത്

രക്തചന്ദനം തേക്കുന്നത്

ഞാനെന്റെ കണ്ണുകൊണ്ടു കണ്ടു

ഗൃഹനാഥൻ

കുടി നിർത്തിയാൽ

വീടാകെ ചിരിക്കുമെന്ന്

ആരോ പറഞ്ഞത് സത്യമാണല്ലേ!

ദാ... ഇപ്പൊ വാടിയ വാഴത്തോപ്പ് പോലും

പച്ചയില കാട്ടി ചിരിക്കുകയാണ്

1 year ago | [YT] | 6