The Rural Education Society
Welcome to the Official YouTube Channel of RES Group of Institutions, Kanakapura
At RES Group of Institutions, we are committed to providing quality education and shaping future leaders. Our institutions offer a complete educational journey, from Boys' & Girls' Schools to Pre-University (PUC), Undergraduate (Degree), and Postgraduate & Professional Programs, including MBA and B.Ed.
Subscribe to our channel to stay connected with:
*Campus news and highlights
*Student achievements and success stories
*Educational seminars and workshops
*Cultural and co-curricular events
*Academic updates and admission information
*Join us and be a part of the RES family as we inspire learning, leadership, and excellence.
The Rural Education Society
ಗಾಂಧಿ ಜಯಂತಿ ಅಂಗವಾಗಿ 'ದಿ ರೂರಲ್ ಕಾಲೇಜ್' ವತಿಯಿಂದ ವಿಶೇಷ ಸೇವಾ ಕಾರ್ಯಕ್ರಮ
ಮಹಾತ್ಮ ಗಾಂಧಿ ಹಾಗೂ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಜಯಂತಿ ಅಂಗವಾಗಿ, ಕನಕಪುರದ 'ದಿ ರೂರಲ್ ಕಾಲೇಜಿ'ನ NSS ಘಟಕ ಹಾಗೂ NCC ವಿಭಾಗದ ವತಿಯಿಂದ ಅರ್ಥಪೂರ್ಣ ಸೇವಾ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
ನಮ್ಮ ಕಾಲೇಜಿನ NSS ಸ್ವಯಂಸೇವಕರು ಮತ್ತು NCC ಕೆಡೆಟ್‌ಗಳ ತಂಡವು ಸರ್ಕಾರಿ ಆಸ್ಪತ್ರೆ, ಹೆರಿಗೆ ಆಸ್ಪತ್ರೆ ಹಾಗೂ 'ತಿಮ್ಮೂರುತಿ ಗ್ರಾಮೀಣಾಭಿವೃದ್ಧಿ ಪುನರ್ವಸತಿ ಕೇಂದ್ರ'ಕ್ಕೆ ಭೇಟಿ ನೀಡಿ ರೋಗಿಗಳಿಗೆ ಹಾಗೂ ನಿವಾಸಿಗಳಿಗೆ ಹಣ್ಣು ಮತ್ತು ಉಪಹಾರ ವಿತರಿಸಿ ಪ್ರೀತಿ ಹಂಚಿದರು.
ಈ ಮಾನವೀಯ ಸೇವಾ ಕಾರ್ಯದಲ್ಲಿ ಆರ್ಇಎಸ್ ನಿರ್ದೇಶಕರಾದ ಶ್ರೀ ನಾಗರಾಜ್, ಪ್ರಾಂಶುಪಾಲರಾದ ಡಾ. ಕೆಂಪೇಗೌಡ, ಉಪ-ಪ್ರಾಂಶುಪಾಲರಾದ ಡಾ. ಎಚ್. ಬಿ. ಅಪ್ಪಾಜಿ ಹಾಗೂ ಕಾಲೇಜಿನ ಪ್ರಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.
#gandhiJayanti #servicetomankind #theruralcollege #kanakapura #NSS #NCC #communityservice #nss #ncc #ruraleducationsocity #res
12 hours ago | [YT] | 2
View 0 replies
The Rural Education Society
ಗ್ರಾಮ ವಿದ್ಯಾ ಪ್ರಚಾರಕ ಸಂಘದಲ್ಲಿ ಮಹಾತ್ಮ ಗಾಂಧಿ ಹಾಗೂ ಲಾಲ್ ಬಹುದ್ದೂರ್ ಶಾಸ್ತ್ರಿ ಅವರ ಜನ್ಮದಿನಾಚರಣೆಯ ಕಾರ್ಯಕ್ರಮ...
ಗ್ರಾಮ ವಿದ್ಯಾ ಪ್ರಚಾರಕ ಸಂಘ ಹಾಗೂ ಅಂಗ ಸಂಸ್ಥೆಗಳ ಆಶ್ರಯದಲ್ಲಿ ಮಹಾತ್ಮ ಗಾಂಧೀಜಿಯವರ 157ನೇ ಜನ್ಮದಿನಾಚರಣೆ ಹಾಗೂ ಲಾಲ್ ಬಹುದ್ದೂರ್ ಶಾಸ್ತ್ರಿ ಅವರ ಜನ್ಮದಿನಾಚರಣೆಯನ್ನು ಅತ್ಯಂತ ಶ್ರದ್ಧಾ-ಭಕ್ತಿಯಿಂದ ಆಚರಿಸಲಾಯಿತು.
ಕಾರ್ಯಕ್ರಮದಲ್ಲಿ ಲಾಲ್ ಬಹುದ್ದೂರ್ ಶಾಸ್ತ್ರಿ ಅವರ ಕುರಿತು ಸಂಸ್ಥೆಯ ನಿರ್ದೇಶಕರಾದ ಎಂ. ಎಲ್. ಶಿವಕುಮಾರ್ ಅವರು ಹಾಗೂ ಮಹಾತ್ಮ ಗಾಂಧೀಜಿಯವರ ಕುರಿತು ಪಾರ್ಥ ಸಾರಥಿ ಅವರು ಅತ್ಯುತ್ತಮ ಉಪನ್ಯಾಸ ನೀಡಿದರು.
ಸಮಾರಂಭದಲ್ಲಿ ಉಪಸ್ಥಿತರಿದ್ದ ಗಣ್ಯರು:
• ಶ್ರೀ ಪುಟ್ಟಸ್ವಾಮಿ – ಕಾರ್ಯದರ್ಶಿಗಳು, ಗ್ರಾಮ ವಿದ್ಯಾ ಪ್ರಚಾರಕ ಸಂಘ
• ಶ್ರೀ ಎಂ. ಎಲ್. ಶಿವಕುಮಾರ್ – ನಿರ್ದೇಶಕರು
• ಶ್ರೀ ಕೆ. ಬಿ. ನಾಗರಾಜು – ನಿರ್ದೇಶಕರು
• ಡಾ. ಎಂ. ಎಸ್. ಕೆಂಪೇಗೌಡ – ಪ್ರಾಂಶುಪಾಲರು, ರೂರಲ್ ಕಾಲೇಜು
• ಶ್ರೀ ರುದ್ರೇಶ್ – ಪ್ರಾಂಶುಪಾಲರು, ಪಿಯು ಕಾಲೇಜು
• ಟಿ ಕೆ ಸಿದ್ದರಾಮೇ ಗೌಡ – ಡೀನ್, (ಕೃಷಿ )
• ಡಾ. ಟಿ. ಬಿ ಪುಟ್ಟರಾಜು - ಪ್ರಾಧ್ಯಾಪಕರು ಹಾಗೂ ಆಡಳಿತಧಿಕಾರಿ (ಎಸ್. ಕರಿಯಪ್ಪ ಕೃಷಿ ಕಾಲೇಜು)
ಸಂಸ್ಥೆಯ ನೂರಾರು ವಿದ್ಯಾರ್ಥಿಗಳು ಹಾಗೂ ಶಿಕ್ಷಕ-ಶಿಕ್ಷಕೇತರ ಸಿಬ್ಬಂದಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.
#ruraleducationsociety #res #ruralcollegekanakapura
#gandhijayanti #lalbahadurshastri #collegeevents #campuslife #inspiration
12 hours ago | [YT] | 1
View 0 replies
The Rural Education Society
CoSol Foundation ನಿಂದ 25 ಲಕ್ಷ ಮೌಲ್ಯದ ಡೆಸ್ಕ್ & ಉಚಿತ ಲ್ಯಾಪ್‌ಟಾಪ್ ವಿತರಣೆ...
ರೂರಲ್ ಎಜುಕೇಶನ್ ಸೊಸೈಟಿಯ ಅಂಗ ಸಂಸ್ಥೆಯಾದ ರೂರಲ್ ಪದವಿ ಪೂರ್ವ ಕಾಲೇಜಿನಲ್ಲಿ ದಿನಾಂಕ 26.09.2026 ಶನಿವಾರದಂದು ಅರ್ಥಪೂರ್ಣ ಕಾರ್ಯಕ್ರಮ ಜರುಗಿತು.
ಬೆಂಗಳೂರಿನ CoSol Foundation ಸಂಸ್ಥೆಯ ಮುಖ್ಯಸ್ಥರಾದ ಗೌರವಾನ್ವಿತ ಶ್ರೀ ನರಸಿಂಹಮೂರ್ತಿ ಯವರು ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ 25 ಲಕ್ಷ ರೂಪಾಯಿ ಮೌಲ್ಯದ 250 ಬೆಂಚ್ ಹಾಗೂ ಡೆಸ್ಕ್‌ಗಳನ್ನು ಉಚಿತವಾಗಿ ನೀಡಿದ್ದಾರೆ.
ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಗೌರವ: 2025-26ನೇ ಸಾಲಿನ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಅತ್ಯುನ್ನತ ಶ್ರೇಣಿ (Distinction) ಪಡೆದ 12 ವಿದ್ಯಾರ್ಥಿಗಳಿಗೆ ಉಚಿತ ಲ್ಯಾಪ್‌ಟಾಪ್ ವಿತರಿಸಲಾಯಿತು.
100% ಫಲಿತಾಂಶ ತಂದುಕೊಟ್ಟ ಹೆಮ್ಮೆಯ ಉಪನ್ಯಾಸಕರಾದ ಶ್ರೀ ದೇವರಾಜು ಸಿ.ವಿ (ಭೂಗೋಳ ಶಾಸ್ತ್ರ), ಶ್ರೀಮತಿ ಮಂಜುಳಾ ಎಂ.ಕೆ (ಸಮಾಜಶಾಸ್ತ್ರ) ಹಾಗೂ ಶ್ರೀಮತಿ ಕವಿತಾ ಬಿ.ಕೆ (ಐಚ್ಛಿಕ ಕನ್ನಡ) ಅವರಿಗೆ ತಲಾ ಒಂದೊಂದು ಉಚಿತ ಲ್ಯಾಪ್‌ಟಾಪ್ ನೀಡಿ ಗೌರವಿಸಲಾಯಿತು.
ವಿಜ್ಞಾನ ವಿಭಾಗದ BASE ತರಗತಿಗಳ ವಿದ್ಯಾರ್ಥಿಗಳಿಗೆ ಪ್ರತಿವರ್ಷ 25 ಲಕ್ಷ ರೂಪಾಯಿಗಳ ಪ್ರೋತ್ಸಾಹಧನ ನೀಡುತ್ತಿರುವ ಶ್ರೀ ನರಸಿಂಹಮೂರ್ತಿಯವರು, ಮುಂದಿನ ಶೈಕ್ಷಣಿಕ ಸಾಲಿನಲ್ಲಿ 90% ಕ್ಕಿಂತ ಹೆಚ್ಚು ಅಂಕ ಪಡೆಯುವ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಉಚಿತ ಲ್ಯಾಪ್‌ಟಾಪ್ ನೀಡುವುದಾಗಿ ಭರವಸೆ ನೀಡಿದ್ದಾರೆ.
ಕಾರ್ಯಕ್ರಮದಲ್ಲಿ ನಮ್ಮ ಸಂಸ್ಥೆಯ ಅಧ್ಯಕ್ಷರಾದ ಡಾ. ಹೆಚ್. ಕೆ. ಶ್ರೀಕಂಠ , ಕಾರ್ಯದರ್ಶಿಯಾದ ಶ್ರೀ ಪುಟ್ಟಸ್ವಾಮಿ, ಖಜಾಂಚಿ ಶ್ರೀ ಮಂಜುನಾಥ್, ನಿರ್ದೇಶಕರಾದ ಶ್ರೀ ಎಮ್. ಎಲ್. ಶಿವಕುಮಾರ್, ಶ್ರೀ ಸೇರಿದಂತೆ ಪಿ ರೂರಲ್ ಪದವಿ ಪೂರ್ವ ಕಾಲೇಜಿನ ಆಡಳಿತ ಮಂಡಳಿಯ ಎಲ್ಲಾ ಪದಾಧಿಕಾರಿಗಳು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಗಳು ಉಪಸ್ಥಿತರಿದ್ದರು.
#ruralpucollege #kanakapura #ruraleducationsocity #res #drhksrikanta #cosolfoundation #education #laptopdistribution #ruraleducationsociety #studentsachievement #puc2026 #collegenews
5 days ago | [YT] | 8
View 0 replies
The Rural Education Society
ಆರ್ಇಎಸ್ (RES) ಮತ್ತು ಎಸ್‌ಜಿಆರ್‌ಎಎಮ್ (SGRAM) ಫೌಂಡೇಷನ್ ಸಂಸ್ಥೆಗಳ ಜಂಟಿ ಸಹಭಾಗಿತ್ವ..
ನಮ್ಮ ಆರ್ಇಎಸ್ ಸಾತನೂರು ಕ್ಯಾಂಪಸ್‌ನಲ್ಲಿ ವಿದ್ಯಾರ್ಥಿಗಳು ಹಾಗೂ ಗ್ರಾಮೀಣ ಯುವಜನರ ಉದ್ಯೋಗಾವಕಾಶಗಳನ್ನು ಹೆಚ್ಚಿಸಲು ಮತ್ತು ಆಧುನಿಕ ತರಬೇತಿ ನೀಡಲು SGRAM Foundation ಸಂಸ್ಥೆಯೊಂದಿಗೆ ಮಹತ್ವದ ತಿಳುವಳಿಕಾ ಒಪ್ಪಂದಕ್ಕೆ (MoU) ಸಹಿ ಹಾಕಲಾಗಿದೆ..
ಈ ಐತಿಹಾಸಿಕ ಸಹಭಾಗಿತ್ವದ ಭಾಗವಾಗಿ SGRAM Foundation ನಿರ್ದೇಶಕರಾದ ಶ್ರೀ ಪುಷ್ಟರಾಜ್ ಕೌಲಗುಡ್ ಮತ್ತು ಅವರ ತಂಡವು ಸಾತನೂರು ಕ್ಯಾಂಪಸ್‌ಗೆ ಭೇಟಿ ನೀಡಿ, ಮುಂಬರುವ ಕೌಶಲ್ಯಾಭಿವೃದ್ಧಿ ಕೇಂದ್ರದ (Skill Development Centre) ಯೋಜನೆಯನ್ನು ಪರಿಶೀಲಿಸಿದರು.
ಈ ಕೇಂದ್ರದ ಪ್ರಮುಖ ಉದ್ದೇಶಗಳು:
ಬೆಳೆಯುತ್ತಿರುವ ಉದ್ಯೋಗ ಮಾರುಕಟ್ಟೆಗೆ ತಕ್ಕಂತೆ practical training ಮತ್ತು ಕೌಶಲ್ಯ ಮೇಲ್ದರ್ಜೆಗೇರಿಸುವಿಕೆ.
ವಿದ್ಯಾರ್ಥಿಗಳಲ್ಲಿ ಸ್ವಯಂ ಉದ್ಯೋಗ / ಉದ್ಯಮಶೀಲತೆ (Entrepreneurship) ಮತ್ತು ವೃತ್ತಿಜೀವನದ ಬೆಳವಣಿಗೆಗೆ ಬೆಂಬಲ.
ಗ್ರಾಮೀಣ ಭಾಗದ ಯುವಜನತೆಗೆ ಉದ್ಯೋಗಾರ್ಹತೆ ಹೆಚ್ಚಿಸುವ ಅತ್ಯಾಧುನಿಕ ಅವಕಾಶಗಳನ್ನು ಹತ್ತಿರ ತರುವುದು.
ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದವರು:
Dr. H. K. Srikanta (ಅಧ್ಯಕ್ಷರು, RES), ಶ್ರೀ ಪುಟ್ಟಸ್ವಾಮಿ (ಕಾರ್ಯದರ್ಶಿಗಳು), ಶ್ರೀ ಮಂಜುನಾಥ್ (ಖಜಾಂಚಿಗಳು), ಶ್ರೀ M. L. Shivakumar (ನಿರ್ದೇಶಕರು), ಶ್ರೀ ನಾಗರಾಜು ಹಾಗೂ SGRAM Foundation ತಂಡದ ಪ್ರತಿನಿಧಿಗಳು.
ನಮ್ಮ ಯೂಟ್ಯೂಬ್ ಕುಟುಂಬದ ಪ್ರತಿಯೊಬ್ಬರಿಗೂ ಈ ಸಂತಸದ ವಿಷಯವನ್ನು ಹಂಚಿಕೊಳ್ಳಲು ಹೆಮ್ಮೆ ಎನಿಸುತ್ತಿದೆ. ಶಿಕ್ಷಣ, ನಾವೀನ್ಯತೆ ಹಾಗೂ ಸಮುದಾಯದ ಸಬಲೀಕರಣಕ್ಕೆ ನಮ್ಮ ಆರ್ಇಎಸ್ ಸಂಸ್ಥೆ ಸದಾ ಬದ್ಧವಾಗಿದೆ.
1 week ago | [YT] | 2
View 0 replies
The Rural Education Society
ದಿ ಭಾರತ್ ಕೋ-ಆಪರೇಟಿವ್ ಸೊಸೈಟಿ (ರಿ) ಹಾಗೂ ಸಹಕಾರ ರತ್ನ ಶ್ರೀ ಬಿ. ಎಲ್. ಲಕ್ಕೇಗೌಡ ಪ್ರತಿಷ್ಠಾನದ ವತಿಯಿಂದ...
ನಮ್ಮ RES ಸಂಸ್ಥೆಯ ಗೌರವಾನ್ವಿತ ಅಧ್ಯಕ್ಷರಾದ ಡಾ. ಹೆಚ್. ಕೆ. ಶ್ರೀಕಂಠ ಅವರಿಗೆ ಪ್ರತಿಷ್ಠಿತ "ಶ್ರೀ ಬಿ. ಎಲ್. ಲಕ್ಕೇಗೌಡ ಪ್ರಶಸ್ತಿ" ಲಭಿಸಿರುವುದು ನಮ್ಮೆಲ್ಲರಿಗೂ ಅತ್ಯಂತ ಹೆಮ್ಮೆಯ ಮತ್ತು ಸಂತಸದ ವಿಷಯ..
ನಮ್ಮ ಸಂಸ್ಥೆಯನ್ನು ಯಶಸ್ಸಿನ ಹಾದಿಯಲ್ಲಿ ಮುನ್ನಡೆಸುತ್ತಿರುವ ಶ್ರೀಯುತರಿಗೆ, ಸಂಸ್ಥೆಯ ಆಡಳಿತ ಮಂಡಳಿ, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿವರ್ಗ ಹಾಗೂ ವಿದ್ಯಾರ್ಥಿ ವೃಂದದ ಪರವಾಗಿ ಹೃದಯಪೂರ್ವಕ ಅಭಿನಂದನೆಗಳು ಹಾಗೂ ಗೌರವದ ಶುಭಾಶಯಗಳು..
ಇವರ ಸಾಧನೆ ಮತ್ತು ಮಾರ್ಗದರ್ಶನ ನಮ್ಮ ಸಂಸ್ಥೆಗೆ ಸದಾ ಸ್ಪೂರ್ತಿಯಾಗಿರಲಿ...💐
#ruraleducationsocity #res #ruralcollegekanakapura #kanakapura #drhksrikanta
2 weeks ago | [YT] | 7
View 0 replies
The Rural Education Society
ಆರ್.ಇ.ಎಸ್. ಅಂಗಳದಲ್ಲಿ ರಾಜ್ಯ ಮಟ್ಟದ ಕ್ರೀಡಾ ಸಂಭ್ರಮ! | ಶೀಘ್ರವೇ ಮರಳವಾಡಿಯಲ್ಲಿ ಕೃಷಿ ಕಾಲೇಜಿನ ನೂತನ ಕಟ್ಟಡ ಪ್ರಾರಂಭ
ನಮ್ಮ ಆರ್.ಇ.ಎಸ್. (RES) ಕ್ರೀಡಾಂಗಣದಲ್ಲಿ 'ಶ್ರೀ ಎಸ್. ಕರಿಯಪ್ಪ ಕೃಷಿ ಮಹಾವಿದ್ಯಾಲಯ' ಹಾಗೂ ಬೆಂಗಳೂರು ಕೃಷಿ ವಿಶ್ವವಿದ್ಯಾಲಯದ ಜಂಟಿ ಸಹಯೋಗದಲ್ಲಿ ಪುರುಷ ಮತ್ತು ಮಹಿಳೆಯರ ವಾಲಿಬಾಲ್ ಹಾಗೂ ಟೇಬಲ್ ಟೆನಿಸ್ ಪಂದ್ಯಾವಳಿಯನ್ನು ವಿಜೃಂಭಣೆಯಿಂದ ಉದ್ಘಾಟಿಸಲಾಯಿತು.
ಪ್ರಮುಖ ಮುಖ್ಯಾಂಶಗಳು...
ಕರಿಯಪ್ಪನವರ ಕನಸು ನನಸು:
ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಸಂಸ್ಥೆಯ ಅಧ್ಯಕ್ಷರಾದ ಡಾ. ಹೆಚ್.ಕೆ. ಶ್ರೀಕಂಠ ಅವರು, "ಈ ಭಾಗದ ಗ್ರಾಮೀಣ ಮಕ್ಕಳಿಗೆ ಕೃಷಿ ಶಿಕ್ಷಣ ನೀಡಬೇಕೆಂಬ ಸಂಸ್ಥೆಯ ಸಂಸ್ಥಾಪಕರಾದ ದಿ. ಎಸ್. ಕರಿಯಪ್ಪನವರ ಕನಸು ಇಂದು ನನಸಾಗಿದೆ" ಎಂದು ಹರ್ಷ ವ್ಯಕ್ತಪಡಿಸಿದರು.
ಕೃಷಿ ಕಾಲೇಜಿಗೆ ನೂತನ ಕಟ್ಟಡ:
ಅತಿ ಶೀಘ್ರದಲ್ಲೇ ಮರಳವಾಡಿ ಬಳಿ ನಿರ್ಮಾಣವಾಗುತ್ತಿರುವ ವಿಶ್ವವಿದ್ಯಾಲಯದ ನೂತನ ಕಟ್ಟಡದಲ್ಲಿ ನಮ್ಮ ಕೃಷಿ ಕಾಲೇಜು ಪೂರ್ಣ ಪ್ರಮಾಣದಲ್ಲಿ ಕಾರ್ಯನಿರ್ವಹಿಸಲಿದೆ ಎಂದು ಅಧ್ಯಕ್ಷರು ತಿಳಿಸಿದರು.
ಕ್ರೀಡಾಪಟುಗಳ ಸ್ಪೂರ್ತಿ:
ಬೆಂಗಳೂರು ಕೃಷಿ ವಿಶ್ವವಿದ್ಯಾನಿಲಯದ ಉಪ ನಿರ್ದೇಶಕರಾದ ಕೆ.ಆರ್. ಪ್ರಸಾದ್ ರೆಡ್ಡಿ ಹಾಗೂ ಹಿರಿಯ ವಾಲಿಬಾಲ್ ಕ್ರೀಡಾಪಟು ಡಾ. ಸೀಮಾ ಅವರು ಭಾಗವಹಿಸಿ ವಿದ್ಯಾರ್ಥಿಗಳನ್ನು ಹುರಿದುಂಬಿಸಿದರು.
ಕಾರ್ಯಕ್ರಮದಲ್ಲಿ ಡೀನ್ ಡಾ. ಟಿ.ಕೆ. ಸಿದ್ದರಾಮೇಗೌಡ, ಪ್ರಾಧ್ಯಾಪಕರಾದ ಡಾ. ಪುಟ್ಟರಾಜು, ಡಾ. ಬಿ.ಜಿ. ಜಶ್ಮಿತಾ, ಆಡಳಿತ ಮಂಡಳಿಯ ಸದಸ್ಯರು ಹಾಗೂ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
#nammares #reskanakapura #kanakapura #agriculturecollege #sportsmeet #volleyball #tabletennis #kanakapura #ruralducationsociety
4 weeks ago | [YT] | 5
View 0 replies
The Rural Education Society
ಸಾಂಸ್ಕೃತಿಕ ಕಾರ್ಯಕ್ರಮದ ಯಶಸ್ವಿ ಆಚರಣೆ
ಗ್ರಾಮಾಂತರ ಪ್ರೌಢ ಶಾಲೆ, ಸಾತನೂರು ಇಲ್ಲಿ ವಿದ್ಯಾರ್ಥಿ ಸಂಘದ ವತಿಯಿಂದ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಅತ್ಯಂತ ವೈಭವದಿಂದ ಏರ್ಪಡಿಸಲಾಗಿತ್ತು.
ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿ, ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿಕೊಟ್ಟ ಗೌರವಾನ್ವಿತರಿಗೆ ನಮ್ಮ ಹೃತ್ಪೂರ್ವಕ ಧನ್ಯವಾದಗಳು:
ಶ್ರೀ ದೇವರಾಜು ಅವರು – ನಿವೃತ್ತ ಉಪ ಪ್ರಾಂಶುಪಾಲರು, ರೂರಲ್ ಪದವಿ ಕಾಲೇಜು.
ಶ್ರೀ ಅಶೋಕ್ ಅವರು – ಉಪನ್ಯಾಸಕರು, ರೂರಲ್ ಪದವಿ ಪೂರ್ವ ಕಾಲೇಜು, ಸಾತನೂರು.
ಶ್ರೀ ಎಂ. ಬಿ. ರಾಜಣ್ಣ ಅವರು – ಉಪನ್ಯಾಸಕರು, ರೂರಲ್ ಪದವಿ ಪೂರ್ವ ಕಾಲೇಜು, ಕನಕಪುರ.
ಅತಿಥಿಗಳ ಮಾರ್ಗದರ್ಶನ ಹಾಗೂ ವಿದ್ಯಾರ್ಥಿಗಳ ಉತ್ಸಾಹಭರಿತ ಭಾಗವಹಿಸುವಿಕೆಯಿಂದ ಕಾರ್ಯಕ್ರಮವು ಅತ್ಯಂತ ಸಫಲವಾಗಿ ಮತ್ತು ಅರ್ಥಪೂರ್ಣವಾಗಿ ಮೂಡಿಬಂದಿತು. ಭಾಗವಹಿಸಿದ ಎಲ್ಲಾ ವಿದ್ಯಾರ್ಥಿಗಳಿಗೂ ಹಾಗೂ ಸಹಕರಿಸಿದ ಸಿಬ್ಬಂದಿ ವರ್ಗದವರಿಗೂ ಅಭಿನಂದನೆಗಳು
#res #ruraleducationsociety #sathanuruSchool #culturalEvent #studentCouncil #ruralCollege #schoolEvents #kannadaCommunity #sathanuru #highschool
1 month ago | [YT] | 3
View 0 replies
The Rural Education Society
ಆರ್.ಇ.ಎಸ್. ಆವರಣದಲ್ಲಿ ವಿಜೃಂಭಿಸಿದ 'ಹಿರಿಯ ವಿದ್ಯಾರ್ಥಿಗಳ ಮಹಾಸಂಗಮ-2026': ಗಣ್ಯರ ಸಾನ್ನಿಧ್ಯ ಹಾಗೂ ಕಲಾ ವೈಭವದ ವರದಿ..
ನಮ್ಮ ಕನಕಪುರದ ಹೆಮ್ಮೆಯ ಶಿಕ್ಷಣ ಸಂಸ್ಥೆಯಾದ ರೂರಲ್ ಎಜುಕೇಷನ್ ಸೊಸೈಟಿ (R.E.S.) ಆವರಣದಲ್ಲಿ ಆಲುಮ್ನಿ ಅಸೋಸಿಯೇಷನ್ ಸಹಯೋಗದೊಂದಿಗೆ ಹಮ್ಮಿಕೊಳ್ಳಲಾಗಿದ್ದ "ಹಿರಿಯ ವಿದ್ಯಾರ್ಥಿಗಳ ಮಹಾಸಂಗಮ" ಕಾರ್ಯಕ್ರಮವು ಅತ್ಯಂತ ಸಂಭ್ರಮ ಹಾಗೂ ಯಶಸ್ವಿಯಾಗಿ ನೆರವೇರಿತು.
ಸಮಾರಂಭದ ದಿವ್ಯ ಸಾನ್ನಿಧ್ಯವನ್ನು ಶ್ರೀ ಶಿವಾಲ್ದಮೂರ್ತಿ ಅನ್ನದಾನ ಮಠ ಹಾಗೂ ಶ್ರೀ ಶಿವಗಿರಿ ಕ್ಷೇತ್ರದ ಪೀಠಾಧಿಪತಿಗಳಾದ ಪರಮ ಪೂಜ್ಯ ಶ್ರೀ ಶ್ರೀ ಅನ್ನದಾನೇಶ್ವರನಾಥ ಸ್ವಾಮೀಜಿಯವರು ವಹಿಸಿ ಆಶೀರ್ವಚನ ನೀಡಿದರು. ಕಾರ್ಯಕ್ರಮವನ್ನು ಮಾಜಿ ರಾಜ್ಯಸಭಾ ಸದಸ್ಯರಾದ ಶ್ರೀ ಡಿ. ಕುಪೇಂದ್ರ ರೆಡ್ಡಿ ಅವರು ಉದ್ಘಾಟಿಸಿದರು. ಆರ್.ಇ.ಎಸ್. ಸಂಸ್ಥೆಯ ಅಧ್ಯಕ್ಷರಾದ ಡಾ. ಎಚ್. ಕೆ. ಶ್ರೀಕಂಠ ಅವರು ಅಧ್ಯಕ್ಷತೆ ವಹಿಸಿದ್ದರು.
ಮುಖ್ಯ ಅತಿಥಿಗಳಾಗಿ ವಿಧಾನ ಪರಿಷತ್ ಸದಸ್ಯರಾದ ಶ್ರೀ ಎಸ್. ರವಿ ಹಾಗೂ ಶ್ರೀ ಸುಧಾಮ್ ದಾಸ್ ಭಾಗವಹಿಸಿದ್ದರು.
ವಿಶೇಷ ಆಹ್ವಾನಿತರಾಗಿ ಬೆಂಗಳೂರು ವಿಶ್ವವಿದ್ಯಾಲಯದ ಉಪಕುಲಪತಿ ಡಾ. ಸಿ. ಶಿವರಾಜು, ಬೆಂಗಳೂರು ನಗರ ವಿಶ್ವವಿದ್ಯಾಲಯದ ಉಪಕುಲಪತಿ ಡಾ. ಬಿ. ರಮೇಶ್, ಪರಿವರ್ತನ ಬ್ಯುಸಿನೆಸ್ ಸ್ಕೂಲ್ ಸಂಸ್ಥಾಪಕ ಡಾ. ಪುಟ್ಟೇಗೌಡ ಎಂ., ಚಾಮರಾಜನಗರ ಜಿಲ್ಲಾ ಪೋಲೀಸ್ ವರಿಷ್ಠಾಧಿಕಾರಿ ಶ್ರೀ ಮುತ್ತರಾಜು ಎಂ. IPS ಹಾಗೂ ಅರಣ್ಯ ಇಲಾಖೆಯ ಡಿ.ಸಿ.ಎಫ್. ಶ್ರೀ ಎಂ. ರಾಮಕೃಷ್ಣಪ್ಪ IFS ಉಪಸ್ಥಿತರಿದ್ದು ಶುಭ ಹಾರೈಸಿದರು.
ಹಲವು ವರ್ಷಗಳ ನಂತರ ಒಂದೆಡೆ ಸೇರಿದ ಹಳೆಯ ವಿದ್ಯಾರ್ಥಿಗಳು ತಮ್ಮ ಕಾಲೇಜು ದಿನಗಳ ಸವಿನೆನಪುಗಳನ್ನು ಮೆಲಕು ಹಾಕಿ ಸಂತಸ ಹಂಚಿಕೊಂಡರು. ನೆರೆದಿದ್ದ ಎಲ್ಲರಿಗೂ ಸವಿರುಚಿಯ ಊಟದ ವ್ಯವಸ್ಥೆ ಮಾಡಲಾಗಿತ್ತು.
*ಸಂಗೀತ ರಸಮಂಜರಿ: ಖ್ಯಾತ ಹಿನ್ನೆಲೆ ಗಾಯಕಿ ಡಾ. ಶಮಿತಾ ಮಲ್ನಾಡ್ ಮತ್ತು ತಂಡದವರಿಂದ ಜರುಗಿದ ಗಾಯನ ಪ್ರೇಕ್ಷಕರನ್ನು ತಣಿಸಿತು.
*ನೃತ್ಯ ವೈಭವ: ಆಚಾರ್ಯ ಶ್ರೀ ಅಶೋಕಕುಮಾರ್ ಅವರ ನಿರ್ದೇಶನದ 'ನೃತ್ಯಾಂಜಲಿ' ತಂಡದಿಂದ ಯಕ್ಷಗಾನ, ಭರತನಾಟ್ಯ ಹಾಗೂ ಜಾನಪದ ಕಲೆಯಾದ ಡೊಳ್ಳು ಕುಣಿತ ಪ್ರದರ್ಶನಗೊಂಡವು.
*ಮಿಮಿಕ್ರಿ ಹಾಗೂ ಜಾನಪದ ಗಾಯನ:
ಖ್ಯಾತ ಹಾಸ್ಯ ಕಲಾವಿದ ಶ್ರೀ ಮಿಮಿಕ್ರಿ ಗೋಪಿ ತಮ್ಮ ಚಟಾಕಿಗಳ ಮೂಲಕ ನಗೆಯ ಅಲೆ ಎಬ್ಬಿಸಿದರೆ, ಅಂತರರಾಷ್ಟ್ರೀಯ ಜಾನಪದ ಕಲಾವಿದ ಶ್ರೀ ಹೆಚ್.ಸಿ. ಹೊನ್ನಸಾಲಯ್ಯ ದಾಣವ ಮತ್ತು ತಂಡದವರು ಜಾನಪದ ಗಾಯನದ ಮೂಲಕ ಗಮನ ಸೆಳೆದರು.
ಈ ಅಭೂತಪೂರ್ವ ಸಂಗಮವನ್ನು ಯಶಸ್ವಿಗೊಳಿಸಿದ ಆರ್.ಇ.ಎಸ್. ಆಡಳಿತ ಮಂಡಳಿ, ಸಿಬ್ಬಂದಿ ವರ್ಗ ಹಾಗೂ ಆಗಮಿಸಿದ ಪ್ರತಿಯೊಬ್ಬ ಹಿರಿಯ ವಿದ್ಯಾರ್ಥಿಗಳಿಗೂ ಹೃದಯಪೂರ್ವಕ ಧನ್ಯವಾದಗಳು.
"ನಮ್ಮ RES, ನಮ್ಮ ಹೆಮ್ಮೆ"
ಕಾಲೇಜಿನ ಎಲ್ಲಾ ಕಾರ್ಯಕ್ರಮಗಳ ವೀಡಿಯೊಗಳಿಗಾಗಿ ನಮ್ಮ ಅಧಿಕೃತ Rural Education Society YouTube Channel ಅನ್ನು Subscribe ಮಾಡಿ...
#ruralcollegekanakapura #res #alumnimeet2026 #ruraleducationsociety #kanakapura #resalumni #alumnimeet #reskanakapura2026 #kanakapuraevents #karnataka #karnatakacolleges #alumnireunion #reunion2026 #alumnigathering #rescampus #kanakapuracollege
1 month ago (edited) | [YT] | 3
View 0 replies
The Rural Education Society
ಆರ್.ಇ.ಎಸ್. (RES) ಕನಕಪುರ - ಹಿರಿಯ ವಿದ್ಯಾರ್ಥಿಗಳ ಮಹಾಸಂಗಮ 2026.
ಆತ್ಮೀಯ ಹಿರಿಯ ವಿದ್ಯಾರ್ಥಿ ಮಿತ್ರರೇ,
ನಮ್ಮ ನೆನಪುಗಳ ಬುತ್ತಿಯನ್ನು ಬಿಚ್ಚಲು, ಹಳೆಯ ಗೆಳೆಯರನ್ನು ಮತ್ತೆ ಭೇಟಿಯಾಗಲು ಮತ್ತು ಬಾಲ್ಯದ ಸುಂದರ ಕ್ಷಣಗಳನ್ನು ಮರುಕಳಿಸಲು ಸೂಕ್ತ ಸಮಯ ಬಂದಿದೆ!
ರೂರಲ್ ಎಜುಕೇಶನ್ ಸೊಸೈಟಿ ಹಾಗೂ ಹಿರಿಯ ವಿದ್ಯಾರ್ಥಿಗಳ ಸಂಘ ವತಿಯಿಂದ "ಹಿರಿಯ ವಿದ್ಯಾರ್ಥಿಗಳ ಮಹಾಸಂಗಮ" ಕಾರ್ಯಕ್ರಮವು ದಿನಾಂಕ 09-08-2026ನೇ ಭಾನುವಾರ ಬೆಳಿಗ್ಗೆ 10:00 ಗಂಟೆಗೆ ಕನಕಪುರ ಟೌನ್‌ನ ಆರ್.ಇ.ಎಸ್. ಆವರಣದಲ್ಲಿ ನಡೆಯಲಿದ್ದು, ಆರ್.ಇ.ಎಸ್. ನ ಎಲ್ಲಾ ಅಂಗಸಂಸ್ಥೆಗಳ ಹಿರಿಯ ವಿದ್ಯಾರ್ಥಿಗಳಿಗೆ ಪ್ರೀತಿಯ ಸುಸ್ವಾಗತ...
ನಿಮ್ಮ ಬ್ಯಾಚ್‌ಮೇಟ್ಸ್ ಮತ್ತು ಸ್ನೇಹಿತರೊಂದಿಗೆ ಈ ಮಾಹಿತಿಯನ್ನು ಶೇರ್ ಮಾಡಿ ಹಾಗೂ ತಪ್ಪದೇ ಕಾರ್ಯಕ್ರಮದಲ್ಲಿ ಭಾಗವಹಿಸಿ.
ಆಹ್ವಾನಿಸುವವರು:
ಅಧ್ಯಕ್ಷರಾದ ಡಾ. ಹೆಚ್. ಕೆ. ಶ್ರೀಕಂಠರವರು ಮತ್ತು ಆಡಳಿತ ಮಂಡಳಿ,
#ruraleductionsociety #kanakapura #ruralcollegekanakapura
2 months ago | [YT] | 11
View 2 replies