Welcome to The Resurrected — a place where hearts are lifted and lives are restored through the love of Jesus Christ. I’m John Vakunts, and this channel was born from my own journey of being transformed by God’s love, grace, and guidance.
Here, we seek God’s presence, spiritual renewal, and deeper faith through hope-filled messages, prayer, worship, and biblical truth.
We believe in one God — Father, Son, and Holy Spirit.
We believe Jesus Christ became man for our salvation, died and shed His holy blood for our forgiveness, rose again, ascended into heaven, and will return in glory.
✨ What You Will Find
• Daily devotionals
• Christian motivation
• Prayers for healing and guidance
• Worship songs born in prayer
• Teachings that strengthen faith
• Messages that remind you of God’s love
If you’re seeking peace, purpose, or a closer walk with God — you belong here.
May the Father’s love surround you, the Son restore you, and the Holy Spirit guide you.
The Resurrected
ՓԻԼԻՊՊԵՑԻՆԵՐԻՆ
Ի՞նչ անել մտահոգության փոխարեն՝ ըստ Փիլիպպեցիներ 4:6-ի։
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
1 day ago |[YT] | 222
View 7 replies
The Resurrected
# ԵՐԱՆԵԼԻՆԵՐԸ — ՄԱՍ 6
## ՄԱՔՈՒՐ ՍԻՐՏ — ԻՆՉՊԵ՞Ս ՏԵՍՆԵԼ ԱՍՏԾՈՒՆ
📖 **Մատթեոս 5:8**
«Երանի՜ սրտով մաքուրներին, որովհետև նրանք Աստծուն կտեսնեն։
---
Սիրելի՛ քույրեր և եղբայրներ, այսօր ուզում եմ ձեզ հետ խոսել մի շատ կարևոր հարցի մասին։
Ի՞նչ է մաքուր սիրտը։
Եվ ինչո՞ւ Հիսուսն ասաց, որ սրտով մաքուրները կտեսնեն Աստծուն։
Եկեք սկսենք Կայենից և Աբելից։
---
## Կայեն և Աբել
Աբելը հավատքով մոտեցավ Աստծուն։
Կայենը բարկացավ։
Եվ Աստված նրան զգուշացրեց։
📖 **Ծննդոց 4:7**
«Չէ՞ որ, եթե բարին անես, երեսդ կբարձրանա, բայց եթե բարին չանես, մեղքը դռանդ մոտ պառկած է, և նա քեզ է ցանկանում. բայց դու իշխի՛ր նրա վրա»։
Ուշադրություն դարձրեք՝ Աստված զգուշացրեց **նախքան** սպանությունը։
Կայենը չլսեց և սպանեց իր եղբորը։
Բայց ես այստեղ տեսնում եմ նաև մեր սրտի երկու հակառակ ուղղությունները։
Եթե մենք շարունակաբար սնուցենք մեր սիրտը բարկությամբ, նախանձով և ատելությամբ, այդ զգացումները կարող են տիրել մեզ։
Եվ մի օր մեր ներսի Կայենը կսպանի մեր ներսի Աբելին։
Այսինքն՝ չարությունը կխեղդի մեր ներսի հավատքը, սերը և բարությունը։
Բայց եթե մեր սիրտը սնուցենք Աստծու խոսքով, սիրով, արդարությամբ և սրբությամբ, ապա այդ հատկությունները կսկսեն արտահայտվել մեր կյանքում։
📖 **Ղուկաս 6:45**
«Բարի մարդն իր սրտի բարի գանձից բարին է բխեցնում, իսկ չար մարդն իր սրտի չար կուտակվածից չարն է բխեցնում, որովհետև բերանը սրտի կուտակվածից է խոսում»։
Ինչով լցնում ենք մեր սիրտը, դա էլ արտահայտվում է մեր կյանքում։
---
## Ավագ եղբայրը
Հիշո՞ւմ եք անառակ որդու առակը։
Երբ կրտսեր որդին վերադարձավ, հայրը նրան ընդունեց սիրով։
Բայց ավագ եղբայրը բարկացավ։
Եվ հայրը դուրս եկավ նրա հետ խոսելու։
📖 **Ղուկաս 15:31**
«Հայրն ասաց նրան. "Որդյա՛կ, դու միշտ ինձ հետ ես, և ամեն ինչ, որ իմն է, քոնն է"»։
Հիմա համեմատեք։
Կայենը բարկացավ իր եղբոր պատճառով։
Ավագ եղբայրը նույնպես բարկացավ իր եղբոր պատճառով։
Աստված խոսեց Կայենի հետ։
Հայրը խոսեց ավագ որդու հետ։
Կայենի պատմության ավարտը գիտենք։
Բայց ավագ եղբոր պատմության ավարտը չգիտենք։
Գուցե նա լսեց հորը։ Գուցե հրաժարվեց իր բարկությունից։
Հիսուսը մեզ չի պատմում։
Եվ ես կարծում եմ՝ Նա դիտավորյալ չփակեց այդ դուռը։ Որովհետև այդ դուռը **մեր** դուռն է։
Երբ բարկությունը գալիս է մեր սրտի մեջ, մենք ի՞նչ ենք անում։ Սնուցո՞ւմ ենք այն, թե՞ լսում Աստծու խոսքը։
---
## Դավիթը
Դավիթը հնարավորություն ուներ սպանելու Սավուղին։
Բայց նա իրավիճակին նայեց Աստծու տեսանկյունից։
📖 **Ա Թագավորների 26:9**
«Բայց Դավիթն Աբեսսային ասաց. "Մի՛ սպանիր նրան, որովհետև ո՞վ կարող է ձեռք բարձրացնել Տիրոջ օծյալի վրա և անպարտ մնալ"»։
Սա մաքուր սրտի կարևոր հատկություններից մեկն է։
Մարդը սովորում է իր խնդիրներին նայել ոչ միայն սեփական շահի, այլ Աստծու կամքի տեսանկյունից։
---
## Հիսուսը — Նա Աստված է
Հիսուսը կատարյալ կերպով հայտնեց Աստծու սերն ու սրբությունը։
Բայց այստեղ ես ուզում եմ շատ հստակ լինել։
Նա պարզապես բարի մարդ չէր։ Նա Աստծուն ճանաչող մարդ չէր։
Նա մարմնացած Աստված Որդին է։
📖 **Հովհաննես 1:1, 14**
«Սկզբում էր Բանը, և Բանն Աստծու մոտ էր, և Բանն Աստված էր… Եվ Բանը մարմին դարձավ ու մեր մեջ բնակվեց»։
📖 **Հովհաննես 10:30**
«Ես և Հայրը մի ենք»։
📖 **Հովհաննես 3:16**
«Աստված այնքան սիրեց աշխարհը, որ իր միածին Որդուն տվեց, որպեսզի ով նրան հավատում է, չկորչի, այլ հավիտենական կյանք ունենա»։
Եվ Նա ասում է.
📖 **Մատթեոս 11:28**
«Ինձ մո՛տ եկեք, բոլո՛ր հոգնածներ ու բեռնավորվածներ, և ես հանգիստ կտամ ձեզ»։
📖 **Հովհաննես 7:37**
«Եթե մեկը ծարավ է, թող ինձ մոտ գա ու խմի»։
📖 **Հովհաննես 10:9**
«Ես եմ դուռը. եթե մեկն իմ միջով ներս մտնի, կփրկվի»։
Հոգնա՞ծ ես — Ինքն է հանգիստը։
Ծարա՞վ ես — Ինքն է ջուրը։
Դո՞ւռ ես փնտրում — Ինքն է դուռը։
---
## Պողոսը — Սուրբ Հոգու տաճարը
📖 **Ա Կորնթացիներին 6:19**
«Կամ չգիտե՞ք, որ ձեր մարմինները տաճար են Սուրբ Հոգու, որ ձեր մեջ է, և որն Աստծուց ունեք, և դուք ձերը չեք»։
Ո՞վ է Սուրբ Հոգին։
Սուրբ Հոգին Աստված է։
Եվ Աստծու Հոգին բնակվում է հավատացյալների մեջ։
Երբ մարդը վերստին ծնվում է, Սուրբ Հոգին նորոգում է նրա սիրտը։
📖 **Սաղմոս 51:10**
«Մաքուր սի՛րտ ստեղծիր իմ մեջ, ո՜վ Աստված, և ուղիղ հոգի՛ նորոգիր իմ ներսում»։
Նայե՛ք՝ Դավիթը չի ասում «մաքուր սիրտ կսարքեմ»։ Ասում է՝ **ստեղծի՛ր**։
Մաքրությունը միայն պարտականություն չէ։ Այն Աստծու հանդեպ սիրուց և Սուրբ Հոգու առաջնորդությունից ծնվող կյանք է։
---
## Ինչպե՞ս տեսնել Աստծուն
Հիմա եկեք հասնենք ամենակարևոր հարցին։
Հիսուսն ասաց. «Նրանք Աստծուն կտեսնեն»։
Նա չասաց՝ միայն երկնքում։
Եկեք հիշենք Պետրոսին։
Հիսուսը հարցրեց. «Իսկ դուք Ինձ ո՞վ եք ասում»։
📖 **Մատթեոս 16:16–17**
«Սիմոն Պետրոսը պատասխանեց ու ասաց. "Դու Քրիստոսն ես՝ կենդանի Աստծու Որդին"։ Հիսուսը պատասխանեց ու ասաց նրան. "Երանի՜ քեզ, Սիմո՛ն, Հովնանի՛ որդի, որովհետև ոչ թե մարմինն ու արյունը հայտնեցին քեզ, այլ իմ Հայրը, որ երկնքում է"»։
Ահա հոգևոր տեսողության մեծ գաղտնիքը։
Պետրոսը Հիսուսին տեսնում էր իր մարմնական աչքերով։ Մյուսներն էլ էին տեսնում։ Նույն դեմքը։ Նույն ձայնը։
Բայց Պետրոսը ճանաչեց Նրա աստվածային ինքնությունը։
Եվ Հիսուսն ասաց՝ **դա քո գլխից չեկավ**։ Դա Հայրն է հայտնել քեզ։
Մարդը կարող է նայել և չճանաչել։
📖 **Հովհաննես 14:9**
«Ով ինձ տեսավ, նա Հորը տեսավ»։
Ուրեմն շղթան այսպես է.
**Մաքուր սիրտ** → **աստվածային հայտնություն** → **հոգևոր տեսողություն**։
---
## Մաքուր սիրտ — մաքուր տեսողություն
Երբ ես վերստին ծնվեցի և սկսեցի իմ սիրտը սնուցել Աստծու խոսքով ու աղոթքով, սկսեցի ավելի խորությամբ ճանաչել Աստծու ներկայությունն իմ առօրյա կյանքում։
Երբ առավոտյան արթնանում եմ և տեսնում արևը, իմ սրտում ասում եմ.
«Տե՛ր, այս լույսի մեջ ես տեսնում եմ Քո գեղեցկության արտացոլումը։ Շնորհակալ եմ, որ ևս մեկ օր ես շնորհել ինձ ապրելու»։
Արևը պարզապես արև է, բայց Աստծու ստեղծած աշխարհի մեջ ես ճանաչում եմ Նրա փառքը։
Երբ խնդիր է առաջանում, փորձում եմ հարցնել. «Տե՛ր, ի՞նչ ես ուզում ինձ սովորեցնել այս իրավիճակում»։
Եվ ուզում եմ ձեզ մի մարդ ցույց տալ, որի վրա այս խոստումը կատարվեց։
📖 **Գործք 7:55**
«Իսկ նա, Սուրբ Հոգով լցված, դեպի երկինք նայեց ու տեսավ Աստծու փառքը և Հիսուսին՝ Աստծու աջ կողմում կանգնած»։
Ստեփանոսի շուրջը քարեր էին։ Բայց նրա աչքերը բաց էին։
Սուրբ Հոգով լցված… և տեսավ։
Բայց ազնիվ լինեմ. մեր հավատքի կենտրոնը տեսիլքը կամ հրաշքը չէ։
Մեր հավատքի կենտրոնը կենդանի Հիսուս Քրիստոսն է։
📖 **Ա Հովհաննես 3:2**
«Սիրելինե՛ր, այժմ Աստծու որդիներ ենք… բայց գիտենք, որ երբ նա հայտնվի, նրա նման կլինենք, որովհետև կտեսնենք նրան, ինչպես որ է»։
---
## Եզրակացություն
Այսօր ես ուզում եմ ձեզ մի հարց տալ։
Ինչո՞վ եք սնուցում ձեր սիրտը։
Բարկությա՞մբ, նախանձո՞վ, վիրավորանքներո՞վ։
Թե՞ Աստծու խոսքով, սիրով և սրբությամբ։
Մի՛ թույլ տվեք, որ ձեր ներսի Կայենը սպանի ձեր ներսի Աբելին։
Թույլ տվեք, որ Սուրբ Հոգին նորոգի ձեր սիրտը։
Որովհետև երբ սիրտը մաքրվում է, փոխվում է նաև մարդու հոգևոր տեսողությունը։
«Երանի՜ սրտով մաքուրներին, որովհետև նրանք Աստծուն կտեսնեն»։
---
## Աղոթք
Երկնավո՛ր Հայր, մաքրիր մեր սրտերը։
Օգնիր մեզ չսնուցել բարկությունը, նախանձը և ատելությունը։
Սուրբ Հոգի՛, նորոգիր մեր ներքին մարդուն։
Լցրու մեր սրտերը Քո խոսքով, սիրով և սրբությամբ։
Բացիր մեր հոգևոր աչքերը, որպեսզի ճանաչենք Քո ներկայությունն ու առաջնորդությունը։
Թող մեր կյանքը վկայի կենդանի Հիսուս Քրիստոսի մասին։
Հիսուսի անունով։
Ամեն։
---
## Ավարտական խոսք
Սիրելի՛ քույրեր և եղբայրներ, շնորհակալություն մեզ հետ լինելու համար։
Եթե այս պատգամը խոսեց ձեր սրտին, բաժանորդագրվեք «Հարուցյալը»՝ The Resurrected ալիքին, հավանեք և տարածեք տեսանյութը։
Գրեք մեկնաբանություններում՝ ի՞նչ է ձեզ համար նշանակում մաքուր սիրտ ունենալ։
Մասնակցեք նաև մեր «Ձեր Ձայնը՝ Աստծու Փառքին» ծրագրին։
Աստված օրհնի ձեզ։
**John Vakunts — The Resurrected**
2 days ago |[YT] | 25
View 6 replies
The Resurrected
ՓԻԼԻՊՊԵՑԻՆԵՐԻՆ — Ի՞նչ է կյանքը Պողոսի համար՝ ըստ Փիլիպպեցիներ 1:21-ի։
A)
B)
C)
D)
✅ Ճիշտ պատասխան՝ A) Քրիստոսը, իսկ մեռնելը՝ շահ
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
3 days ago |[YT] | 246
View 15 replies
The Resurrected
ԱՂՈԹՔ — ՔՐԻՍՏՈՍԻ ԶՈՀԱԲԵՐՈՒԹՅՈՒՆԸ ԵՎ ՀԱՎԻՏԵՆԱԿԱՆ ՈՒԽՏԸ
Սիրելի՛ քույրեր և եղբայրներ,
Այսօր երեքշաբթի է՝ մեր հերթական աղոթքի օրը։
Այսօր ուզում եմ, որ միասին կանգնենք մեր Երկնավոր Հոր առաջ և մեր սրտերի խորքից բարձրացնենք մեր աղոթքը։
Եկե՛ք խորհենք այն անսահման սիրո մասին, որով Աստված մեզ կյանք պարգևեց, Իր Միածին Որդու միջոցով մեզ փրկության ճանապարհ բացեց և Նրա սուրբ արյամբ հաստատեց Իր ուխտը մեզ հետ։
Եկե՛ք միասին խոնարհվենք Նրա մեծության առաջ և աղոթենք մեկ սրտով, մեկ հոգով ու մեկ ձայնով։
ԱՂՈԹՔ
Հրաշագործ, իմ Հայր։
Խորը, շատ խորը իմ հոգու միջից փորձում եմ անկեղծ բառերը գտնել Քեզ համար և դրանք զարդարել, մի չքնաղ տեսք տալ և բերել Քո ոտքերի առաջ, խոնարհվել։
Արժանիքներ ունես անչափ և անսահման, որդիներ ունես անհաշիվ և անհամար։
Երկրպագողներ ունես անթիվ, ես կասեմ, քանի որ, Աստված իմ, Դու տվել ես այն ամենը, ինչը ոչ ոք չի կարող տալ։
Հերիք է, որ, Աստված իմ, Դու մեզ Քո շնորհի ու ողորմության տակ թողեցիր ու մեզ պահեցիր, և կյանք տվեցիր, և շունչ։
Եվ ամենակարևորը՝ մեր կյանքը պսակեցիր Քո Որդով և Նրա սուրբ արյունով։
Նա ճանաչողություն է դեպի Քեզ, Տե՛ր։
Նա, Նա այն կամուրջն էր, որ մարդը երբեք չէր կարող ունենալ։
Մի կամուրջ դեպի երկինք՝ մարդուց հարուցված, սակայն Աստծուց ընձեռված։
Մի կամուրջ, որը Քո կամքով է կառուցված՝ սիրո հիմքի վրա, սակայն մի մարդու զոհաբերության հիմքի վրա։
Եվ այն էլ Քո ճշմարիտ Որդին է։
Ես պատկերացնում եմ՝ ինչքան Ինքը Իր մեջ սեր ուներ Քո նկատմամբ և սեր ուներ ամբողջ մարդկության նկատմամբ, Տե՛ր։
Որ ամենայն հավատարմությամբ և զսպվածությամբ վերցրեց այն բաժակը՝ դառը բաժակը, որին ոչ ոք չէր կարող մոտենալ։
Ինքը քաջաբար, հերոսաբար, կտրիճաբար, հպարտաբար, թեկուզ խարխլված այդ ծանրության տակ, Նա վերցրեց այդ բաժակը Իր ամբողջ կարողությամբ և բարձրացավ, Աստված իմ, մի լեռ, որը, Աստված իմ, դարձավ մի բեմադրության կենտրոն ամբողջ տիեզերքի համար։
Այնտեղ դարձավ զոհասեղանը, և Ինքը, նրա վրա մագլցելով, Իր իսկ ձեռքով Իր կյանքը շնորհեց՝ մեզ կյանք տալու համար։
Եվ այս ամենի միջից՝ այդ արյան դրոշմը, ինչպես որ Դու Քո հրեա ժողովրդին Եգիպտոսում դրոշմեցիր իրենց տները (Ելք 12:7, 13), Ինքն էլ դրոշմեց մեր ճակատները դրանով, Տե՛ր։
Հաստատելով այդ կնիքը, որ մենք Իրեն ենք պատկանում։
Հաստատելով այդ կնիքը, որ ամբողջ աշխարհին ի ցույց տա, թե Ինքն է մեր եղբայրն ու Հայրը։
Եվ Ինքն է այդ առաջնորդն ու Թագավորը, որ կտանի մեզ դեպի Քեզ։
Եվ Ինքն է ճշմարիտ այդ Ուխտի Տապանակը, որ մեզ դարձրեց ժառանգորդներ հավիտենության։
Օրհնում եմ, Տե՛ր, այս ամբողջ ծրագրի համար։
Կարող է բառերով մի պարզ բան թվալ, սակայն իր իմաստի խորքի մեջ մի օվկիանոսի խորություն ունի, թե միգուցե դրանից էլ ավելի խորը։
Հովհաննեսն է ասում.
«Սկզբում էր Բանը, և Բանն Աստծու մոտ էր, և Բանն Աստված էր» (Հովհաննես 1:1–3)։
Ամեն ինչ Նրանով ստեղծվեց, առանց Նրա ոչինչ չստեղծվեց, Տե՛ր։
Սա ճշմարտություն է հավիտենից հավիտյան, որ մենք պետք է, Տե՛ր Աստված իմ, Նրա առաջ կանգնենք ու խորապես մտածենք, Տե՛ր։
Իսկ մարդս, իսկ մարդուց, Աստված իմ, ես կշնորհեի՝ իմ անձիցս սկսած, անմիտ տիտղոս, մի թակ, որ մեզանից հիմարը չի պատահել, Աստված իմ։
Որ կատարում ենք սխալներ ու մեղքեր, զղջում ենք, մեղանչում ենք, նորից ապաշխարում ենք։
Սակայն ինչ-որ մի ժամանակ հետո նորից մենք մեզ մատնում ենք, Աստված իմ, այդ փորձության մեջ, որի համար մենք միշտ ցավ ենք զգացել։
Դրա համար մարդու կարողությունը և կամքի ուժը չափազանց թույլ են, Տե՛ր։
Եթե թույլ չլիներ, նա իր խոստումները կկատարեր։
Սակայն ամբողջ Աստվածաշունչը ապացուցել է, որ միայն մեկ հոգի է, մեկ հոգի է, որ կարողացել է այդ խոստումը պահել։
Այդ էլ Քո ճշմարիտ Որդին է, Տե՛ր, և Դու ես, Տե՛ր։
Օրհնում եմ, Աստված իմ, այն պահը, որ ես ճանաչեցի Քեզ։
Օրհնում եմ, Աստված իմ, այն պահը, որ Դու ինձ կանչեցիր դեպի Քեզ։
Օրհնում եմ այդ ընթացքը, որտեղ ես ապաշխարության ընթացք եմ վերցրել։
Օրհնում եմ, Աստված իմ, Քո սկզբունքները։
Օրհնում եմ Քո սերը։
Օրհնում եմ Քո թագավորությունը։
Օրհնում եմ, Աստված իմ, Քո թագավորության ենթակառույցները, քանի որ Դու արժանի ես։
Եվ այդ ամենը ստեղծվել է միշտ Քեզնով։
Իսկ ես, Աստված իմ, այսօր, այս պահին, միացնում եմ այս ունկնդիրներին մեզ հետ, և Քեզ ասում ենք ամենքս միասին.
Այո՛, Տե՛ր։
Միշտ Քեզ հետ լինենք։
Միշտ Քեզնով լինենք։
Եվ միշտ Քեզ համար լինենք։
Խոնարհվում ենք Քո մեծության առաջ և Քո մեծ Աստվածության՝ Սուրբ Երրորդության առաջ։
Բարձրացնելով մեր խոսքը, աղոթքը, սրտից բխած խունկը, Տե՛ր, Հիսուս Քրիստոսի անունով, Աստված իմ։
Ամեն։
⸻
ԱՎԱՐՏԱԿԱՆ ԽՈՍՔ
Սիրելի՛ քույրեր և եղբայրներ,
Շնորհակալություն, որ այսօր միացաք մեր աղոթքին և միասին բարձրացրինք մեր ձայնը մեր Երկնավոր Հոր առաջ։
Թող Աստծու սերը, շնորհը և ողորմությունը միշտ լինեն Ձեր և Ձեր ընտանիքների վրա։
Եթե այս աղոթքը դիպավ Ձեր սրտին, մեկնաբանություններում գրեք «ԱՄԵՆ»։
Խնդրում եմ՝ հավանեք այս աղոթքը, մեկնաբանություններում գրեք Ձեր մտքերը և աղոթքի խնդրանքները, ինչպես նաև տարածեք այն Ձեր հարազատների ու բարեկամների հետ։
Բաժանորդագրվեք «Հարուցյալը» (The Resurrected) ալիքին և սեղմեք զանգակը 🔔, որպեսզի ոչ մի նոր աղոթք, քարոզ կամ երգ բաց չթողնեք և միասին շարունակենք մեր հոգևոր ճանապարհը։
Եվ մի՛ մոռացեք մեր շաբաթօրյա ծրագիրը՝
«ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
Եթե Աստված Ձեր սրտում դրել է երգ, աղոթք, վկայություն, բանաստեղծություն, հոգևոր պատգամ կամ որևէ այլ ստեղծագործություն, ուղարկե՛ք մեզ և մասնակից դարձեք այս ծառայությանը։
Էլեկտրոնային հասցե՝ john@theresurrectedministry.org
Սիրելի՛ հովիվներ, խնդրում ենք տարածել այս ծրագիրը Ձեր քույր եկեղեցիներում։
Թող Ձեր ձայնն էլ բարձրանա Աստծու փառքի համար։
Աստված օրհնի բոլորիդ։
Կհանդիպենք հաջորդ երեքշաբթի՝ մեր հերթական աղոթքին։
John Vakunts
THE RESURRECTED — ՀԱՐՈՒՑՅԱԼԸ
4 days ago |[YT] | 38
View 3 replies
The Resurrected
ԵՓԵՍԱՑԻՆԵՐԻՆ —
Ինչո՞ւ պետք է զգեստավորվենք Աստծու սպառազինությամբ։
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
5 days ago |[YT] | 296
View 10 replies
The Resurrected
ԵՓԵՍԱՑԻՆԵՐԻՆ —
Ինչպե՞ս պետք է վարվենք միմյանց հետ՝ ըստ Եփեսացիներ 4:32-ի։
A)
B)
C)
D)
✅ Ճիշտ պատասխան՝ C) Քաղցր և գթած լինենք՝ միմյանց ներելով
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
1 week ago |[YT] | 333
View 11 replies
The Resurrected
Բարի երեկո բոլորին։
Ինչպես գիտեք, մենք շարունակում ենք մեր **Երանելիների** շարքը։ Այսօր չեմ ուզում նորից անդրադառնալ անցած շաբաթների բաժիններին, որովհետև յուրաքանչյուր կետի մեջ այնքան խորություն կա, որ եթե նորից վերադառնանք դրանց, այսօրվա բաժնի համար ժամանակ չի մնա։
Այսօր հասել ենք հաջորդ Երանելիին.
📖 **Մատթեոս 5:7**
> **«Երանի՜ ողորմածներին, որովհետև նրանք ողորմություն կգտնեն»։**
Այսօր ուզում եմ նորից երեք տարբեր անկյուններից նայել այս խոսքին և հասկանալ՝ **ինչպիսի՞ մարդ է ողորմած մարդը**, և որտե՞ղ ենք այս ամենի մեջ տեսնում Հիսուսին։
Երբ մենք մարդկայնորեն մտածում ենք «ողորմած» բառի մասին, հայ ազգի մեջ էլ հաճախ օգտագործում ենք այդ բառը։ Երբ մեկը մահացել է, երբեմն ասում ենք. «Աստված հոգին լուսավորի, ողորմածը լավ մարդ էր»։
Բայց Աստծու հետ մեր աղոթքների մեջ ասում ենք.
**«Ողորմի՛ր մեզ, Աստվա՛ծ իմ»։**
Այս **«ողորմիր»** բառը բավականին խոր բառ է։
Եթե նայենք սեմական լեզուներին՝ արամեերենին, արաբերենին, հանդիպում ենք **raḥīm** բառարմատի ընտանիքին, որը կապված է ողորմության, գթության, կարեկցանքի հետ։ Արաբերենում էլ օգտագործվում է **irḥamnī**՝ «ողորմի՛ր ինձ, գթա՛ ինձ» իմաստով։
Անգլերենում ունենք **merciful** բառը։
Բայց այստեղ միայն բառի թարգմանությունը չէ, որ ինձ հետաքրքրում է։ Ինձ հետաքրքրում է՝ **ինչպիսի՞ սիրտ պետք է ունենա մարդը, որպեսզի ողորմած լինի**։
---
## Առաջին կողմը — ողորմած մարդը մեծ սիրտ ունի
Առաջինը՝ ողորմած մարդու սիրտը պետք է չափազանց մեծ լինի։
Ինքը ոչ միայն ներողամիտ պետք է լինի։ Ես այստեղ ողորմածությունը նույնիսկ ներողամտությունից ավելի խոր եմ տեսնում։
Ներողամտությունը այն է, երբ մեկը քո նկատմամբ սխալ է գործում, և դու նրան ներում ես։
Իսկ ողորմած մարդը, առանց իր սրտի մեջ դիմացինի նկատմամբ դատավճիռ կայացնելու, արդեն ասում է.
**«Արի՛»։**
Նույնիսկ «ներում եմ քեզ» բառը չի օգտագործում։
Մենք դրա ամենագեղեցիկ պատկերներից մեկը տեսնում ենք **անառակ որդու պատմության մեջ**։
Գրված է Ղուկասի Ավետարանում, որ երբ որդին վերադարձավ իր հոր մոտ, հայրը դեռ հեռվից նկատեց իր որդուն, վազեց նրա մոտ և գրկեց նրան։
📖 **Ղուկաս 15:20**
> «Եվ վեր կացավ իր հոր մոտ եկավ։ Ու երբ նա դեռ հեռու էր, հայրը նրան տեսավ և գթաց. վազեց, նրա վզովն ընկավ ու համբուրեց նրան։
📖 **Ղուկաս 15:21**
> Եվ որդին նրան ասաց. «Հա՛յր, մեղանչեցի երկնքի ու քո առաջ։ Այլևս քո որդին կոչվելու արժանի չեմ»։
Տղան պատրաստվում էր արդարանալ, պատրաստվում էր խոստովանել իր սխալը։ Բայց հայրը չսկսեց հիշեցնել նրան իր կորցրած հարստությունը, իր ապրած կյանքը կամ իր կատարած սխալները։
Ընդհակառակը՝ նա գրկեց այդ երիտասարդին։ Իր գրկի մեջ միայն **հայրական սերն էր խոսում իր որդու նկատմամբ**։
Եվ չսպասեց, որ տղան իրեն արդարացնի։
Ասաց՝ բերե՛ք լավագույն զգեստը, մատանին դրե՛ք նրա ձեռքին, կոշիկներ՝ նրա ոտքերին, մորթե՛ք պարարտ եզը, որովհետև այս իմ որդին մեռած էր և կենդանացավ, կորած էր և գտնվեց։
📖 **Ղուկաս 15:22–24**
> Հայրն իր ծառաներին ասաց. «Իսկույն բերե՛ք լավագույն պատմուճանը ու հագցրե՛ք նրան, մատին մատանի՛ դրեք և ոտքերին՝ կոշիկներ։
> Բերե՛ք պարարտ եզը, մորթե՛ք. ուտենք, ուրախ լինենք,
> որովհետև իմ այս որդին մեռած էր ու կենդանացավ, կորած էր ու գտնվեց»։ Եվ սկսեցին զվարճանալ։
**Սա է մեծ սիրտը։**
Եվ այստեղից ես անցնում եմ ավելի բարձր՝ երկնային պատկերին։
📖 **Հովհաննես 3:16**
> **«Աստված այնքան սիրեց աշխարհը, որ իր միածին Որդուն տվեց, որպեսզի ով նրան հավատում է, չկորչի, այլ հավիտենական կյանք ունենա»։**
Անսահման սեր։
Անկախ նրանից, որ Աստված գիտեր, թե ինչ է կատարվելու։ Անկախ նրանից, թե մարդիկ ինչ են անելու Իր Որդուն։ Նա, որպեսզի երկնային դուռը բացի մեզ համար, **Իր Որդուն տվեց**։
Սա առաջին կողմն է։
---
## Երկրորդ կողմը — ներողամտությունից ավելի բարձր
Երկրորդ կողմը նման է առաջինին, բայց այստեղ ուզում եմ ավելի բարձր գնալ միայն ներողամտության դիրքից։
Սիրտդ այնքան սիրով լցնես, որ երբ մեկը քեզ մոտենա, անկախ նրա վիճակից, անկախ նրանից, թե ով է նա, դու կարողանաս ողորմած լինել նրա նկատմամբ։
Եվ այստեղ Աստվածաշնչի ամենագեղեցիկ պատկերներից մեկը ինձ համար **խաչն է**։
Պատկերացրե՛ք՝ այդ ցավերի մեջ։
Այդ հարվածներից հետո։
Այդքան չարչարանքից հետո։
Արդեն խաչված է և գնում է դեպի մահ։
Եվ հենց այդ պահին Իր ձայնը բարձրացնում է դեպի երկինք և ասում.
📖 **Ղուկաս 23:34**
> **«Հիսուսն ասաց. «Հա՛յր, ների՛ր նրանց, որովհետև չգիտեն, թե ի՛նչ են անում»։ Եվ նրա զգեստները բաժանելու համար վիճակ գցեցին»։**
Նրանք դեռ Իրենից ներում չէին խնդրել։
Բայց Հիսուսի սիրտը արդեն խոսում էր։
Նա գիտեր, թե ինչ էին անում Իրեն։ Գիտեր, որ պիտի զոհվեր։ Եվ հենց այդ մարդկանց համար նախընտրեց խնդրել Հորից.
**«Հա՛յր, ների՛ր նրանց»։**
Այստեղ Հիսուսի մեջ տեսնում ենք նաև **Հոր սրտի պատկերը**։
Որովհետև Հովհաննես 3:16-ում Հայրը սիրեց և տվեց Իր Որդուն, իսկ այստեղ Որդին խաչի վրա ասում է.
**«Հա՛յր, ների՛ր նրանց»։**
Սա այն բացարձակ սերն է, որը խոսում էր Նրա միջից։
---
## Երրորդ կողմը — սրտում թշնամություն չպահել
Երրորդը՝ **երբեք ուրիշի նկատմամբ քենություն, վրեժխնդրություն և թշնամություն չպահել սրտում**։
Եվ այստեղ արդեն մարդու որակի մասին է խոսքը։
Ինչպիսի՞ որակ պետք է ունենա մարդը, որպեսզի կարողանա ապրել այս ձևով։
Ոչ թե անընդհատ մտածել ուրիշի ունեցածի, ուրիշի փառքի, ուրիշի վարձքի մասին, այլ Աստծու տվածով գոհ ապրել։
Չկուտակել մարդու դեմ եղածը սրտիդ մեջ։
Չպահել վրեժխնդրություն։
Չպահել քենություն։
Չպահել թշնամություն։
Այստեղ Հիսուսն ասում է.
📖 **Մատթեոս 5:44**
> **«Բայց ես ասում եմ ձեզ. սիրե՛ք ձեր թշնամիներին, օրհնե՛ք ձեզ անիծողներին, բարի՛ք արեք ձեզ ատողներին և աղոթե՛ք ձեզ չարչարողների ու հալածողների համար»։**
Սիրի՛ր քո թշնամուն։
Եվ, ի դեպ, այստեղ կարող ենք հիշել նաև **Բարի Սամարացուն**։ Նա պարզապես չնայեց ընկած մարդուն ու անցավ։ Նա մոտեցավ նրան, օգնեց նրան, հոգ տարավ նրա մասին։
📖 **Ղուկաս 10:33–34**
> «Եվ մի սամարացի, որ ճանապարհորդում էր, նույն տեղով եկավ, նրան տեսնելով՝ գթաց։
> Մոտեցավ, նրա վերքերը կապեց՝ վրան ձեթ ու գինի լցնելով, իր գրաստի վրա դնելով՝ նրան մի իջևանատուն տարավ ու խնամեց»։
📖 **Ղուկաս 10:37**
> Նա ասաց. «Նա, ով ողորմեց նրան»։ Ապա Հիսուսը նրան ասաց. «Գնա՛, դո՛ւ էլ այդպես արա»։
Այստեղ ողորմածությունը միայն զգացում չէր։ **Ողորմածությունը դարձավ գործողություն**։
Հայերենում մի բառ կա, որը ես շատ եմ սիրում.
## **Մեծահոգի**
Մեծահոգի լինելը հպարտ լինել չէ։
**Մեծահոգի լինել։**
Մեծահոգի լինես քո հարևանի նկատմամբ։
Մեծահոգի լինես քո քույրերի և եղբայրների նկատմամբ։
Մեծահոգի լինես քո ծանոթների նկատմամբ։
Մեծահոգի լինես նույնիսկ նրա նկատմամբ, ով քեզ ցավ է պատճառել։
**Սա է ողորմած լինելը։**
---
## «Ողորմի՛ր ինձ» — բառի կենդանի իմաստը
Այստեղ մի կարևոր բան էլ ուզում եմ ավելացնել։
Արաբական երկրներում **raḥīm** բառը հենց այս ողորմության գաղափարն է կրում։
Եվ այստեղ ես տարբերություն եմ տեսնում պարզապես ներելու և ողորմած լինելու միջև։
Երբ դու մեկին ներում ես, այդ ներումը քո սրտի մեջ կատարված որոշում է։ Դիմացինը կարող է նույնիսկ այդ պահին ֆիզիկապես չտեսնել դրա արդյունքը։
Բայց **«ողորմի՛ր ինձ»** արտահայտությունը շատ ավելի շոշափելի է։
Արաբական միջավայրում, երբ մարդը կանգնում է դատավորի առաջ, կամ նրա կյանքը մեկ ուրիշի որոշումից է կախված, կարող է ասել.
**«Ես մեղավոր եմ, բայց irḥamnī — ողորմի՛ր ինձ»։**
Այսինքն՝
**«Գթա՛ ինձ։ Խնայի՛ր ինձ։ Օգնի՛ր ինձ»։**
Եվ եթե այդ պահին դատավորը փոխի իր որոշումը և ողորմածությամբ մոտենա այդ մարդուն, այդ մարդը **ֆիզիկապես զգում է ողորմությունը**։
Նա գիտի՝ կարող էր պատժվել, բայց ողորմություն գտավ։
Դրա համար ողորմածությունը միայն «ներում եմ քեզ» ասելը չէ։
Ողորմածությունը կարող է դառնալ **տեսանելի, շոշափելի օգնություն մարդու կյանքում**։
Եվ հենց այստեղ նորից հիշենք անառակ որդու հորը։
Հայրը միայն չասաց.
**«Ներում եմ քեզ»։**
Նա վազեց։
Գրկեց։
Հագցրեց։
Մատանին դրեց։
Սեղան բացեց։
Վերականգնեց իր որդուն։
**Ողորմությունը գործողություն դարձավ։**
📖 Հակոբոս 2:13
«Որովհետև անողորմի նկատմամբ անողորմ դատաստան է լինելու. ողորմածությունը արհամարհում է դատաստանը»։
---
## Իսկ որտե՞ղ է Հիսուսը
Ես այս ամբողջ Երանելիների շարքի ընթացքում մի բան անընդհատ ասում եմ։
Այս բոլոր կետերի մեջ մենք վերջում հանդիպում ենք Հիսուսին։
Այս ամենը մեկ մարդու մեջ ամբողջությամբ գտնելը մեզ համար անհնար է։
Որովհետև այս ամենը կատարելապես **Հիսուսի մեջ էր**։
Մենք երբեք չենք կարող մեր ուժերով հասնել Հիսուսի կատարելությանը։ Բայց մենք կանչված ենք սովորելու Նրանից, նմանվելու Նրան և թույլ տալու, որ Աստված փոխի մեր բնավորությունը։
Ուրեմն ողորմած լինելը նշանակում է նաև՝
**սրտիդ մեջ վրեժխնդրություն չպահել,
քենություն չպահել,
թշնամություն չպահել։**
Մեծ սիրտ ունենալ։
Գթալ։
Ներել։
Եվ երբ կարող ես՝ **օգնել**։
📖 **Մատթեոս 5:7**
> **«Երանի՜ ողորմածներին, որովհետև նրանք ողորմություն կգտնեն»։**
Հաջորդ շաբաթ, Աստծու կամքով, կանցնենք հաջորդ Երանելիին.
📖 **Մատթեոս 5:8**
> **«Երանի՜ սրտով մաքուրներին, որովհետև նրանք Աստծուն կտեսնեն»։**
---
## Աղոթք
Սիրելի՛ Հայր, Դու սիրո և ողորմության Աստված ես։
Մենք՝ ողորմության կարիք ունեցողներս, գալիս ենք Քո առաջ։ Մեր մեջ չկա մեկը, որ իր ուժով կարողանա հասնել այն կատարելությանը, որը մենք տեսնում ենք Հիսուսի մեջ։
Ինչքան էլ սովորենք Քեզանից, ինչքան էլ ցանկանանք կատարել Քո կամքը, ինչ-որ տեղ, ինչ-որ կետում մենք սայթաքում ենք։
Եվ հենց այստեղ է, որ Քո ողորմությունը մեզ համար այնքան կարևոր է։
Ողորմած եղիր այն մարդկանց նկատմամբ, ովքեր ընկել են և վերադառնում են Քեզ։
Ողորմած եղիր նրանց նկատմամբ, ովքեր ընկել են և դեռ ճանապարհ են փնտրում դեպի Քեզ։
Լույս տուր նրանց։ Բացի՛ր նրանց աչքերը։
Ողորմի՛ր մեր ընտանիքներին։
Ողորմի՛ր մեզ և առաջնորդի՛ր մեզ, որպեսզի մենք էլ կարողանանք ողորմած լինել ուրիշների նկատմամբ։
Սովորեցրո՛ւ մեզ մեծահոգի լինել, չպահել վրեժխնդրություն, քենություն և թշնամություն մեր սրտերում։
Սովորեցրո՛ւ մեզ ոչ միայն ասել՝ «ներում եմ», այլ անհրաժեշտության պահին մոտենալ, ձեռք մեկնել և օգնել։
Այս ամենը խնդրում ենք Հիսուս Քրիստոսի անունով։
**Ամեն։**
---
Սիրելի՛ քույրեր և եղբայրներ, Աստված օրհնի ձեզ։
Եթե այս խոսքը օգտակար եղավ ձեզ համար, **բաժանորդագրվեք մեր ալիքին, հավանեք տեսանյութը, կիսվեք այն ձեր հարազատների և ընկերների հետ և մեկնաբանություններում գրեք ձեր մտքերը**։
Ձեր մասնակցությունը նույնպես ծառայություն է։
### **«Ձեր Ձայնը՝ Աստծու Փառքին»։**
Աստված օրհնի ձեզ։ Կտեսնվենք հաջորդ շաբաթ։
1 week ago |[YT] | 77
View 4 replies
The Resurrected
ԵՓԵՍԱՑԻՆԵՐԻՆ — Ինչո՞վ ենք փրկվել՝ ըստ Եփեսացիներ 2:8-ի։
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
1 week ago |[YT] | 290
View 11 replies
The Resurrected
Բարև ձեզ, սիրելի՛ քույրեր և եղբայրներ։
Այսօր մեր հերթական աղոթքի օրն է։ Այս առավոտ, երբ բացեցի աչքերս, առաջին միտքը, որ եկավ սրտիս, մարդու կյանքի կարճ ընթացքն էր և այն դատարկությունը, որը միայն Աստված կարող է լցնել։
Այսօր ուզում եմ, որ միասին աղոթենք հատկապես նրանց համար, ովքեր դեռ չեն ճանաչել Աստծուն, ովքեր իրենց ներսի դատարկությունը փորձում են լցնել այս աշխարհով։ Գուցե նրանց մեջ են մեր զավակները, մեր քույրերն ու եղբայրները, մեր ծնողները, ազգակիցներն ու բարեկամները։
Եկե՛ք այսօր նրանց բերենք Աստծու առաջ և մեկ սրտով, մեկ հոգով բարձրացնենք մեր աղոթքը։
**Աղոթք**
Սուրբ ողորմությանդ շողերի տակ աչքերս եմ բացել, ո՜վ Տեր ամենայն, և առաջին իսկ պահին իմ մտքում Դու ես եղել։
Հա՛յրս, չգիտեմ՝ ինչու, բայց գիշերը փակում եմ աչքերս՝ Քո անունը շնչելով, և առավոտյան, երբ կրկին բացում եմ աչքերս, առաջին միտքս խոնարհումն է Քո մեծությանդ առաջ՝ նորից Քո մասին մտածելով։
Գիտե՞ս, Աստված իմ, մարդու կյանքը մի ընթացք է՝ կազմված բազմաթիվ օրերից։ Սակայն ավելի մեծ ճշմարտությունն այն է, որ այդ օրերն իրենց իսկական իմաստն են ստանում, երբ լուսավորվում են Քո անվան ներքո։
Ուրախություններն ու տխրությունները հերթով շարվում են մարդու կյանքի օրերի մեջ։ Օրերն անցնում են, տարիներն անցնում են, և մարդը հաճախ չի էլ նկատում, թե որքան արագ է անցնում իր կյանքը։
Սակայն, Աստված իմ, ինչպես Քո Խոսքն է ասում, մարդիկ, ճանաչելով հանդերձ Քեզ, Քեզ չփառավորեցին որպես Աստված և Քեզ չտվեցին այն պատիվը, փառքն ու երկրպագությունը, որ միայն Քեզ է պատկանում։ Եվ հեռանալով Քեզանից՝ նրանք գնացին այն ճանապարհով, որով փորձում են իրենց ներսի դատարկությունը լցնել աշխարհով։
Բայց աշխարհը չի կարող լցնել այն տեղը, Աստված իմ, որը միայն Քեզ է պատկանում։
Այդ պատճառով այն ուրախությունը, որ նրանք փնտրում են աշխարհում, ժամանակավոր է։ Այն կարող է մի պահ ուրախություն թվալ, բայց հետո դատարկություն թողնել մարդու ներսում։ Եվ երբ մարդն իր ամբողջ կյանքը կառուցում է այդ անցողիկ ուրախությունների վրա, վերջում նրա ճանապարհը տանում է կորստի։
Դու մեզ կյանք ես շնորհել, Աստված իմ։
Եվ երբ նորից հաշվում եմ մարդու օրերը, հասկանում եմ, որ եթե խորությամբ նայենք, մեր կյանքն իսկապես շատ կարճ է, Տե՛ր։
Կարծես մի երազ լինի. սկսվում է մի ակնթարթում և ավարտվում մյուս ակնթարթում։ Այդպես է նաև մարդու կյանքը, Աստված իմ։
Սկսվում է ծննդյան մի ակնթարթով և ավարտվում մահվան մի ակնթարթով։
Եվ այդ երկու ակնթարթների միջև մարդուն տրված է ժամանակ, որպեսզի ճանաչի Քո անվան մեծությունը, հասկանա Քո Որդու զոհաբերությունը և իր էության մեջ ճանաչի Քո Սուրբ Հոգու ներկայությունը։
Հա՛յր իմ, այսօրվա մեր խմբակային աղոթքը բերում եմ Քո առաջ հենց այդ նպատակով և այդ խնդրանքով։
Ազատագրի՛ր այդ մարդկանց հոգևոր կուրությունից։ Լուսավորի՛ր նրանց միտքը, սիրտն ու հոգին, որպեսզի ճանաչեն Քեզ և միայն Քեզ։
Որովհետև, Աստված իմ, այդ մարդկանց մեջ կարող են լինել մեր զավակները, մեր քույրերն ու եղբայրները, մեր ծնողները, մեր ազգակիցներն ու բարեկամները։
Դրա համար իմ ամենօրյա աղոթքներից մեկն այս է, Աստված իմ. տուր ինձ և ինձ լսողներին այնպիսի ականջ, որ կարողանա լսել Քո ձայնը և ընդունել այն։
Եվ տուր մեզ այնպիսի սիրտ, որ ընդունի Քո ճշմարտությունը, խորությամբ հասկանա այն և ճանաչի Քո մեծությունն ու Քո ողորմությունը։
Թող այդ ճշմարտությունը մեր սրտերը խոնարհեցնի Քո առաջ։
Եվ թող Քո լույսը լուսավորի մեր էությունը, մեր միտքն ու մեր հոգին, որպեսզի մենք էլ դառնանք այն լույսի նման, որը դրված է աշտանակի վրա և լուսավորում է ոչ միայն մեկ անկյուն, այլ ամբողջ տունը։
Դրա համար, Աստված իմ, խոնարհվում եմ Քո առաջ այս խնդրանքով։
Աստված իմ, Քո անսահման սիրո աղբյուրները հոսում են ամբողջ մարդկության վրա։ Տուր մեզ ճշմարիտ հասկացողություն, որպեսզի կարողանանք մեր կյանքի մեջ որքան հնարավոր է շատ ընդունել այդ սիրուց և հետո այդ նույն սերը փոխանցել մեր ընտանիքներին, մեր ընկերներին, մեր հարազատներին, մեր ազգին և մեր երկրին։
Օգնի՛ր մեզ, Աստված իմ, որ Քո ճշմարտությունն ու Քո մեծությունը կարողանանք տարածել մարդկանց մեջ։
Որովհետև Դու տալիս ես մարդուն, երբ մարդը բացում է իր սիրտը և ցանկանում է ընդունել Քեզ։
Տե՛րս, իմ էության դատարկությունը միայն Դու կարող ես լցնել։
Ես չգիտեմ, Աստված իմ, թե վաղը ինչ ալեկոծություններ կարող են գալ իմ կյանքում։ Չգիտեմ նաև, թե ինչ փորձություններ դեռ պիտի անցնեմ։
Բայց ես մի բան եմ ուզում, մի բան եմ փափագում՝ որ Քո սերն այնքան լցնի իմ ամբողջ էությունը, որ կարողանամ հաղթահարել և դիմակայել իմ ճանապարհին հանդիպող բոլոր փորձություններին։
Խոնարհվում եմ, Տե՛ր, Քո մեծության, Քո անսահման և անծայրածիր մեծության առաջ, որի ամբողջ խորությունը մարդկային միտքը մինչև այսօր չի կարողացել ըմբռնել։
Սակայն Քո Սուրբ Հոգու միջոցով, ինչպես Քո Որդին է սովորեցնում մեզ, մենք կարող ենք հաղորդակից լինել Քո մեծությանն ու Քո ողորմությանը։
Եվ խոնարհվում եմ, Աստված իմ, Քո մեկ Աստվածության՝ Հոր, Որդու և Սուրբ Հոգու առաջ։
Մեր այս աղոթքը բարձրացնում ենք Քո առաջ՝ մեր Տեր և Փրկիչ Հիսուս Քրիստոս Նազովրեցու անունով։
**Ամեն։**
**Վերջաբան**
Սիրելի՛ քույրեր և եղբայրներ, շնորհակալ եմ, որ այսօր ևս միացաք մեր աղոթքին։
Եթե այս աղոթքը նաև ձեր սրտի աղոթքն է, մեկնաբանություններում գրե՛ք **«Ամեն»**։ Եթե ունեք որևէ մեկին, ում համար ցանկանում եք, որ միասին աղոթենք, կարող եք գրել նրա անունը կամ պարզապես թողնել ձեր աղոթքի խնդրանքը։
Բաժանորդագրվե՛ք **The Resurrected — «Հարուցյալը»** ալիքին, հավանե՛ք այս տեսանյութը և տարածե՛ք այն ձեր հարազատների ու բարեկամների հետ, որպեսզի այս աղոթքը հասնի նաև այն մարդուն, ով այսօր դրա կարիքն ունի։
Եվ մի՛ մոռացեք մեր **«Ձեր ձայնը՝ Աստծու փառքին»** ծառայությունը։ Եթե Աստված գործել է ձեր կյանքում, եթե ունեք վկայություն, երգ կամ խոսք, որով ցանկանում եք փառավորել Տիրոջը, կիսվե՛ք մեզ հետ։
Աստված օրհնի ձեզ, ձեր ընտանիքները, ձեր զավակներին և ձեր տները։
Մինչև մեր հաջորդ հանդիպումը։
**Մարանաթա։ Տե՛ր Հիսուս, ե՛կ։**
1 week ago |[YT] | 33
View 7 replies
The Resurrected
ԳԱՂԱՏԱՑԻՆԵՐԻՆ — Ի՞նչ է հնձում մարդը՝ ըստ Գաղատացիներ 6:7-ի։
🙏 Գրեք ձեր պատասխանը մեկնաբանություններում։
Եթե սիրում եք Աստծո Խոսքը, գրեք Ամեն։
👍 Սեղմեք հավանելու կոճակը, 🔔 բաժանորդագրվեք և միացրեք ծանուցումները։
📤 Կիսվեք այս հղումով, որպեսզի ուրիշներն էլ մասնակցեն Աստվածաշնչյան հարցաշարին։
🎙️ «ՁԵՐ ՁԱՅՆԸ՝ ԱՍՏԾՈՒ ՓԱՌՔԻՆ»
🎵 Եթե Աստված Ձեր սրտում դրել է որևէ հոգևոր ստեղծագործություն՝ երգ, աղոթք, վկայություն, բանաստեղծություն, պատգամ կամ այլ նյութ, ուղարկե՛ք այն մեզ։
✨ Ձեր ձայնը նույնպես կարող է ծառայել Աստծու փառքին և օրհնություն դառնալ շատերի համար։
📧 john@theresurrectedministry.org
🤝 Սիրով սպասում ենք Ձեր մասնակցությանը։
🔥 Մարանաթա՛։ Ե՛կ, Տե՛ր Հիսուս։
1 week ago |[YT] | 283
View 7 replies
Load more