Zenith Myanmar

Ethic(ကျင့်ဝတ်)ဆိုတာနေရာတိုင်း လူတိုင်းအပေါ်မှာ ထားရှိရမယ့် စည်းကမ်းပါ။တဖက်လူက မပြောလည်း သိတတ်နားလည်ရပါမယ်။
ဒါကို ကျင့်ဝတ်လို့ခေါ်ပါတယ်။
လူတစ်ယောက်မှာ အခြေခံအကျဆုံးက
Self Acceptance ပြီးရင်
Ethic ရှိမှုပဲ။

လူ့ကျင့်ဝတ် လူ့စည်းကမ်းကို
လိုက်နာနိုင်မှသာ
လူတစ်ယောက်ရဲ့ Real Value ကို Define လုပ်တယ်။
လိုက်နာမှု မရှိရင်တော့
လူတောမတိုးတဲ့အပြင်
ဒီလို လူမျိုးကို လူ့အောက်တန်းစားလို့ဘဲ ခေါ်ဆိုရပါလိမ့်မယ်....
ဒီလို တိုးတက်နေတဲ့ ခေတ်ကြီးထဲမှာ
လူ့ပတ်၀န်းကျင်မှာတင် မဟုတ်ဘဲ
Social mediaတွေမှာပါ
လူ့ကျင့်ဝတ် လူ့စည်းကမ်းတွေကို
သိသိရက်နဲ့ ကျူးလွန်နေကြတာပါ

ဒီစကားဟာ ငါပြောသင့်ရဲ့လား
ငါမပြောသင့်ဘူးလား
ဝေဖန်ပိုင်းခြားမှုမရှိဘဲ
စကားတွေကို လက်လွှတ်စပယ်
ပြောတတ်လာကြပါတယ်
ကိုယ်ပြောလိုက်လို့ တဖက်လူ
ထိခိုက်သွားမယ်ဆိုတဲ့ အတွေး
တစက်မှ မတွေးတဲ့အပြင်
လူ့ကျင့်ဝတ်ကို
ဆင်ခြေဆင်လက်တွေပေးပြီး
ပါးစပ်အရသာခံ
ဖောက်ပျက် ကျူးလွန်နေကြတာပါ
ကြမ်းကျွံရင်တောင် နှုတ်လို့ရပါတယ်
စကားကျွံသွားရင်တော့
နှုတ်မရတော့ပါဘူး

ကိုယ့်ဦးနှောက် brain ဘယ်လောက် ကောင်းလဲဆိုတာထက် ကိုယ့်နှလုံးသား လူသားဆန်မှုက ပိုအရေးကြီးတယ်

Ethic ဆိုတာ...

( သူတပါးရဲ့ Personal ကို အလွန်အကျွန် စပ်စုခြင်းကနေ ရှောင်ကြဉ်တာ။ )

( သူတပါးရဲ့ အားနည်းချက်ကို Public မှာ ချနင်းပြီး နာမည်ပြောင်နဲ့ အနိုင်ကျင့်စော်ကားခြင်းကနေ ရှောင်ကြဉ်တာ။ ဥပမာ- (informationကို Direct မစုံစမ်းဘဲ Directမပြောဘဲတပါးသူပြောစကားတစ်ဖက်နားယောင်ပြီးမိမိတွေးထားသည့်အတွေးတိုင်း လက်လွတ်စပယ်ပြောဆိုတာ

( သန့်ရှင်းထားတဲ့ Public မှာ တံတွေးမထွေးတာ။ အပေါ့မသွားတာ။ )

( ကျေးရွာ/ရပ်ကွက်ထဲ နာရေးရှိချိန် သီချင်း အကျယ်ကြီး မဖွင့်တာ။ ငိုနေတဲ့ အသုဘရှင်ရဲ့ မျက်နှာကို စူးစိုက်ပြီး မကြည့်တာ။ )

( သူတပါးတွေ အိပ်စက်အနားယူချိန်မှာ သီချင်း
မဖွင့်တာ။
စပီကာဖွင့်ပြီး Game မဆော့တာ။
ပစ္စည်းကိုဝုန်းဝုန်းဒိုင်းဒိုင်း မချတာ။ )

Public aeraမှ ဖုန်းပြောရင်
အကျယ်ကြီးမပြောတာ

တစ်ပါးသူ အိပ်နေရင်
ခြေသံဖွဖွနင်းတာ phone silentလုပ်ပေးထားတ

တစ်ပါးသူ အစားစားလေချိန်
လေမလည်တာ လေချဉ်မတက်တာ
ရွံစရာတွေမလုပ်တာ

( ကိုယ့်ရှေ့မှာ ဟန်ချက်ပျက်ပြီး ခလုပ်တိုက်လဲလို့ ရှက်ကို့ရှက်ကန်း ပြန်ထသွားတဲ့ လူကို မမြင်ချင်ယောင် ဆောင်ပေးတာ။ )

ဒါတွေဟာ Ethic (ကျင့်ဝတ်) တွေပါပဲ။ ဒီထက်လဲ ပိုတဲ့ လူ့ကျင့်ဝတ်တွေလဲ အများကြီး ရှိပါသေးတယ်။

အပေါ်က အချက်တွေကိုပဲ နားလည်သဘောပေါက်ရင်ပဲ ကျင့်ဝတ်ရှိတဲ့ အထက်တန်းစားတစ်ယောက် ဖြစ်ဖို့က မခဲယဉ်းတော့ပါဘူး။

အမှန်က သင်ဘယ်မှာနေလဲက အရေးကြီးတာ မဟုတ်ဘူး။ သင် ဘယ်လိုနေလဲဆိုတာကသာ အရေးကြီးတာ။

မှားယွင်းတဲ့ /အတွေး/ အယူဝါဒ / အယူအဆတွေ ပယ်နိုင်ဖို တရားအသိတွေ ရှိနေဖို.လိုတယ်

အနှစ်ချူပ်ရင်တော့ ဆိုခဲ့သလိုပါပဲ။ သင်ဘယ်မှာနေလဲက အရေးကြီးတာ မဟုတ်ပါဘူး။ သင် ဘယ်လိုနေလဲ ဆိုတာကသာ အရေးကြီးတာပါ။

အသက်ရှင်ရတဲ့ အချိန်ခဏလေးမှာ သူများမကောင်းကြောင်းကိုယ့်ကောင်းကြောင်း ပြောပြီ
မဟုတ်တာတွေနဲ့အချိန်ကုန် အကုသိုလ် ကံ၃ပါး
ဖြစ်တည်မူကနေ ကင်းဝေးကြပါစေ။
လူလောကအချိန်တိုလွန်းလိုပါ။
#MyThought

Ethic ဆိုတာ
(လူ့ကျင့်ဝတ် လူ့သိက္ခာ) လေဗျာ
ထိုအရာကို လူမဟုတ် လူသားမဆန်တဲ့သတ္တဝါတွေက ဘယ်သိပါလိမ့်မလဲ!
ဘယ်နားလည်နိုင်ကြပါလိမ့်မလဲ!

ထိုကြောင့် သောကြောင့်

အာ့တွေကို ဇွတ်အတင်းရှင်းပြနေလည်း
ဟိုဗမာစကားပုံလိုဖြစ်ကုန်မှာပေါ့
👇👇👇
(ကျွဲပါးစောင်းတီး ကျီးနားစာဖတ်)
Ethic = လူ့ကျင့်ဝတ် / ကိုယ်ကျင့်သိက္ခာ /ကျင့်ဝတ်တရား / ကိုယ်ကျင့်တရား / လူ့ကျင့်ဝတ်တရားဆိုင်ရာပညာ

(ရှိကြပါစေ / ကောင်းကြပါစေ။)

ထိုကြောင့် သောကြောင့်
အရှက်တရား မကင်းမဲ့ကြပါစေ နှင့်
လူကျင့်ဝတ် /လူ့သိက္ခာ /လူသားဆန်မှု့တို့ကို
နားလည်လေးစားတန်ဖိုးထားနိုင်ကြပါစေ။

crd;

6 hours ago | [YT] | 161

Zenith Myanmar

" အထက်တန်းကျတဲ့ လူ "
လူတစ်ယောက် ချမ်းသာသွားတဲ့အခါ
စကားသံတွေကအစ ပြောင်းလဲသွားတယ်။

လူတစ်ယောက် လုပ်ငန်းခွင်မှာ
လုပ်ပိုင်ခွင့်ပေးလိုက်တဲ့ အခါမှာ
ထိုသူရဲ့ အစွမ်းအစကို ပိုသိလာတယ်။

လူတစ်ယောက် ပါဝါရှိသွားတဲ့အခါမှာ
တစ်ကိုယ်ကောင်းဆန်ခြင်း မဆန်ခြင်းတွေ
လူအများစုက ပိုသိလာတယ်။

လူတစ်ယောက် ရိုင်းစိုင်းတယ်
ယဉ်ကျေးတယ် ဆိုတာ
ထိုသူဖြတ်သန်းလာသည့် ဘဝပေး
အခြေအနေကို အကဲခတ်ယူနိုင်တယ်။

လူတစ်ယောက်
ဂုဏ်မက်သည် မမက်သည်ကို
ထိုသူရဲ့အပေါင်းအဖော်တွေ ကြည့်ပြီး
ခန့်မှန်း ယူနိုင်တယ်။

လူတစ်ယောက်
ဉာဏ်ရည် ထက်မြက်သည်
မထက်မြတ်သည်ကို ထိုသူဖတ်သည့်
စာပေ အတွေးအခေါ်တွေကြည့်ပြီး
သုံးသပ်နိုင်တယ်။

လူတစ်ယောက်
ဘာသာရေး လိုက်စားသည်
မလိုက်စားသည်ကို ထိုသူရဲ့
စာအရေးအသား ယဉ်ကျေးမှု
ရိုင်းစိုင်းမှုတွေက သက်သေပြသွားပါတယ်။

ဘယ်လောက်ပဲ အထက်တန်းကျပါသည် ကြွေးကြော် နေပါစေ..
စိတ်ဓါတ် အပြောအဆို ညှာတာသနားတတ်ခြင်း
ငါတကော မကောခြင်း
ဘဝင် မမြင့်ခြင်း
ကိုယ်အမူယာ နှုတ်အမူယာ မရမ်းကားခြင်း
ကြမ်းတမ်းသော နှုတ်ထွက်စကား
မပြောဆိုခြင်း ရှိနေမယ်ဆိုလျှင်

တကယ့် အထက်တန်းကျသည့်
ပုဂ္ဂိုလ်မည်ပါ လိမ့်မယ်...


Credit

6 hours ago | [YT] | 428

Zenith Myanmar

///အတွေးခေါ်ကောင်းတွေ ရှိနေပါလျက်နဲ့
ဘယ်လို ဖွင့်ထုတ်ရမလဲ မသိဖြစ်နေတဲ့အခါ စာဖတ်ပါ......။
အကောင်းဆိုး အကြောင်းကျိုးကို ဝေခွဲမရ
ဖြစ်နေတဲ့အခါ စာဖတ်ပါ......။
အခက်ခဲတစ်ခုကို ရင်ဆိုင်ကြုံတွေ့နေရပြီး ကျော်ဖြတ်ရန် တွေဝေနေတဲ့အခါ
စာဖတ်ပါ.....။///

///အမြင့်ကိုတက်နိုင်ရန် ခွန်အားတွေရှိနေပါလျက်နဲ့ ဘယ်ကစတက်ရမယ် ဆိုတာ မသိဖြစ်နေတဲ့အခါ စာဖတ်ပါ......။
အချစ်က ဘ၀ကိုဖဲ့စားသွားလို့ ပြန်လည် ဖာထေးဖို့ အကြံဉာဏ်တွေလိုအပ်နေတဲ့အခါ စာဖတ်ပါ.....။
တစ်ယောက်တည်း အထီးကျန်ဆန်သလို ခံစားနေရတဲ့အခါ စာဖတ်ပါ.....။
ခံစားရတဲ့ဝေဒနာတွေကို ဘယ်သူ့မှထုတ်ဖော်ပြလို့မရပဲ စိတ်ဓာတ်ကျဆင်းနေတဲ့အခါ စာဖတ်ပါ......။///

////သူတို့တွေဘာကြောင့် အောင်မြင်နေသလဲဆိုတာ သိချင်လာပြီး ငါလည်း အောင်မြင် ချင်လိုက်တာလို့ တွေးမိတဲ့အခါ
စာဖတ်ပါ.....။
မိမိရဲ့ စိတ်ဝိဉာန်တွေ ထိန်းလို့မရအောင်ပျံ့လွင့်နေတဲ့အခါ စာဖတ်ပါ.....။
ဘယ်လိုအကြောင်းရာတွေပဲတိုက်ခိုက်လာပါစေ မိမိက စာပေဗဟုသုတ ပြည့်၀တဲ့လူတစ်ယောက်ဆိုရင်……
အရာတိုင်းကို အေးချမ်းစွာ ဖြတ်သန်းနိုင်မှာ သေချာပါတယ်။
အလုပ်တွေမအားလို့ စာဖတ်ဖို့အချိန်မရပါဘူးဆိုတဲ့ ဆင်ခြေစကားဟာ လူဖျင်းတွေရဲ့ လက်သုံးစကားဖြစ်တယ်။
သူတို့တွေဘာကြောင့် ထိပ်တန်းရောက်နေကြသလဲဆိုရင် အခြေခံအုတ်မြစ်က စာ
ပေဗဟုသုတ များခဲ့လို့ပါ။////

////စာဖတ်တဲ့လူတိုင်းက လူလိမ္မာ သူတော်ကောင်းလို့ မဆိုလိုပေမဲ့ လူလိမ္မာ သူတော် ကောင်းတိုင်း စာဖတ်ကြတယ်။
စာဖတ်အားကောင်းလာတာနဲ့ လူတစ်
ယောက်ဟာ ပြဿ နာတစ်ခုခုကြုံခဲ့
တယ်ဆိုရင်တောင် မိမိစိတ်က ဦးနှောက်ကို သတိပေးတတ်တယ်
ပြောသင့်၏၊ မပြောသင့်၏၊
လုပ်သင့်၏ မလုပ်သင့်၏
ဆိုတဲ့ သတိလေးက ကပ်ပါလာတော့
အမှားနည်းလာတာကို သိရမှာပါ။
လူတစ်ယောက်ကို အဓိက လုပ်ဆောင်တာက စိတ်ပါ
အဓ်ိက ကျတဲ့ စိတ်ကို အစာကျွေးခြင်းကတော့ စာဖတ်ခြင်းပါပဲ....။
စာဖတ်တာများလေလေ စိတ်ကအားကောင်းလာလေ စိတ်က အားကောင်းလာလေ လူကလုပ်ဆောင်ရည်ပိုမြင့်တတ်လာလေပါပဲ....။
ဒါကြောင့် စာဖတ်ပါ....။
အခမဲ့ စာဖတ်ပါ....။///

///လူတောတိုးရတဲ့အခါ စာဖတ်သူနဲ့ စာမဖတ်သူက အရမ်းကွာခြားသွားပါတယ်။
စာဖတ်ပြီး ဗဟုသုတ ကြွယ်၀တဲ့လူဟာ
ဘယ်လို ပညာရှိတွေနဲ့ပဲ တွေ့ကြုံရပါစေ
အမြဲတမ်းခေါင်းမော့လျက်ပါပဲ
မိမိကိုယ်ကို ယုံကြည်မှုအပြည့်၀ရှိတယ်။
စာမဖတ်တဲ့လူကတော့ အလိုလို သိမ်ငယ် နေရတတ်တယ်။
ဒါကြောင့် မိမိရဲ့ အချိန်တွေထဲက
စာဖတ်ချိန်လေးတော့
နည်းနည်းခွဲပေးလိုက်ကြပါ.....။////

6 hours ago | [YT] | 101

Zenith Myanmar

#ဘဝပြောင်းချင်ရင်စိတ်ကိုဘာကြောင့်ပြောင်းသင့်သလဲဆိုတာ

ဘဝက တစ်ခါတစ်ရံ အခက်အခဲတွေနဲ့
အနက်ရောင်မိုးတိမ်တွေနဲ့ လုံလောက်စွာ
ဖုံးလွှမ်းသွားနိုင်ပါတယ်။

အဲဒီအချိန်မှာ အနာဂတ်က အလင်း
တစ်စက်ပဲမပေါ်တော့သလို၊ ထွက်ပေါက်
မရှိတဲ့ ဝင်္ကပါထဲ ညှပ်ထားသလို
ခံစားရတတ်ပါတယ်။

ဒါပေမယ့် အမှန်တရားကတော့
ဘဝထဲမှာ အဖြေမရှိတဲ့ ပြဿနာဆိုတာ
မရှိပါ။ဘဝဟာ အမြဲတမ်း မျှော်လင့်ချက်တစ်စင်း၊ နောက်တစ်လမ်းလေးကို ထားပေးထားပါတယ်။

လမ်းမတွေ့တော့ဘူး၊ အဖြေပျောက်
သွားပြီးလို့ ထင်သည့်အချိန်တောင် မင်းကို
အဲ့ဒီနေရာကို လှမ်းပို့ခဲ့တဲ့သူက
အခြားသူမဟုတ်ဘဲ မင်းရဲ့ အတွေးတွေ
ဖြစ်ကြောင်း သတိရဖို့လိုပါတယ်။

အဲဒီကြောင့်
မင်းဘဝကို ပြောင်းချင်တယ် ဆိုရင်
အရင်ဆုံး စိတ်ထဲက မကောင်းတဲ့အတွေး
တွေကို ထိန်းချုပ်နိုင်ဖို့ ကြိုးစားပါ။
စိတ်ကို ပိုင်နိုင်တဲ့သူက
ဘဝကိုလည်း ပိုင်နိုင်မယ်။

မကိးကိုမင်းသိလာတဲ့အခါ၊
ကိုယ့်အတွေးတွေကို သေချာ
စမ်းသပ်ကြည့်နိုင်တဲ့အခါ အဲ့ဒီအချိန်ကစပြီး
မင်းဘဝဟာ တစ်စစ်ချိုး ပြောင်းလဲသွားမယ်။

စိန်တစ်လုံးဟာ ဖိအားအောက်မှာ
သာ ဖွားထွက်လာနိုင်တဲ့ ကျောက်မီးသွေး
တစ်ပိုင်းပဲ ဆိုတာကို အခက်အခဲတွေ၊
ဖိအားတွေကို မိမိကိုယ်ပိုင် စိတ်ဓာတ်နဲ့
ကြုံမယ်ဆိုရင်၊ အလင်းတန်းထွက်တဲ့
တန်ဖိုးရှိတဲ့ မင်းဘဝတစ်ခု ဖြစ်ပေါ်လာမယ်။

ဘဝမပြောင်းခင် စိတ်ကို
အရင်ပြောင်းပါ။ ဒါဟာ အကြီးမားဆုံး
ရွေးချယ်စရာလမ်းပဲဖြစ်တယ်။
ဖိအားကြောင့် စိန်တတုံး ဖြစ်လာတာပါ

သင်ဟာ ကျောက်မီးသွေးမဟုတ်ပါ
သင်သည် အဖျိုးတနျသော
စိန်တစ်လုံးဖြစ်သည်(သို့သော်) စိတ်ကိုတော့အရင်ပြောင်းဖို့ လိုပါသည်။

#crd_to_owner_with_respect
#fypシ

7 hours ago | [YT] | 1,056

Zenith Myanmar

စကားပြောနည်း
************
ဖတ်ကြည့်နော်…

#လူတွေနဲ့ စကားပြောရင်…
သိပ် မပွင့်လင်းနဲ့။
ကွယ်ရာကျ ကဲ့ရဲ့တတ်တယ်။

#လူတွေနဲ့ စကားပြောရင်…
သိပ် မရောလိုက်နဲ့။
ကိုယ့် အားနည်းချက်ကို
နင်းသွားတတ်တယ်။

#လူတွေနဲ့ စကားပြောရင်…
သိပ် မစပ်စုနဲ့။
အထင်သေး အမြင်သေး
ပြန်ကြည့်တတ်တယ်။

#လူတွေနဲ့ စကားပြောရင်…
သိပ် မဝေဖန်နဲ့။
ရွံစရာလူလို့ သတ်မှတ်တတ်တယ်။

#လူတွေနဲ့ စကားပြောရင်…
သိပ်မချီးကျူးနဲ့။
မရိုးသားသူလို့ မြင်သွားတတ်တယ်။

#လူတွေနဲ့ စကားပြောရင်…
ဖြတ်မပြောနဲ့။
မယဉ်ကျေးသူလို့ သတ်မှတ်တတ်တယ်။

#လူတွေနဲ့ စကားပြောရင်…
သိပ် မမေးပါနဲ့။
မပေါင်းသင့်သူလို့ သတ်မှတ်တတ်တယ်။

#လူတွေနဲ့ စကားပြောရင်…
သိပ် အတင်းမပြောနဲ့။
သူ့ အကြောင်းလည်း
တခြားလူတွေကို သင် ပြောမှာပဲလို့
သတ်မှတ်တတ်တယ်။

#သိထားရမှာက…
လူတိုင်းက
စိတ်သောက များကြတဲ့အတွက်
ပေါ့ပေါ့ပါးပါး
စိတ်ချမ်းသာစရာ စကားပဲ
ကြားချင်ကြတယ်။

#ဒါကြောင့်…
သူတစ်ပါး စိတ်ချမ်းသာဖို့
အဓိကထား ရည်ရွယ်၍ ပြောဆိုပါ။

စကားဆိုတာ…
အမှန်တရား ဖြစ်စေဦးတော့
ပြောသင့် မပြောသင့် ချင့်ချိန်ပါ။

မှန်တဲ့စကားက
နားထောင်သူအတွက်
အကျိုးရှိကောင်း ရှိမယ်။

ပြောတဲ့သူအတွက်တော့
အန္တရာယ် အသွယ်သွယ်
ရန်အသွယ်သွယ်
ဖြစ်ပွားတတ်တယ်နော်။

အလွန်ရင်းနီးသူပင် ဖြစ်ပါစေ
စကားကို ချင့်ချိန်ပြောလိုက်ပါ။

Credit-

မေတ္တာဖြင့်…

1 day ago | [YT] | 2,420

Zenith Myanmar

ကိုယ်စိုက်တာ ကိုယ်ပြန်ရမယ်

✍️✍️လောကမှာ…
ရိုးသားမှုကို စိုက်ရင်…
ယုံကြည်မှုကို ပြန်ရမယ်။

✍️✍️ကောင်းမြတ်ခြင်းကို စိုက်ရင်…
ခင်မင်ရင်းနှီးမှုကို ပြန်ရမယ်။

✍️✍️နှိမ့်ချ ရိုကျိုးမှုကို စိုက်ရင်…
ကြီးမြတ်ခြင်းကို ပြန်ရမယ်။

✍️✍️ဇွဲလုံ့လကို စိုက်ရင်…
အောင်မြင်မှုကို ပြန်ရမယ်။

✍️✍️စာနာထောက်ထားမှုကို စိုက်ရင်…
မျှတမှုကို ပြန်ရမယ်။

✍️✍️ကြိုးစားရင်…
အောင်မြင်မှုကို ပြန်ရမယ်။

✍️✍️ခွင့်လွှတ်ရင်…
ပြေလည်မှုကို ပြန်ရမယ်။

✍️✍️ပွင့်လင်းရင်…
ရင်းနှီးမှုကို ပြန်ရမယ်။

✍️✍️သည်းခံရင်…
တိုးတက်မှုကို ပြန်ရမယ်။

✍️✍️ယုံကြည်ရင်…
ထူးခြားမှုကို ပြန်ရမယ်။

✍️✍️ဒါပေမဲ့…
မရိုးသားရင်…
မယုံကြည်မှုကို ရမယ်။

✍️✍️အတ္တကြီးရင်…အထီးကျန်မယ်။
မာနကြီးရင်…ပျက်စီးမယ်။
မနာလိုရင်…ဒုက္ခရောက်မယ်။
ပျင်းရင်…ကျဆုံးမယ်။
မုန်းတီးရင်…အထီးကျန်မယ်။

✍️✍️လောဘကြီးရင်…ဆုံးရှုံးမယ်။
အတင်းပြောရင်…ရန်သူပေါမယ်။
စိုးရိမ်ရင်…သိမ်ငယ်မယ်။
အပြစ်လုပ်ရင်…
လိပ်ပြာမသန့် ဖြစ်မယ်။

✍️✍️ဒါကြောင့်…
ကိုယ်စိုက်တာ
ကိုယ်ပြန်ရတတ်တယ်ဆိုတာကို
အမြဲ သတိထားကြပါ။

✍️✍️ငါ ဘာစိုက်ရင်
ဘာရမယ် ဆိုတာကိုလည်း
စိတ်ထဲမှာ တွေးထား။
မဟုတ်တဲ့အပင်တွေတော့
မစိုက်မိပါစေနဲ့။

4 days ago | [YT] | 1,549

Zenith Myanmar

ကျားတစ်ကောင်လိုနေထိုင်ပါ ဘယ်သူ့ကိုမှဒုက္ခမပေးပါနဲ့

ကျားတစ်ကောင်ဟာ
အချိန်တိုင်း ဟိန်းဟောက်နေဖို့ မလိုပါဘူး။ ဒါပေမဲ့ သူ့မှာ တိတ်ဆိတ်ခြင်းထဲမှာ အာဏာရှိတယ်၊

တည်ငြိမ်ခြင်းထဲမှာ သိက္ခာရှိတယ်၊ ပြီးတော့ "ကိုယ်က ကြီးမြတ်တယ်" ဆို တာကို သက်သေပြဖို့ ဘယ်သူ့ကိုမှ လိုက်လံနှိပ်စက်နေစရာ မလိုဘဲ သူ့ရဲ့

ရပ်တည်ချက် ရှိပါတယ်။ လူတွေလည်း ဒီလိုပါပဲ။

ဘယ်လောက်ပဲ ခွန်အားကြီးပါစေ၊ တော် ပါစေ၊ ရဲရင့်ပါစေ။

အဲဒီစွမ်းအားကို ဘယ်သူ့ကိုမှ ထိခိုက် အောင် ဒါမှမဟုတ် ဒုက္ခရောက်အောင် မ သုံးပါနဲ့။

ကျားတစ်ကောင်လို နေထိုင်တယ်ဆိုတာ တခြားသူတွေကို နှိပ်စက်တာ မဟုတ်ပါ ဘူး။

ဒါဟာ တောထဲမှာ ဂုဏ်သိက္ခာရှိစွာ ရပ်တည်နေခြင်း ဖြစ်ပါတယ်။

ကြွားလုံးထုတ်တာ မရှိဘူး၊ ရှုပ်ထွေး အောင် မလုပ်ဘူး၊

ပြီးတော့ ကိုယ့်ကိုယ်ကိုယ် ပိုမြင့်အောင် တခြားသူကို နင်းခြေတာမျိုး မလုပ်ပါ ဘူး။

ဘာလို့လဲဆိုတော့ တကယ် ခွန်အားကြီး တဲ့သူ က..

အသံကျယ်ကျယ် လုပ်နေဖို့ မလိုပါဘူး။ ဒါပေမဲ့ တည်ငြိမ်ပြီး ခိုင်မာတဲ့ လုပ်ရပ် တွေကနေတဆင့် တခြားသူတွေက "ခံစားမိနိုင်ပါတယ်"။

ကျားတစ်ကောင်လို နေထိုင်ပါ... ကိုယ့် ကိုယ်ကိုယ် သိပါ၊ တာဝန်ကို သိပါ၊ ဘယ် အချိန်မှာ ငြိမ်သက်သင့်တယ်ဆိုတာကို သိပါ။

ဒါဟာ သိက္ခာရှိတဲ့လူတစ်ယောက်ရဲ့ စစ် မှန်တဲ့ စွမ်းအား ပါပဲ။
#crd

1 week ago | [YT] | 2,739

Zenith Myanmar

"စိတ်က လူကိုသတ်တယ်"

တွေးပြီးကြောက်နေရင်... မျှော်လင့်ချက်ပျက်စီးတယ်။
အဲ့ဒီအတွေးကြောင်းဘဲ.. လူကိုအရူးဖြစ်အောင် လုပ်တာက စိတ်ဘဲ။

ကြောက်စိတ်ကို ရှေ့မှာထားရင်... ကိုယ့်ရဲ့ ရည်မှန်းချက်တွေ ပျက်စီးနိုင်တယ်။
ကြောက်သွေးပါရင် ဖောက်ထုတ်ပါ။

အသိစိတ်နဲ့သတိစိတ်ကိုအမြဲမွေးထားပါ။
ရည်မှန်းချက်ကို ကြောက်စိတ်က.. မရိုက်ချိုးမိစေနဲ့....

စိတ်က လူကိုသတ်တယ်ဆိုတာ...
ကိုယ်ကိုယ်တိုင်း ဖန်တီးယူလို ဖြစ်လာတာပါ...

အားငယ်တဲ့တတ်တဲ့ ကိုယ့်ရဲ့စိတ်ကိုပြန်ပြီး ဆုံးမပါမျှော်လင့်ချက်တွေ... အပျက်စီးတော့ မခံပါနဲ့

ထားခဲ့ ခံရတယ်ဆိုရင်.. အားနည်းချက်ကို တစ်ဘက်က ကြိုသိနေလိုပါ...

ကိုယ့်ကိုကိုယ်လည်း ယုံကြည်မူအားနည်းလိုပါ

စိတ်သတ်ရင် လူသေတယ် ဆိုတာ အမှန်ဘဲ။

#crd_to_owner_with_respect #crdphoto #crd #စာဖတ်ပါ #ကိုယ်ကိုကိုယ်ချစ်ပါ #MayThu

1 week ago | [YT] | 2,775

Zenith Myanmar

‎ကိုယ့်အကျင့်က ‎လူတစ်ယောက်ကို
‎အလွယ်တကူ မခင်တတ်သလို
‎အလွယ်တကူ မမုန်းတတ်တဲ့အကျင့်
တစ်ခုကျွန်တော်မှာရှိတယ်။
‎
‎အားနာတတ်ပေမယ့်
‎ဘောင်ကျော်လာတဲ့ ဆက်ဆံရေး
တွေဆို ‎ချက်ကျလက်ကျပြန်ပြော
တတ်တဲ့ အကျင့်ကျွန်တော်မှာရှိတယ်။
‎
‎နားလည်ပေးလျက်နဲ့
‎စည်းမစောင့်ကြတဲ့ သူတွေကိုတော့
‎ပြန်လှည့်မကြည့်တတ်တာက
‎ကျွန်တော်အကျင့်ပဲလေ
‎
‎သူတစ်ပါးအကူအညီ
‎မျှော်ကိုးနေတတ်တဲ အကျင့်ထက်
‎ကိုယ်ကူညီလိုက်ရလို့စိတ်ချမ်းသာ
တာကိုပဲမြတ်နိုးတယ်။
‎
‎အမြဲတမ်းတော့
‎ပြုံးပြီးမနေတတ်ပါဘူး
‎စိတ်တိုတဲ့အခါ ဝုန်းဒိုင်းကျဲလိုက်မှ
‎နေရထိုင်ရသက်သာတယ်။
‎
‎စကားကို
‎တုတ်ထိုးအိုးပေါက် ပြောတတ်ပြန်တော့
‎အာလုံးအမြင်မှာ ကိုယ့်စိတ်က
‎ခက်ထန်တယ်ပေါ့လေ။
‎
‎စိတ်မပုတ်
‎အတွင်းမကောက်တတ်သူမို့
‎ပွင့်ပွင့်လင်းလင်း ပြောတတ်ခြင်းဖြင့်
‎ကျင့်သားရနေပါပြီ
‎
‎ရင်ထဲကမပါပဲ
‎အပေါ်ယံဟန်ဆောင်တဲ့ သူတွေကို
‎အကြောင်းသိလာတော့
‎စိတ်ဓာတ်တွေကို
‎ဒဲ့ရွံတယ်
‎
‎ဘဝမှာ
‎မုန်းတဲ့သူရယ်လို့ မရှိပေမယ့်
‎မပတ်သက်တော့ဘူးလို့
‎သတ်မှတ်ထားတဲ့သူတွေတော့ရှိတယ်။

#ဘဝစာပေ #လူငယ် #sansithulin #crd_to_owner_with_respect

1 week ago | [YT] | 2,704

Zenith Myanmar

🔮တချို. ၈နာရီ အိပ်စက်ကြသော်လည်းနိုးလာတဲ့အခါ အိပ်ချင်မူးတူး ဖြစ်နေသေးတယ်။ စိတ်မကြည်လင်၊ မလန်းဆန်းဘူးဖြစ်နေတယ်။

ဘာကြောင့်အဲဒီလိုဖြစ် ရတာလည်းဆိုရင်
စိတ်မှာတင်းကျပ်မှု၊
ခန္ဓာကိုယ်တင်းကျပ်မှုတွေနဲ. အိပ်သွားလို့ဖြစ်ပါတယ်။
ဒါကြောင့်
အားပြန်ပြည့်မှု မဖြစ်နိုင်တော့ဘူး။

သတိမထားပဲ ဆက်သွားလို့ အခန့်မသင့်ခဲ့လျှင် nervous
break down ဖြစ်နိုင်ပါတယ်။

🔮ဆေးပညာ၏လက်တွေ့စမ်းသပ်ချက်။
အမေရိကမှာ ဆေးပညာရှင် တစ်ယောက်၊ ခန္ဓာကိုယ်မှာ electronicsenser တွေ
တပ်ထားပြီ ကွန်ပြူတာနှင့် ဆက်သွယ်ကာ၊ screenမှာ
စောင့်ကြည့် နေခဲ့ပါတယ်။

ခန္ဓာကိုယ်ကို relax လုပ်လိုက် ရင် blood pressure ကျသွားတာ တွေ.ရတယ်။

စိတ်နည်းနည်း ပူတာနဲ
heart beat က တက်လာပြီး၊ စိတ်နည်းနည်းအေးသွားတာနဲ heart beat က လျော့ကြသွားတယ်။

အိပ်ပျော်နေတဲ့အချိန်မှာလည်း အနည်းငယ်သာ လျော့ကြသွားပြီး၊tension တွေရှိနေတာ တွေ.ရတယ်။
၄င်းကို residual tension
လို.ခေါ်တယ်။
" လက်ကျန် တင်းကျပ်မှု " လို.ခေါ်တယ်။

🔮ဘယ်လို အိပ်ကြမလဲ ?

( Enough is enough )

မအိပ်ခင်မှာ အချိန်နည်းနည်း တရားရှုမှတ်ပါ။
( ထိုင်၍ဖြစ်စေ၊လှဲ၍ဖြစ်စေ )

အိပ်မှတ်တဲ့အခါ
ကိုယ့်အသက်ရှုသံကပင် အကျယ်ကြီး
ဖြစ်နေတတ်တယ်။

မှတ်ရင်း၊ မှတ်ရင်း ရှုသံက နူးညံ့လာတယ်။
နောက်ကျရင် အသက်မှ
ရှုရဲ.လားထင်မှတ် ရလောက်အောင် နူးညံ့လာပါတယ်။

စိတ်ဆိုတာက တရားမှတ်နေရင်း အလုပ်ကိစ္စတွေးလိုက်၊ ဟိုတွေးလိုက်၊ သည်တွေးလိုက် ဖြစ်နေတတ်တယ်။
တစ်နေကုန် တွေးခဲ့
လုပ်ခဲ့ပြီးပြီ။ Enough is enough.

⏰ငြိမ်းငြိမ်းချမ်းချမ်း အိပ်ပျော်သွားအောင် ကြိုးစားမယ်လို့ဆုံးဖြတ်၍ တရားမှတ်အိပ်လိုက်ပါ။

🔮 အကျိုးကျေးဇူများ

အနည်းငယ် တရားရှုမှတ်၍ အိပ်စက်ခြင်းသည်

ငြိမ်းငြိမ်းချမ်းချမ်း အိပ်ပျော်သွားတတ်ပေသည်။

အိမ်မက်ဆိုးများ မမက်ပေ။ သောက အိမ်မက်များမမက်ပေ။
၄ နာရီခန်.အိပ်လိုက်ရလျှင် အားပြန်ပြည့်သွားပေသည်။

* တရားရှုမှတ်ရင်းနဲ့
ခန္ဓကိုယ်ရော၊ စိတ်ကိုရော လျှော့ပြီးတော့
ငြိမ်းချမ်းသွားတဲ့အခါမှာ အိပ်ပျော်သွားလို့ရှိရင် လက်ကျန်တင်းကျပ်မှု ( residual tension )က အောက်ဆုံးအထိ
ရောက်သွားတယ်။ ၄င်း tension အကျွင်းအကျန်
မရှိမှသာ
အိပ်တဲ့အခါ ခန္ဓာကိုယ်ရော၊ စိတ်ပါ အားပြန်ပြည့်လာကြတယ်။

🔸️ အိပ်တတ်ကြပါစေ။

🙏အရှင်နန္ဒမာလာဘိဝံသ ဆရာတော်ဘုရားကြီး🙏

#မူရင်းရေးသားပူဇော်သူအားဂါဝရပြုကူးယူမျှဝေပူဇော်ပါသည်

1 week ago | [YT] | 1,748