Noha Zahra
Noha Zahra is an educational consultant &Writer. She studied Educational Leadership in the AUC. Also, a certified coach in relationships &Positive Psychology.
Noha Zahra
Noha Zahra is an educational consultant &Writer. She studied Educational Leadership in the AUC. Also, a certified coach in relationships &Positive Psychology.
Noha Zahra
وراء كل عمل بيصل للقلوب في يد خفية بتزرع فيه الروح…
لولا جهدك وجهد فريق العمل والمقابلة العظيمة المثمرة من د. رمزي
ما كانش البودكاست يخرج للنور بالصورة دي..
شرف كبير ليا إني أتعامل معاكم، ومع ناس بتحط من قلبها وروحها عشان توصل رسالة بوعي وصدق.
ممتنة جدًا، وربنا يجعل تعبكم دايمًا نور يوصل لقلوب كتير 🤍..
3 months ago | [YT] | 5
View 2 replies
Noha Zahra
🤍🤍🤍
3 months ago | [YT] | 5
View 0 replies
Noha Zahra
حلقة النهاردة على mbc masr 🤍
1 year ago | [YT] | 3
View 0 replies
Noha Zahra
خدعوك فقالوا
#ماتبصّش_وَرَاك!
مع إني لما بصيت...
شوفت إزاي حياتي إتسهّلت وفرحت لما رجعت أتعامل عادي وقبلت الإعتذار اللي ممكن يكون ماتمّش أصلا
شوفت إزاي خفيت ومابقتش أتوجع وأعيّط لما تيجي سيرة موضوع صعب عديت بيه
شوفت أني مشيت كتير.. سِكّة ماكنتش سهلة، لكنه حصل بفضل وبركة ربنا قبل اي حاجة ❤
شوفت إزاي وعدت ووفيت وإن أفعالي كانت مطابقة بشكل كبير لأقوالي 💪
شوفت إزاي سنة ممكن تعدّي عليك تكسرك ١٠٠ حتة وسنة تانية بتاخدك في حتة تانية غير التانيين
شوفت إزاي حاجات إستهلكتني ع الفاضي من غير أي فايدة واضحة
شوفت إزاي اللي كانوا بيكسّروا ف مقاديفك.. دلوقتي بقوا قد إيه فخورين وبينسبوا نجاحك لنفسهم!
شكرت نفسي إني ماستسلمتش للدنيا والناس لما قرروا إنهم سوا سوا ييجوا عليا
إفتكرت إني كان نِفسي اوي في اللي انا بقيت فيه النهاردة 🥰
لما بصيت.. أدركت إن اللحظة اللي باقرر فيها بعون الله تطبيق فكرة.. بستشعر إن ربنا بيسخّرلي الكون كله لتحقيقها وتغيير الواقع للصورة اللي كنت رسماها ويمكن أحسن 🤍
كل الحدوتة شوية مجهود علي رأي منير 😉
ماتبصّش وَرَاك غير ع الحلو بس اللي حصل معاك والدرس المستفاد من المواقف الصعبة وخدهم ف إيدك وكمّل على كده 💪
لكن غير كده...
ماتبصش تاني وراك 🤍
إفتكرتوا حاجة صح؟ ☺️
2 years ago | [YT] | 50
View 2 replies
Noha Zahra
♥️
2 years ago | [YT] | 4
View 0 replies
Noha Zahra
ماذا يوجد في قلبك و في قلوب الناس في زماننا ده بحكم خبرتك وتعاملاتك؟
2 years ago | [YT] | 25
View 3 replies
Noha Zahra
لو أتسألت عن أهم وأفضل نصيحة لتحسين العلاقات هقول
"التغافل"
خلق واحد لكنه كافي لإصلاح العلاقات بنسبة 90٪
ليس الغافل بسيد في قومه
لكن سيد قومه المتغافل
الأفضلُ دائماً أن تفتحَ لخصمكَ طريقاً يخرجُ منه كريماً فيحترمُك بدل أن تحرجه فيُعاديك..
"فأسرها يوسف في نفسه ولم يبدها لهم"
ممكن لما أكون متوقعه حاجة من الي بحبهم وميعملوهاش ..
أكسب الكلام و أعاير حبايبي بذلتهم لكن الأكيد اني هاكون خسرت حاجة بينا كان ممكن أحافظ عليها لو حطتهم بس في موضعهم كبشر وارد منهم الخطأ زي ما وارد منهم الصواب..
لا يُشترط أن تفوز بكل المعارك فبعض الفوز هزيمة ..
رَحمَ الله من تغافل من أجل بقاء ود و ستر زلة
قال معاوية : ثلث العقل في الفطنة و ثلثاه في التغافل
2 years ago | [YT] | 67
View 4 replies
Noha Zahra
عمرك إتعاملت مع شخص خبيث؟! 🤔
يعني تحس إن تعاملاته فيها لؤم ومكر ومكايدة بشكل أو بآخر..
أنا في سنين حياتي قابلت عدد لا بأس به من الأشخاص اللي بيتخابثوا ويكايدوا كده في تعاملاتهم ماتفهمش ليه 🤷♀️
وأنا أتغاظ وأتضايق واتعصب وأحكي لأمي..
فتسمعني للآخر وبعدين ترد بجملة واحدة بس!
ماتقلقيش يا حبيبتي..
والذي خَبُثَ لا يخرج إلا نكدا ❤
تحكيلي مواقف مشابهة عدت عليها ف حياتها وشافت بعدها ان الخبث عاد على اللي بيتعامل بيه بحاجة مش كويسة في الآخر باختلاف المواقف والأحداث والأشخاص
الآية دي من سورة الأعراف فكرتني بحاجات كتير عدت عليا..
وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ ۖ وَالَّذِي خَبُثَ لَا يَخْرُجُ إِلَّا نَكِدًا ۚ كَذَٰلِكَ نُصَرِّفُ الْآيَاتِ لِقَوْمٍ يَشْكُرُونَ
صدق الله العظيم 💗
حبيت أقولكم على سر أمي علمتهولي من زمان وفي نفس ذات الوقت عملاً بالآيات ☺
خليك طيّب على قد ما تقدر 🌸
حفاظاً على نفسك وتربتك ونبتتك وعملا بالآية وتجنباً للنكد ❤
يعني لمصلحتك اهو 😄
ولو بتتعرض لمضايقات في التعاملات.. خليك عارف النتيجة اللي هيجنوها في الآخر إيه.. وخلاص بقى ماتوجعش دماغك 🤷♀️
ربنا يجعلنا وإياكم من الطيبين ويحفظنا جميعا من كل من أراد بنا السوء
اللهم آمين ❤
2 years ago | [YT] | 92
View 13 replies
Noha Zahra
ماشي ولا بيدي 🤷♀️
عارفين اغنية العندليب اللي بتقول..
على حسب الريح مايودي الريح مايودي
وياه انا ماشي ماشي ماشي ولا بيدي
معرفش ان كنت مروح ولا إمتى الهوى هايهدي
وأهى دنيا بتلعب بينا يمكن ترجع غناوينا
وتكون لى معاه تانى يابوى أيام حلوة وحكايات
اهي دي من ضمن الأغاني اللي ساهمت في تفعيل دور الضحية عندنا بمنتهى الأريحية 😄
ده في وجهة نظري المتواضعة يعني..
العندليب هنا كان لسه ماوصلش لمرحلة الوعي غالبا
ف بيتكلم عن واحد لسه مستني الهنا يمكن ييجي بعد سنة
- مستني اللي راح.. لما يرجع تاني
- الدنيا ممشياه.. مفعول به
- بيتلعب بيه الكورة وهو بيسمح عادي
- ولما يتعب قوي.. معروفة!
هيلوم ع الناس - الظروف - الدنيا - الحظ القليل - ألا يكون الواحد محسود وهو مش واخد باله..
وبس كده 😁
لو ربنا كرمه من وسع ووصل بقى 🤍
وصل لمرحلة الإدراك 😍
إني هتحاسب ع الاختيارات اللطيفة دي كلها
بحلوها ووحشها
هيبتدي يحاسب نفسه بسرعة علشان الحساب جاي جاي
مش هيستنى ع الفاضي..
- هيراجع نفسه
- هيطمن على قلبه.. لا يكون أسوّد واتختم عليه الله لا يقدر
- هيبص جواه ويشوف قراراته فين مودياه
- هيتحمل نتيجة إختياراته
علشان هيدرك حاجة واحدة بس!
إنه هو الوحيد اللي هيحاسب ع الكلام ده كله 🤍
ف هيمسك زمام أموره
ويتوكل على الله
مايتواكلش على كل من هب ودب
يلعبها صح
ف مايتلعبش بيه
الدنيا تبقى ف ايديه
مش مالية قلبه وخاتمه عليه
لما تُدرك.. هتعرف إنك أنت المسؤول عن كل اللي انت فيه
ف هتسعى إنك تاخد القرار الأفضل اللي حياتك هتتصلح بيه
وقتها بس هتبقى..
فاعل
مالك
مسؤول
متحكم
يا ترى شايف نفسك مين في البوست؟ 🤍
2 years ago | [YT] | 45
View 3 replies
Noha Zahra
ف بُعدي بتفتكرني؟
وبتفتكرني بإيه؟!
من أكتر من 10 سنين كنت في إجتماع إتعرضت فيه لظلم بشكل كبير..
نيرمين عادل صاحبتي كانت قاعدة جنبي وقتها ❤
من سُكات كتبتلي الجملة دي في ورقة وهي بصّالي بحنيّة مُفرطة..
وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ (139)
صدق الله العظيم 💗
الآية طمنتني وهديتني بل وكمان فرحتني ☺
وبما إني النهاردة قريت الآية دي 🤍
وبالصدفة باعمل حاجة حاليا ليها علاقة بيها 🤍
اللي كل ما أقرأ الآية دي من سنين.. افتكر نيرمين ❤
وأدعيلها من قلبي
والبوست ده علشان أقولها اني بحبها من قلبي ♥️
يمكن نكون مابنتقابلش..
او حتى كمان مابنتكلّمش..
لكن في بُعدها عنّي دايماً بادعيلها وبافتكرها بكل خير ☺
مين بعيد عنكم، لكن بتفتكروه بالخير ؟
ما تبعتوله و تفرحوه 💗
2 years ago | [YT] | 50
View 1 reply
Load more