Manzoom Channel منظوم چینل

ہماری فکر کو نان و نمک میں ڈال دیا
فقیر لوگ تھے یہ کس للک میں ڈال دیا

اُسے کسی سے محبت نہ تھی مگر اُس نے
گلاب توڑ کے دُنیا کو شک میں ڈال دیا

نمک چِھڑکتے تھے احباب زخمِ خواہش پر
سو میں نے زخم ہی اپنا نمک میں ڈال دیا

زمیں پہ جب کوئی سامع نہ مل سکا مجھ کو
شگاف آہ نے میری فلک میں ڈال دیا

اب آ کے دیکھیے منظر کی آب و تاب آزر
کہ اُس نے آٹھواں رنگ اب دھنک میں ڈال دیا

دلاور علی آزر
<3

1 year ago | [YT] | 7

Manzoom Channel منظوم چینل

محبتوں کے تقاضے گئے، اصول گئے
ہمارے پاس جو سکے تھے، سب فضول گئے

مورخین نے کچھ ڈھنگ سے لکھا بھی نہیں
کچھ اپنے بارے میں ہم بھی بتانا بھول گئے

بہر سبیل ہمیں اک صلیب چاہئیے تھی
ملا نہ ہجر تو اپنی انا پہ جھول گئے

کسی جگہ تری لکنت کو حوصلہ نہ ہوا
کسی جگہ پہ مرے ہاتھ پاؤں پھول گئے

عزاگزاروں کو بخشش کی فکر کیا ہو گی
جب ان کے ساتھ جگرگوشہ ء بتول گئے

رانا غلام محی الدین (اوکاڑہ)
کتاب "چھاگل" سے انتخاب

1 year ago | [YT] | 3

Manzoom Channel منظوم چینل

غزل

شکر کیا ہے ان پیڑوں نے صبر کی عادت ڈالی ہے
اس منظر کو غور سے دیکھو، بارش ہونے والی ہے

سوچا یہ تھا وقت ملا تو ٹوٹی چیزیں جوڑیں گے
اب کونے میں ڈھیر لگا ہے، باقی کمرا خالی ہے

بیٹھے بیٹھے پھینک دیا ہے آتش دان میں کیا کیا کچھ
موسم اتنا سرد نہیں ہے جتنی آگ جلا لی ہے

اپنی مرضی سے سب چیزیں گھومتی پھرتی رہتی ہیں
بے ترتیبی نے اس گھر میں اتنی جگہ بنا لی ہے

ہر حسرت پر ایک گرہ سی پڑ جاتی تھی سینے میں
رفتہ رفتہ سب نے مل کر دل سی شکل بنا لی ہے

اوپر سب کچھ جل جائے گا، کون مدد کو آئے گا
جس منزل پر آگ لگی ہے، سب سے نیچے والی ہے

اک کمرا سایوں سے بھرا ہے، اک کمرا آوازوں سے
آنگن میں کچھ خواب پڑے ہیں،ویسے یہ گھر خالی ہے

ذوالفقار عادل

2 years ago | [YT] | 9

Manzoom Channel منظوم چینل

غزل
۔۔۔۔۔۔۔۔۔۔
مطمئن کیسے ہوا جائے بہت کم سے بھی
دل مچلتا ہے تری چشم_مزاحم سے بھی
۔۔۔۔۔۔۔۔۔۔۔
اتنا حساس ہوں میں غم کی نمو کاری میں
زخم بڑھتا ہے مرا زخم پہ مرہم سے بھی
۔۔۔۔۔۔۔۔۔۔
عشق کی آگ کے تیور ہی الگ ہوتے ہیں
بھڑک اٹھتی ہے کبھو قطرہ_شبنم سے بھی
۔۔۔۔۔۔۔۔۔
ورنہ ہنستی ہوئی آنکھیں بھی کبھی بھرتی ہیں
یعنی خوشیوں کا تعلق ہے کہیں غم سےبھی
۔۔۔۔۔۔۔۔
خیر جو لطف سلگنے میں ہے وہ اپنی جگہ
جل کے دیکھوں گا کسی روز میں اک دم سے بھی
۔۔۔۔۔۔۔۔
اتنی معصوم طبیعت ہے مری ہریالی
سوکھ جاتا ہوں بدلتے ہوئے موسم سے بھی
۔۔۔۔۔۔۔،
مورچہ زن ہوں مگر آنکھ عدو پر بھی ہے
صلح جو بھی ہوں مرا عشق ہے پرچم سے بھی
۔۔۔۔۔۔۔۔
نثار محمود تاثیر

3 years ago | [YT] | 11

Manzoom Channel منظوم چینل

بے نیازی ذرا برتی تو وہ بے حوصلہ شخص
اب مرا وعدہ مجھے یاد دلانے لگا ہے
مقصود وفا

4 years ago | [YT] | 6

Manzoom Channel منظوم چینل

تازہ غزل

کسی کے ساتھ شرارت ضرور کرتے ہیں
جو بے وفا ہوں محبت ضرور کرتے ہیں

یہ اور بات ہمیں شوق_ بزم ہے لیکن
اکیلے پن کی حمائیت ضرور کرتے ہیں

وہ شخص لاکھ امیروں کے بھیس میں جائے
دکاندار رعائیت ضرور کرتے ہیں

جنوں کی حوصلہ افزائی کرنے والے بھی
کبھی کبھار نصیحت ضرور کرتے ہیں

کسی بدن پہ کسی ملک پر کسی دل پر
جو سچے ہوں وہ حکومت ضرور کرتے ہیں

خرم آفاق

Kisi k sath shararat zaroor kartey hen
jo be wafa hon mohabbat zaoor kartey hen

Ye aur baat hame shoq e bazm hai lekin
akeley pan ki himayat zaroor kartey hen

Wo shakhs laakh ameron k bhais me jae
dukandaar riya'at zaroor kartey hen

juno'n ki hosla afzai karney waley bhe
kabhi kabhaar nasehat zaroor kartey hen

Kisi badan pe kisi mulk par kisi dil par
jo sachey hon wo hakomat zaroor kartey hen

Khurram Aafaaq

4 years ago | [YT] | 16

Manzoom Channel منظوم چینل

غزل

نیــند کے اور جاگـــــنے کے درمیاں کا خواب ہے
اس زمیں کی آنکھ میں اکــ آســــــماں کا خواب ہے

عمر گزری ہے تجھے ان فـــاصلوں سے دیکھتے
تو کہاں کی روشنی ہے' کس جہاں کا خواب ہے

زندگی کیا ہے یہی اکــــــ اعتبــــــار ِ ہست و بود
خـواب کی ہے داسـتاں اور داســتاں کا خواب ہے

یہ جو آنکھیـــں مُـــوند کر بیٹھے ہیں برقی تار ہر
ان پرندوں کا بھی شــــــاید آشــــیاں کا خواب ہے

میرے بچّے میرےحصّےکےنہ دکھ دیکھیں کبھی
ہر کســــــی کی آرزو' ہر ایکــــ ماں کا خواب ہے

ایکــــــ ملبے کی تہَــــوں میں ہے کوئی تعمیر ِنو
اور تہہِ صحرا کسـی مـوج ِ رواں کا خواب ہے

ہے کــــوئی ہم راہ ' جو ہم راہ بھی شـــایــد نہیں
میں کہاں رہتاہوں اشرفؔ ! اورکہاں کا خواب ہے

( اشرفــــــ ؔ یوسُـفــــی )

4 years ago | [YT] | 10

Manzoom Channel منظوم چینل

غزل

راکھ ہوں آگ میں پلنا ہی مری زندگی ہے
میں نہ چاہوں بھی تو جلنا ہی مری زندگی ہے

چار موسم مرے چہرے ہیں، زمانہ ہوں مَیں
وقت پر رنگ بدلنا ہی مری زندگی ہے

آپ مجھ مہر کو پابند نہیں کرسکتے
اپنی مرضی سے نکلنا ہی مری زندگی ہے

بدگماں زاویہء دید بدل کر مجھے دیکھ
پھر بھی کھَلتا ہوں تو کھَلنا ہی مری زندگی ہے

کیوں مجھے رشتے بھی اشیاء کی طرح ملتے ہیں
کیا کھلونوں سے بہلنا ہی مری زندگی ہے

خاک ہوتا ہوں تو پھر خاک سے اُگ آتا ہوں
دھول سے پھول میں ڈھلنا ہی. مری زندگی ہے

خواہشوں سے نہیں سانپوں سے بھرا آدمی ہوں
اور یہ سانپ کچلنا ہی مری زندگی ہے

گورکن کہیے مجھے سچ کی طرح سہیے مجھے
موت پر پھولنا پھلنا ہی مری زندگی ہے

لفظ ڈستے ہیں تو میں زہر سے بھر جاتا ہوں
اور یہ زہر اُگلنا ہی مری زندگی ہے

وقت ہوں اور مرا رُکنا ہے تباہی شاہد
اب میں چلتا ہوں کہ چلنا ہی مری زندگی ہے

________ شاہد ذکی _________

4 years ago | [YT] | 4

Manzoom Channel منظوم چینل

سید سلمان گیلانی کی شاندار مزاحیہ شاعری ضرور سنیں
👇
https://youtu.be/xkSYa4vhZAs

4 years ago | [YT] | 3

Manzoom Channel منظوم چینل

آج کا لفظ: کتاب
سبھی احباب لفظ "کتاب" پر اپنے پسندیدہ اشعار کمنٹ کریں...

سب کتابوں کے کھل گئے معنی
جب سے دیکھی نظیرؔ دل کی کتاب

نظیر اکبرآبادی

تجھے کتاب سے ممکن نہیں فراغ کہ تو
کتاب خواں ہے مگر صاحب کتاب نہیں
علامہ اقبال

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

فلسفے سارے کتابوں میں الجھ کر رہ گئے
درس گاہوں میں نصابوں کی تھکن باقی رہی
نصیر احمد ناصر

کاغذ کی یہ مہک یہ نشہ روٹھنے کو ہے
یہ آخری صدی ہے کتابوں سے عشق کی
سعود عثمانی

تہہِ کتاب مری سانس رکتی جاتی تھی
بہت سے لفظ مرے ساتھ مرنے والے تھے
فیصل ہاشمی

قبروں میں نہیں ہم کو کتابوں میں اتارو
ہم لوگ محبت کی کہانی میں مریں ہیں
اعجاز توکل

4 years ago | [YT] | 5