Bhupendra Patel

"એક દેશમાં બે વિધાન, બે પ્રધાન અને બે નિશાન નહીં ચાલે..." ના નારા સાથે કાશ્મીરના સંપૂર્ણ વિલીનીકરણ તથા દેશની એકતા માટે પોતાનું સર્વસ્વ ન્યોછાવર કરનાર, ભારતીય જનસંઘના સંસ્થાપક, પ્રખર રાષ્ટ્રવાદી નેતા ડૉ. શ્યામાપ્રસાદ મુખર્જીના બલિદાન દિવસે તેમને શત્-શત્ નમન.

જમ્મુ-કાશ્મીરમાંથી કલમ 370 હટાવીને ‘એક ભારત, શ્રેષ્ઠ ભારત’ના જે સપના માટે તેમણે બલિદાન આપ્યું હતું, તે સપનું આજે માનનીય વડાપ્રધાન શ્રી નરેન્દ્રભાઈ મોદીના નેતૃત્વમાં સાકાર થયું છે.

તેમનું જીવન રાષ્ટ્રીય એકતાની રક્ષા કાજે નિઃસ્વાર્થ ભાવે કાર્ય કરવાની પ્રેરણા આપતું રહેશે.

16 hours ago | [YT] | 82

Bhupendra Patel

જૂન-૨૦૨૬ ના રાજ્યકક્ષાના સ્વાગત ઓનલાઈન જન ફરિયાદ નિવારણ કાર્યક્રમ અંતર્ગત ગાંધીનગર ખાતે નાગરિકોની રજૂઆતો પ્રત્યક્ષ સાંભળીને સંબંધિત વિભાગોને તેના ત્વરિત અને સમયબદ્ધ નિરાકરણ માટે જરૂરી દિશાનિર્દેશો આપ્યા.

જિલ્લા કક્ષાના અધિકારીઓ અરજીઓનો ઊંડો અભ્યાસ કરી જિલ્લા સ્તરે જ યોગ્ય નિર્ણયો લે, જેથી નાગરિકોને વિલંબ ન થાય, તે માટે સૂચના આપી.

પુનર્વસનની જમીન ફાળવણી, રિ-સરવેની ક્ષતિઓ સુધારવી અને ગૌચર જમીન પરથી દબાણો હટાવવા જેવા ગંભીર વિષયો પર સમયમર્યાદામાં કડક કાર્યવાહી કરવા કલેક્ટરશ્રીઓને તાકીદ કરી.

નાગરિકોની લાગણીને વાચા આપી, 'પ્રો-પીપલ ગવર્નન્સ'ના મંત્ર સાથે જનહિતના પ્રશ્નોનું ઝડપી અને પારદર્શક નિવારણ લાવવા રાજ્ય સરકાર કટિબદ્ધ છે.

Skip the Carousel

1 2 3 4 5 6 7 8

1 day ago | [YT] | 123

Bhupendra Patel

નવસારીના પાણીખડક ગામે ગ્રામવાસીઓની સાથે ભોજન.. એ ગામઠી અંદાજ.. એ દેશી ભોજન.. એ ભાવભરી પરોણાગત.. એ પારિવારિક ભાવના.. એ મીઠા માનવી.. ગુજરાતના ગ્રામીણ જગતની વાત કંઈક ઓર છે, હોં.

Skip the Carousel

1 2 3 4 5 6

5 days ago | [YT] | 286

Bhupendra Patel

ઘર હોય કે ગામ.. બધા સાથે મળીને સફાઈ કરીએ એની મજા કંઈક અલગ જ છે.

નવસારી જિલ્લાના પાણીખડક ગામમાં ગ્રામજનો સાથે સામૂહિક ગ્રામ સફાઇમાં સહભાગી થવાનો અવસર મળ્યો.

માનનીય રાજ્યપાલશ્રીએ પણ સ્વયં સ્વચ્છતાના આ કાર્યમાં જોડાઈને સૌને પ્રેરિત કર્યા. ગુજરાતના ખૂણે-ખૂણે સ્વચ્છતાની આવી જ ચેતના વ્યાપે બસ એ જ અભ્યર્થના.

Skip the Carousel

1 2 3 4 5 6 7

5 days ago | [YT] | 179

Bhupendra Patel

ગામેગામ બને હરિયાળા,
ગુજરાત લીલુંછમ.
પ્રકૃતિને વંદન કરીને,
ભરીએ આગેકદમ.

નવસારી જિલ્લાની મુલાકાત દરમિયાન આદિજાતિ ગામ આછવણી ખાતે વૃક્ષારોપણ કાર્યક્રમમાં ગ્રામવાસીઓની સાથે સહભાગી થવાનો અવસર ખૂબ હર્ષપૂર્ણ રહ્યો.

આછવણીમાં 'એક પેડ માં કે નામ ૩.૦' અભિયાન હેઠળ ૦.૭૫ હેકટર વિસ્તારમાં વિવિધ પ્રકારના ૧૬૦૦ વૃક્ષો સાથે વનનું નિર્માણ થઈ રહ્યું છે. સમગ્ર રાજ્યમાં આ અભિયાન હેઠળ સાડા પાંચ કરોડ વૃક્ષો વાવવાનું આપણું લક્ષ્ય છે.

Skip the Carousel

1 2 3 4

5 days ago | [YT] | 135

Bhupendra Patel

આગામી સમયમાં અલ-નીનો (El-Niño) ના સંભવિત પડકારો સામે ગુજરાતની સજ્જતા અને આગોતરા આયોજન અંગે આજે ગાંધીનગર ખાતે ઉચ્ચસ્તરીય સમીક્ષા બેઠક યોજી.

ગુજરાતના નાગરિકો, ખેડૂતો અને પશુધનની સુરક્ષા એ સરકારની સર્વોચ્ચ અગ્રતા છે. પીવાના પાણીની ઉપલબ્ધતા માટે નર્મદા પાઇપલાઇનથી તળાવો ભરવાની મર્યાદા ૩ કિમીથી વધારીને ૭ કિમી કરવાનો મહત્ત્વનો નિર્ણય કરી સુજલામ સુફલામ યોજના અંતર્ગત ઉત્તર ગુજરાતના ૩૦૦થી વધુ તળાવો અને સૌરાષ્ટ્રના વિવિધ ડેમોને સત્વરે નર્મદાના પાણીથી ભરી લેવા નિર્દેશ કર્યા છે.

ખરીફ-૨૦૨૬ માટે બિયારણ-ખાતરનો પૂરતો જથ્થો ઉપલબ્ધ છે અને ખેડૂતોના માર્ગદર્શન માટે 'આકસ્મિક પાક આયોજન' તૈયાર કરી AI આધારિત “કૃષિ પ્રગતિ પોર્ટલ” ના માધ્યમથી ૫૦ લાખથી વધુ ખેડૂતોને સીધા મોબાઈલ પર લાઈવ હવામાન અને કૃષિ સલાહ ઉપલબ્ધ કરવામાં આવી છે.

પશુધન માટે રાજ્યમાં હાલમાં ૨ વર્ષ સુધી ચાલે એટલો ઘાસચારાનો બફર સ્ટોક ઉપલબ્ધ છે અને મહેસૂલ વિભાગને સમગ્ર પરિસ્થિતિ પર ૨૪ કલાક નજર રાખવા સૂચના આપી છે.

ભૂતકાળના ડેટા દર્શાવે છે કે દરેક અલ-નીનો વર્ષ નબળું નથી હોતું. જેમ કે ૨૦૦૬ અને ૨૦૨૩ માં તીવ્ર અલ-નીનો છતાં ગુજરાતમાં ૧૧૭% વરસાદ થયો હતો. માટે રાજ્યના નાગરિકો કે ખેડૂત ભાઈઓએ જરાય ચિંતા કરવાની કે અફવાઓથી ડરવાની જરૂર નથી. આપણું વહીવટીતંત્ર દરેક પરિસ્થિતિનો સામનો કરવા સંપૂર્ણ સજ્જ છે.

Skip the Carousel

1 2 3 4

5 days ago | [YT] | 86

Bhupendra Patel

આદરણીય શ્રી નરેન્દ્રભાઈ મોદીના ભારતના પ્રધાનમંત્રી તરીકેના યશસ્વી કાર્યકાળમાં આદિવાસી વિસ્તારોમાં વિકાસની અનેરી ચેતના જાગી છે.

દક્ષિણ ગુજરાતના આદિવાસી વિસ્તારોની બે-દિવસીય મુલાકાતે માનનીય રાજ્યપાલ શ્રી આચાર્ય દેવવ્રતજી અને માનનીય ભાજપા પ્રદેશ પ્રમુખ શ્રી જગદીશભાઈ વિશ્વકર્માની સાથે આવ્યો છું.

માનનીય વડાપ્રધાનશ્રીએ ઈંધણ બચાવવાના ઉદ્દેશ્ય સાથે દેશવાસીઓને જાહેર પરિવહન સેવાઓને પ્રાધાન્ય આપવાનો અનુરોધ કર્યો છે, ત્યારે આ મુસાફરી અમે વંદે ભારતમાં કરી. આજુબાજુ હરિયાળીની વચ્ચેથી વંદે ભારત પસાર થાય ત્યારે કુદરતનું સૌંદર્ય નિહાળીને ખરેખર આશ્ચર્યચકિત થઈ જવાય એવું છે.

આ બે દિવસ દરમિયાન હું નવસારીના આછવણી અને પાણીખડક ગામમાં ગ્રામજનોને મળીશ અને અમે વિકાસના વિવિધ મુદ્દાઓ પર સંવાદ કરીશું. ખાસ કરીને પ્રાકૃતિક ખેતી અને સ્વચ્છતા જેવા વિષયો આવરી લઈશું.

ગ્રામવાસીઓની સાથે ભોજન અને ગામમાં જ રાત્રિરોકાણ કરવાનો અવસર યાદગાર બની રહેવાનો છે.

Skip the Carousel

1 2 3 4 5 6 7

5 days ago | [YT] | 173

Bhupendra Patel

માતૃભૂમિની આઝાદી અને સ્વાભિમાનની રક્ષા કાજે અંગ્રેજ હકૂમત સામે જંગ કરનાર, શૌર્ય અને પરાક્રમના અમર મૂર્તિ રાણી લક્ષ્મીબાઈના બલિદાન દિવસે ભાવપૂર્ણ વંદન.

રાણી લક્ષ્મીબાઈએ અદભુત રણકૌશલ્ય, સાહસ અને નેતૃત્વ ક્ષમતાનો પરિચય આપીને બ્રિટિશ સામ્રાજ્યના પાયા હચમચાવી દીધા હતા. વિદેશી શાસકો સામે લડવાની તેમની વીરગાથા ઇતિહાસના પાના પર સુવર્ણ અક્ષરે અંકિત રહેશે.

5 days ago | [YT] | 79

Bhupendra Patel

શાળા પ્રવેશોત્સવ…પ્રગતિનો પ્રવેશોત્સવ

આગામી 23 થી 25 જૂન દરમિયાન સમગ્ર રાજ્યમાં યોજાનાર શાળા પ્રવેશોત્સવ અને કન્યા કેળવણી મહોત્સવ 2026 ના સુચારુ આયોજન અંગે આજે ગાંધીનગર ખાતે સાથી મંત્રીશ્રીઓ અને શિક્ષણ વિભાગના વરિષ્ઠ અધિકારીશ્રીઓ સાથે પૂર્વતૈયારીઓની સર્વગ્રાહી સમીક્ષા કરી.

ગુજરાતમાં શિક્ષણ ક્ષેત્રે ગુણાત્મક અને સકારાત્મક પરિવર્તન લાવવાના ઉદ્દેશ્ય સાથે રાષ્ટ્રીય શિક્ષણ નીતિ આધારિત State Curriculum Framework (SCF) તેમજ શાળાઓમાં વૈશ્વિક ધોરણો મુજબ મૂલ્યાંકન સુનિશ્ચિત કરતા School Quality Assessment and Assurance Framework (SQAAF)નું વિમોચન કર્યું.

પ્રાથમિક સ્તરે બાળકોમાં પાયાની સાક્ષરતા અને સંખ્યાજ્ઞાન મજબૂત કરવાના લક્ષ્ય સાથે નિપુણ ગુજરાત અભિયાનનો પણ શુભારંભ કરાવ્યો.

આ ઉપરાંત, રાજ્યભરની નવી મંજૂર થયેલી હયાત પ્રાથમિક શાળામાં નવી માધ્યમિક શાળાના મંજૂરી પત્રો એનાયત કર્યા.

માનનીય વડાપ્રધાન શ્રી નરેન્દ્રભાઈ મોદીએ વર્ષ 2003માં ગુજરાતના શિક્ષણ ક્ષેત્રના કાયાકલ્પ માટે શાળા પ્રવેશોત્સવ અને કન્યા કેળવણી મહોત્સવની શરૂઆત કરાવી હતી.

તેમના અવિરત પ્રયાસો અને માર્ગદર્શનમાં છેલ્લા 23 વર્ષથી યોજાઈ રહેલા શાળા પ્રવેશોત્સવ થકી રાજ્યની શાળાઓમાં નામાંકન દર 100% અને ડ્રોપઆઉટ રેશિયો લગભગ નહિવત બન્યો છે.

રાજ્ય સરકારની નમો લક્ષ્મી, નમો સરસ્વતી સહિતની અનેક આર્થિક સહાય આપતી યોજનાઓની સાથે દીકરીઓના ભણતર બાબતે પણ ગુજરાતમાં અભૂતપૂર્વ ચેતના જાગી છે.

આવો, શિક્ષણના આ મહાપર્વને સામાજિક ઉત્સવ બનાવીએ અને ગુજરાતનું એક પણ બાળક શિક્ષણના અધિકારથી વંચિત ન રહે તેમજ દીકરીઓ ભણી-ગણીને સશક્ત બને તે માટે સંકલ્પબદ્ધ થઈએ.

Skip the Carousel

1 2 3 4 5 6 7 8

6 days ago | [YT] | 129

Bhupendra Patel

Gujarat continues to strengthen its global standing as a "Policy Driven State" and a premier manufacturing hub.

It was a pleasure to inaugurate Phase-1 of the world’s largest state-of-the-art CPVC resin manufacturing plant by Lubrizol and Aditya Birla Group's Grasim Industries at Vilayat in Bharuch today. This project is a testament to the "Make in India, Make for the World" vision championed by Hon’ble PM Shri Narendra Modi Ji.

By integrating advanced global technology with sustainable practices like zero liquid discharge, this facility reinforces our commitment to #ViksitGujarat for a #ViksitBharat.

Congratulations to the entire team for this significant milestone in our industrial journey.

Skip the Carousel

1 2 3 4

1 week ago | [YT] | 142