Invidious

السلام عليكم سچاچة 💗

اليوم نصائح عامة للامتحانات

ندري كلنا نكره الامتحانات 🥲❤️‍🩹

بس لازم نكون متحضرين الها و متجهزين دائماً

و هاي النصائح اللي راح اذكرها
✨ان شاء الله تفيدكم✨

١-مثلا اذا عندك امتحان يوم الثلاثاء مو تكعد تقره يوم الاثنين بليل و تنحصر حصره 💢💢
لازم تبدي و تجهز روحك قبل بيوم لان هذا امتحان مو لعبة حتى لو يومي يفيدك بالشهريات‼️

٢-الاكل: اكو هواي اكلات تفيد للذاكره و الدماغ حتى لو تسلى بيها انت و دتقرا و اكثر شي فادني من جنت بالثالث متوسط طلعت معدل ٩٨ ليش لان جنت اكل زبيب و جوز و همين جزر كذلك مفيد و شرب المي بكثرة اهم اهم شيء 🩵

٣-التوتر: يبووووو هذا شكد جنت اعاني منه و احسن طريقه للتخلص منه هي انو تقرا هذا الدعاء (اللهم اخرجني من ظلمات الوهم و اكرمني بنور الفهم) و اقرا ايه الكرسي و سمي بالله و اشرب مي و اطب للامتحان

٤-العطل : لا تفكرون بالعطل من هسة و تصيرون تسختون وما تقرون 😂💔 ، ترى لا سامح الله يجوز ماتصير عطلة مال انتخابات او بعد فترة من يجي الشتاء وعبالك تمطر وما تمطر ☃️ وانتوا ما تقرون و تتورطون ويضيع الاول والتالي ف اقروا احسن حتى تضمنون نفسكم 🤍

٥-التحضير اليومي 📝 : والله العظيم لو بس الطالب يحضر يومي تنحل كل مشاكلة بالمدرسة ، تدرون ان التحضير اليومي هو مفتاح 🔐🔑 كل شيء ، ماكو صعوبة تصير ابداً اذا انت تحضير يومي والامتحان يصير عندك اسهل من شرب المي 💁🏻🌹

٦-ادرس صح بالطريقة الصح للمادة : لازم تدرس كل مادة بطريقتها الصحيحة مو تدرس الرياضيات شفهي ، ولا تدرس الاجتماعيات بطريقة الفهم ❌ ، كل مادة وانطيها حقها بالطريقة الصحيحة 💕

1 week ago | [YT] | 28

@usersf6ko4pq9f

عفيه عليج يقونه. خوش نصيحه اني حالي هسه عندي متحان رياضيات شهري رابع علمي بي صعوبه مدرسنه فاهي دين دينه 😂😂😂😂😂 بس اني اقره على يوتيوب احسن مدرس افتهم. عليه نشالله ا

1 week ago (edited) | 1