𝐇𝐢𝐝𝐝𝐞𝐧 𝐖𝐨𝐫𝐥𝐝

دخول رايق مسبب الحرايق ~

حابة أبشركم إنه الحلقة بإذن الله كمان أسبوع وبتكون جاهزة
صح طولت فيها بس لا تخافوا عوضتكم بحلقة مرتبة غير شكل من أحداث وشخصيات ومونتاج وغيره🔥

طبعًا كونه أنا حاليا امتحانات بالجامعة فا بنجبر إني أمنتج بالباص وقت اروح ووقت ارجع من الجامعة عشان ما بلحق بالبيت بسبب ضغط الدراسة...

بس اليوم حرفيا أغرب يوم بمر علي بالمواصلات.. ليش؟
حسيت كل الي بالباص قاعد بمنتج معي😭😭

صاحب الباص طلب انه نسكر برادي الباص عشان ما يتخالف من الشرطة فا صار الباص عتمة من جوا والعدد كان كبير فا أنا وطيت إضاءة التلفون لاني ما بحس براحة وانا قاعدة بمنتج وما بحب حدا يشوفني وانا فاتحة قاشا وبمنتج بس اليوم مش طبيعي بالمرررة البنت الي كانت قاعدة جنبي وكل الواقفين شوي بدهم يوخذوا عني التلفون يكملوا مونتاج مش طبيعي شو بضحككك😭

كل ما اتذكر الشباب الي كانوا واقفين فوق راسي وعينهم بتلفوني بكل وقاحة آخر اشي سكرت التلفون اعطيتهم اكبرررررر سايد آي بالحياة كلها وحكيت لعمري ما أمنتج شو الأجواء هاي؟ الواحد بحس حاله قاعد بمكتب تحقيقات مش باص😂😂

احلى اشي في وحدة من صاحباتي دايما معي بالباص فا عشان دايما بتشوفني مشغولة سألتني شو بتسوي انا عملت حالي هندية وحكيتلها برسم هبل بس ما بتعرف تفاصيل والثانية بتفكرني بلعب العاب تلبيس وانا بحكي يلا الحمد لله أهم اشي ما حدا بعرف قاشا بس اتركوني بحالي😂😂

4 days ago | [YT] | 137

𝐇𝐢𝐝𝐝𝐞𝐧 𝐖𝐨𝐫𝐥𝐝

فــعالية بـمناسبة إنه الحلقة رح تطول شويتين🔥

هاي فعالية من باب التسلية لا أكثر وعشان نتعرف على وجوه الإبداع عند متابعيني الحلوين هاد الوقت😂


تحدي تصميم شخصية سواء كانت ( ذكر / أنثى ) بــثلاث ألوان فقط وهي :

** أحمر داكن
** أسود
** بنفسجي داكن

صاحب أجمل شخصية من ناحية الشكل وتناسق هاي الألوان الثلاثة بشكل متجانس ورائع بفوز إنه ننشر اسم قناته هون مع تقييم الشخصية الي سواها💫

طبعًا رح يفوز معنا 5 مراتب فقط ومدة الفعالية لـــتاريخ ✨28/11/2025✨

طرائق المشاركــة :

1. منشن على بوست باليوتيوب.
2. تواصل معي على الأنستا.
3. تواصل معي بنترست.

بالتوفيق للجميع أعزائي 🔥

2 weeks ago (edited) | [YT] | 184

𝐇𝐢𝐝𝐝𝐞𝐧 𝐖𝐨𝐫𝐥𝐝

بسم الله وبدأنا شغل على الحلقة وأنجزت ثلاث دقايق!

الحلقة القادمة دسمة من ناحية الأحداث فا ترقبوا لما هو قادم🔥

توقعاتكم للمشهد الآتي..؟

Skip the Carousel

1 2

2 weeks ago | [YT] | 189

𝐇𝐢𝐝𝐝𝐞𝐧 𝐖𝐨𝐫𝐥𝐝

احمممممم احممممممم
بسم الله نجمع أنفاسنا...

عنجدددددد عنجدددددد شكرا على التفاعل الحريقة هاد😭
مش قادرة أوصف كمية سعادتي بهاد التفاعل والحمد لله بلش يرتفع وان شاء الله من أعلى لأعلى!

سبحان الله لأول مرة ما بكون متحمسة لتنزيل الحلقة بس صدمتوني بالتفاعل وحمستوني أبلش شغل بالحلقة الجديدة من اليوم😔🔥

وعشان هاي المناسبة السعيدة نقيم فعالية شو رأيكم😂؟


بتحسوا راي رح يقبل عرض رئيس الـ FBI زين ولا رح يرفض؟؟ وبرأيكم ايش سبب قبوله أو رفضه؟



ايش رأيكم برسمتي الجديدة لشخصيتي الحقيقية😔🔥؟

3 weeks ago | [YT] | 191

𝐇𝐢𝐝𝐝𝐞𝐧 𝐖𝐨𝐫𝐥𝐝

جاهزين لحلقة يوم الجمعة؟ 🔥

طبعًا الحلقة بطلت 20 دقيقة.. ليش؟
كان اتفاقنا تزيدوا التفاعل وانتوا الي خالفتوا الاتفاق💀..
عشان هيك رح تنقسم الحلقة لـنصين لحتى يفرجها ربنا بموضوع التفاعل❤️

مين بتذكر هاد الثنائي..؟

3 weeks ago | [YT] | 178

𝐇𝐢𝐝𝐝𝐞𝐧 𝐖𝐨𝐫𝐥𝐝

يا أهلاً وسهلاً بالمتابعين الحلوين!

اليوم عنا فعالية نار شرار وممتعة للجميع🔥

لو انت داخل سلسلتي ومثلت إحدى الشخصيات الي هناك.. وحبيت توجه رسالة لحدا من الشخصيات أو تتصرف قدامها تصرف معين نفسك يصير.. مين الشخصية الي رح تمثلها؟ وشو الي رح تسويه؟

أبهروني🔥😂

4 weeks ago | [YT] | 128

𝐇𝐢𝐝𝐝𝐞𝐧 𝐖𝐨𝐫𝐥𝐝

بحب أشكر صاحبة الفيديو من كل قلبي على هذا الفيديو اللطيف والمتواضع❤️
تفاصيل صغيرة ممكن يفكر الإنسان إنه ما الها داعي لكنها بتفرح انسان ثاني!

أشكر كل المهتمين بسلسلتي ومحبينها! وبحب أحكيلكم انتوا على العين والراس وبتستاهلوا اني أمنتج عشانكم❤️

صح تفاعل القناة مزعلني ومضايقني لدرجة بطلت افوتها زي قبل.. لكن هذا لا يعني إنه التفاعل يوقف بوجهي أنا وسلسلتي ومونتاجي!

بالنهاية السلسلة عشاني ثم عشان متابعيني ثمممم التفاعل!
أكيد بتمنى من كل قلبي إنه التفاعل يتحسن ولو شوي بس بإذن الله رح ييجي يوم من الأيام ويرتفع!

واشكر صاحبة الفيديو مرة ثانية لإنه هذا الفيديو حمسني أشتغل أكثر وأكثر لإنه في ناس تستاهل الصراحة❤️
وأشكر كل حدا منشني على بوست جميل مثله عشان الإعلان❤️
وأشكر أصحاب التعليقات أكيد والمحللين الأذكياء!

ترقبوا لما هو قادم من أحداث لإنه الحلقة تقريبًا جهزت وموعد نزولها الجمعة الجاية...

بتمنى الكل يروح لقناة المبدعة الي سوت الفيديو ويشترك ويدعمها... رابط الفيديو بالتعليق المثبت

4 weeks ago | [YT] | 139

𝐇𝐢𝐝𝐝𝐞𝐧 𝐖𝐨𝐫𝐥𝐝

يا أهلاً وسهلاً بمتابعيني الأعزاء..

بتمنى إنه الإعلان يكون نال إعجابكم.. للأمانة هذا الفيديو متعوب على تفاصيل تفاصيله سواء من مشاهد أو ايديت او مونتاج أو إضاءة!
فيديو مدته لا تتجاوز 57 ثانية أخذ مني شغل أسبوعين متواصل.. حتى الصورة المصغرة تعبت عليها وابتكرتها تكون مثل ما بدي بالضبط وتليق لمحتواي وأحداثي..!

وبتمنى من كللللللل قلبي إنه هذا الفيديو يرفع تفاعل القناة ولو شوي.. ما أخفيكم بما إنكم أعزاء علي تفاعل القناة مش مرضي بالمرة.. ليش؟ أنا ما بقوللكم بدي تفاعل غير شكل لكن على الأقل يضل التفاعل مثل ما هو مش يقل للنص دفعة وحدة..

مش معقول يعني إنه كل الناس مشغولة بحياتها ودراستها بهذه الطريقة عن قناتي بينما القنوات الثانية لا! وهذا الإشي على مرأى عيني
اقسم بالله بتكون صاحبة القناة مش مغلبة حالها حتى بصورة مصغرة متعوب عليها ولا مونتاجها هلمونتاج ومع هيك بيجيها التفاعل لعندها على البارد المستريح .. ما بحسد حدا والعياذ بالله لكن أعطوا لكل حدا حقه على الأقل..

ما بقدر أخفي ضيقي وحزني من التفاعل السيء هاد واني بعذر الناس انها مشغولة بمدارسها والامتحانات لكن اشي بزعل لما اشوف قنوات غيري التفاعل عندها طبيعي جدا وبالعكس جبار وقنواتهم بتكبر على عكسي الي تفاعل قناتي يتهاوى وقناتي مش راضية تكبر بالمرة..

حاولت اني اتوافق معكم من ناحية المواعيد وحكتولي احنا بنفضى يوم الجمعة المساء وانا حكيت سمعًا وطاعة لكن ما بعرف شو بقول وما بحكي غير انه الله يفتحها علي شوي بالقناة.. عليم بالله اني بحب امنتج وبحب التأليف والخيال لكن لما تشوف الناس مش مهتمة بهذه الطريقة المؤلمة العزيمة بتنزل غصب وأكيد ما بقصد الجميع لكن نسبة 97% من متابعين القناة هيك.

1 month ago | [YT] | 221

𝐇𝐢𝐝𝐝𝐞𝐧 𝐖𝐨𝐫𝐥𝐝

كيفكم أعزائي الحلوين؟

قررت إني وأخيرًا أسوي إعلان للسلسلة كاملة لكنننننن!!!

بعد التفكير المطول بالموضوع ارتأيت إنه الإعلان يكون للفصل الأول من السلسلة.
فصل أول؟ نعم عزيزي المتابع الفصل الأول زي ما قرأت تمامًا..!

ليش؟ لإنه السلسلة عبارة عن ثلاث فصول وكل فصل يحتوي على عدد كبير جدًا من الحلقات بما يتجاوز الأربعين حلقة!

اوف أربعين حلقة؟ يعني حلقاتك الجاية رح تتجاوز الـ 100؟ والله بحسب حساباتي الرائعة احتمال كبير إنه نعم لإني مخططة للسلسلة من أول حلقة لآخر حلقة وكل حلقة كيف فيها مشاهد وكيف أبدأ فيها وكيف أنهيها وحرفيًا السلسلة مليااااااانة أفكار دسمة وصادمة✨

بالنسبة للإعلان فا ليه اعلان للفصل الأول فقط من السلسلة؟ لإني لو بدي أضيف لقطات من الفصل الثاني رح ينحرق عليكم الفصل الأول ولو بدي أضيف لقطة من الفصل الثالث رح ينحرق عليكم الفصل الأول والثاني سوى فا لا انسوا😂

حاليًا كل اللقطات الي رح أضيفها للإعلان مدروسة والها هدف وممكن ناس تحس فيها حرق بس بحب أحكيلكم أعزائي إنه الفصل الأول من السلسلة ولا إشي جنب الفصل الثاني والثالث وهو من باب المساعدة للإستنتاج لا أكثر والي رح تحسوه حرق رح تكتشفوا قديه هو تافه جنب الي بستناكم في الفصول الجاية بإذن الله!

تجهزوا منيح للإعلان الي بستناكم لإنه رح يكون أعظم إعلان تشوفه بحياتك في مجتمع قاشا كله ومستحيل تكون شفت زيه✨

1 month ago | [YT] | 190

𝐇𝐢𝐝𝐝𝐞𝐧 𝐖𝐨𝐫𝐥𝐝

وبسم الله بلشنا شغل للحلقة الجديدة!

إلي بتذكر مين البنت الي شعرها وردي وشو اسمها اله تثبيت😂✨

1 month ago | [YT] | 165